Cəlilabad rayonunun Şıxlar kəndində azyaşlıya hədə-qorxu gələrək 69.000 rubl, 300 ABŞ dolları və 909 manat pul almaqda şübhəli bilinən E.Abbasov və Ə.Quliyev müəyyən edilərək saxlanılmışlar

23.05.2022

Cəlilabad Rayon Polis Şöbəsinə mayın 15-dən 22-dək olan müddətdə Şıxlar kəndində 2 nəfərin azyaşlıya hədə-qorxu gələrək 69.000 rubl, 300 ABŞ dolları və 909 manat pul almaları barədə müraciət daxil olmuşdur.Polis əməkdaşlarının keçirdikləri əməliyyat tədbirləri nəticəsində bu əməli törətməkdə şübhəli bilinən kənd sakinləri E.Abbasov və Ə.Quliyev müəyyən edilərək saxlanılmışlar. Faktla əlaqədar cinayət işi başlanmışdır.

DİN-in “102 - Zəng Mərkəzi”nə mobil telefondan zəng edərək yalan məlumat verən Ağsu rayonunun Ərəbuşağı kənd sakini F.Nizamlı saxlanılıb

23.05.2022

Mayın 4-də saat 4.50-də DİN-in “102 - Zəng Mərkəzi”nə mobil telefondan zəng edən şəxs “Ağsu rayonunun Ərəbuşağı kəndindəki orta məktəbdə bomba var” deyərək telefonu söndürüb. Dərhal Ağsu Rayon Polis Şöbəsinin əməkdaşları tərəfindən müvafiq tədbirlər həyata keçirilib və məlumat təsdiqini tapmayıb.Araşdırmalarla telefon zənginin Ərəbuşağı kənd sakini, ruhi xəstə, 23 yaşlı F.Nizamlı tərəfindən edilməsi müəyyən olunub. Əməliyyat-axtarış tədbirləri nəticəsində o, saxlanılıb.Ağsu Rayon Polis Şöbəsində Cinayət Məcəlləsinin 216-cı maddəsi (terrorçuluq barədə bilə-bilə yalan məlumat vermə) ilə cinayət işi başlanılıb.

Oğurluq etdiyinə görə tutulmuş E.Fərzəliyevin Sabunçu rayonu ərazisində daha 8 evdən və 2 mağazadan oğurluq hadisələrini törətməsi də müəyyən olunmuşdur

23.05.2022

Sabunçu RPİ 15-ci PB-nin əməkdaşları tərəfindən oğurluq etdiyinə görə tutulmuş E.Fərzəliyevin ətrafında aparılan əməliyyat tədbirləri ilə onun rayon ərazisində daha 8  evdən və 2 mağazalardan 2670 manat pul, 4000 manat dəyərində tütün məmulatı, 630 manat dəyərində spirtli içki, 12.720 manat dəyərində qızıl-zinət və məişət əşyaları oğurlaması da müəyyən olunmuşdur.

Şərur rayonunun Xanlıqlar kəndi ərazisində “QAZ-33021” markalı avtomobillə kənd sakini Adil Cəlilov vurulmuşdur

23.05.2022

Mayın 23-də saat 9 radələrində Şərur rayonunun Xanlıqlar kəndi ərazisində kənd sakini K.Həsənov idarə etdiyi “QAZ-33021” markalı avtomobillə yolun kənarı ilə gedən həmkəndlisi Adil Cəlilovu vurmuş və nəticədə piyada aldığı xəsarətlərdən hadisə yerində ölmüşdür.Şərur Rayon Polis İdarəsində araşdırma aparılır.

Biləsuvar rayonunun Əliabad kəndi ərazisində “BMW” markalı avtomobillə kənd sakini Səccad Bəgəliyev vurulmuşdur

23.05.2022

Mayın 23-də saat 14 radələrində Biləsuvar rayonunun Əliabad kəndi ərazisində Göygöl rayon sakini S.Tanrıverdiyev idarə etdiyi “BMW” markalı avtomobillə yolu keçən kənd sakini Səccad Bəgəliyevi vurmuşdur. Nəticədə xəsarətlə xəstəxanaya yerləşdirilmiş piyada orada ölmüşdür.Biləsuvar Rayon Polis Şöbəsində araşdırma aparılır.

