Lerik rayonunun Orand kəndi ərazisində 8 hektar sahədə yabanı halda bitən çətənə kolları məhv edilib

18.06.2022

Baş Narkotiklərlə Mübarizə İdarəsinin Cənub Bölgəsində Regional Şöbəsi və Lerik RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Orand kəndi ərazisində 8 hektar sahədən yabanı halda bitən 5,7 ton çəkidə 15.373 ədəd çətənə kolu aşkar olunaraq məhv edilib.

Ucar rayonunun Rəstəcə kənd sakini F.Hüseynovun həyətindən çətənə kolları aşkar edilərək götürülüb

18.06.2022

Ucar RPŞ əməkdaşlarının keçirdikləri əməliyyat tədbiri nəticəsində Rəstəcə kənd sakini F.Hüseynovun həyətindən kultivasiya yolu ilə yetişdirilən 12 ədəd çətənə kolu aşkar edilərək götürülüb.

Ağdam rayonunun Xındırıstan kəndi ərazisində “VAZ-21063” və “BMW” markalı avtomobillər toqquşub

18.06.2022

İyunun 18-də saat 19 radələrində Ağdam rayonunun Xındırıstan kəndi ərazisində Aşur Əliyevin idarə etdiyi “VAZ-21063” və İ.Vəliyevin idarə etdiyi “BMW” markalı avtomobillər toqquşub. Nəticədə xəsarətlə xəstəxanaya yerləşdirilən A.Əliyev ölüb, digər sürücünün vəziyyəti qənaətbəxşdir. Ağdam Rayon Polis Şöbəsində araşdırma aparılır.

Ağdam rayonunun Evoğlu kəndi ərazisində “VAZ-21074” markalı avtomobil aşıb

18.06.2022

İyunun 18-də saat 22 radələrində Ağdam rayonunun Evoğlu kəndi ərazisində kənd sakini Elşad Hüseynov idarə etdiyi “VAZ-21074” markalı avtomobili aşırıb. Nəticədə xəsarətlə xəstəxanaya yerləşdirilən sürücü ölüb.Ağdam Rayon Polis Şöbəsində araşdırma aparılır.

Gün ərzində ölkə ərazisində qeydə alınan cinayətlərdən 52-nin açılması təmin olunub

17.06.2022

İyunun 17-də ölkə ərazisində qeydə alınan cinayətlərdən 52-nin, eləcə də əvvəlki dövrlərdən bağlı qalan cinayətlərdən 16-nın açılması daxili işlər orqanlarının əməkdaşları tərəfindən təmin olunub.

Polis vətəndaşın həyatını xilas etdi

17.06.2022

İyunun 17-də saat 21 radələrində Şirvan şəhər sakini, əvvəllər narkotik vasitələrin istifadəsinə və satışına görə məhkum olunmuş 32 yaşlı Elzamin Allahverdiyev paytaxtın Nəsimi rayonu ərazisindəki yaşayış binalarından birinin 5-ci mərtəbəsinə çıxaraq oradan özünü atmağa cəhd göstərib. Hadisə yerinə gələn Nəsimi Rayon Mühafizə İdarəsinin əməkdaşı, polis serjantı İ.Cavayev aşağı mərtəbədəki pəncərənin şüşəsinin yumruqla qıraraq E.Allahverdiyevin ayağından tutub və digər polis əməkdaşlarının köməyi ilə cəhdin qarşısını alaraq onun həyatını xilas edib.Sağ bilək və baş nahiyəsindən kəsik xəsarətləri alan polis əməkdaşı DİN-in Hospitalına yerləşdirilib, vəziyyəti qənaətbəxşdir.

Binəqədi rayonu ərazisində bir avtomobildən oğurluq etməkdə şübhəli bilinən X.Mirmövsümov saxlanılıb

17.06.2022

Binəqədi RPİ 6-cı Polis Bölməsi  əməkdaşlarının keçirdikləri əməliyyat tədbiri nəticəsində rayon ərazisində “Saipa” markalı bir avtomobildən 455 manat pul və sənəd oğurlamaqda şübhəli bilinən Sabirabad rayon sakini X.Mirmövsümov müəyyən edilərək saxlanılıb. Araşdırma aparılır.

Yevlax rayonunun Qaroğlan kəndi ərazisində kənd sakini Y.Məmmədovun yetişdirdiyi çətənə kolları götürülüb

17.06.2022

Yevlax RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Qaroğlan kəndi ərazisində kənd sakini Y.Məmmədovun  kultivasiya yolu ilə yetişdirdiyi 39 ədəd çətənə kolu aşkar edilərək götürülüb.

Kürdəmir rayonunun Ərşəli kəndi ərazisində “Ford Transit” markalı avtomobillə Sığırlı kənd sakini Q.Qarayev vurulub

17.06.2022

İyunun 17-də saat 23 radələrində Kürdəmir rayonunun Ərşəli kəndi ərazisində Ağdaş rayon sakini M.Nəbiyev idarə etdiyi “Ford Transit” markalı avtomobillə yolu keçən Sığırlı kənd sakini Qismət Qarayevi vurub və nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Gün ərzində ölkə ərazisində qeydə alınan cinayətlərdən 51-nin açılması təmin olunub

16.06.2022

İyunun 16 -da ölkə ərazisində qeydə alınan cinayətlərdən 51-nin, eləcə də əvvəlki dövrlərdən bağlı qalan cinayətlərdən 16-nın açılması daxili işlər orqanlarının əməkdaşları tərəfindən təmin olunub.