Bakıda xarici ölkə vətəndaşları olan TIR sürücülərini dələduzluq yolu ilə aldadan şəxs saxlanılıb

23.05.2022

Yasamal Rayon Polis İdarəsinin 29-cu Polis Şöbəsinin əməkdaşları tərəfindən həyata keçirilən əməliyyat-axtarış tədbiri nəticəsində xarici ölkə vətəndaşlarının etibarından sui-istifadə edərək dələduzluq yolu ilə onları aldadan əvvəllər məhkum olunmuş Aydın Qambayev saxlanılıb.Araşdırma zamanı müəyyən edilib ki, həmin şəxs özünü xaricə müxtəlif təyinatlı məhsullar ixrac edən iş adamı kimi təqdim edib. Aydın Qambayev Bakı şəhərində olan və beynəlxalq yükdaşıma ilə məşğul olan müxtəlif xarici ölkə vətəndaşları olan TIR sürücülərini guya onların avtomobilləri ilə yük göndərəcəyi adı altında aldadaraq zərərçəkənlərin pullarını ələ keçirib. Bu müddət ərzində Aydın Qambayev 20-ə yaxın TIR sürücüsünü dələduzluq yolu ilə aldadıb.Faktlarla bağlı saxlanılan şəxs barəsində 29-cu Polis Şöbəsində toplanan materiallar Yasamal Rayon Polis İdarəsinin İstintaq Şöbəsinə göndərilib. Aydın Qambayevin digər cinayət əlaqələrinin aşkar edilməsi istiqamətində əməliyyat tədbirləri davam etdirilir. Onun əməllərindən zərərçəkən başqa vətəndaşlar varsa ərazi polis orqanlarına, "102" Xidməti-Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.

Gün ərzində törədilmiş 37 cinayətin üstü “isti izlər”lə açılmışdır

22.05.2022

Respublikanın daxili işlər orqanları tərəfindən gün ərzində törədilmiş 37 cinayətin üstü “isti izlər”lə açılmışdır.

İmişli rayonunun Xubyarlı kəndi ərazisində yol-nəqliyyat hadisəsi

22.05.2022

Mayın 22-də saat 19 radələrində İmişli rayonunun Xubyarlı kəndi ərazisində kənd sakini Elvin Əsədzadə idarə etdiyi “Mercedes” markalı avtomobili aşırmışdır. Xəsarət almış sürücü xəstəxanaya aparılarkən yolda ölmüşdür.Baş İstintaq və Təhqiqat İdarəsi tərəfindən araşdırma aparılır. 

Ucar rayonunun Müsüslü kəndi ərazisində yol-nəqliyyat hadisəsi

22.05.2022

Mayın 22-də saat 18 radələrində Ucar rayonunun Müsüslü kəndi ərazisində Mingəçevir şəhər sakini N.Əzizov idarə etdiyi “Ford” markalı avtomobillə Göyçay rayon sakini Nicat Tağıyevi vurmuşdur. Nəticədə xəsarətlə xəstəxanaya yerləşdirilmiş piyada orada ölmüşdür.Baş İstintaq və Təhqiqat İdarəsi tərəfindən araşdırma aparılır. 

Kultivasiya yolu ilə yetişdirilmiş çətənə kolları aşkar edilərək götürülmüşdür

22.05.2022

Şirvan ŞPŞ əməkdaşlarının keçirdikləri əməliyyat tədbirləri nəticəsində şəhər sakinləri M.Hüseynovdan marixuana, həyətindən kultivasiya yolu ilə yetişdirilmiş 60 ədəd çətənə kolu, əvvəllər məhkum olunmuş İ.Hüseynovun həyətindən isə kultivasiya yolu ilə yetişdirilmiş 36 ədəd çətənə kolu aşkar edilərək götürülmüşdür.Göyçay RPŞ əməkdaşlarının keçirdikləri əməliyyat tədbirləri nəticəsində Ləkçıplaq kənd sakini U.Osmanovun həyətindən kultivasiya yolu ilə yetişdirilmiş 166 ədəd çətənə kolu aşkar edilərək götürülmüşdür.