Tovuz rayon sakini O.Məmmədova məxsus avtomobili qaçıraraq qəza törətməkdə şübhəli bilinən Cəlilabad rayon sakini S.Əsədov saxlanılıb

21.06.2022

Binəqədi RPİ-nin 6-cı Polis Bölməsinə iyunun 21-nə keçən gecə Biləcəri qəsəbəsi ərazisindəki avtomobillərin yuyulması məntəqələrinin birindən Tovuz rayon sakini O.Məmmədovun “Honda” markalı avtomobilinin qaçırılması barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsinin orada işləyən Cəlilabad rayon sakini S.Əsədov tərəfindən qaçırılması və Nəsimi rayonunun Cavadxan küçəsində idarə edərkən hasara vurması müəyyən olunub. Görülmüş tədbirlərlə S.Əsədov saxlanılıb.Binəqədi RPİ-də araşdırma aparılır.Bir daha vətəndaşlarımızın diqqətinə çatdırırıq ki, avtomobillərini təmiri sexlərində, yuyulma məntəqələrində və digər yerlərdə nəzarətsiz buraxmasınlar. 

Tərtər rayonunun Qaradağlı kəndi ərazisində yol-nəqliyyat hadisəsi

21.06.2022

İyunun 21-də saat 17 radələrində Tərtər rayonunun Qaradağlı kəndi ərazisində Sarov kənd sakini P.Əliyev idarə etdiyi “T-28” markalı traktorla yolu keçən kənd sakini Bayram Alquliyevi vurub. Nəticədə piyada xəstəxanaya aparılarkən yolda ölüb.Tərtər RPŞ-də araşdırma aparılır.

Oğurluqda şübhəli bilinən Yevlax rayon sakini R.Rüstəmov saxlanılıb

21.06.2022

Metropolitendə PŞ əməkdaşlarının keçirdikləri əməliyyat-axtarış tədbirləri nəticəsində iyunun 13-də Bakı şəhər sakini A.Zabalıyevin çantasından pul, 500 manat dəyərində qulaqcıq və mobil telefon oğurlamaqda şübhəli bilinən Yevlax rayon sakini, əvvəllər məhkum olunmuş R.Rüstəmov saxlanılıb.

970 metr naqil oğurlamaqda şübhəli bilinən Bakı şəhər sakini C.Babayev saxlanılıb

21.06.2022

Suraxanı RPİ 31-ci PB əməkdaşlarının keçirdikləri əməliyyat-axtarış tədbirləri nəticəsində iyunun 18-də Suraxanı qəsəbəsi ərazisindəki körpünün üzərindəki dirəklərdən 970 metr naqil oğurlamaqda şübhəli bilinən Bakı şəhər sakini, əvvəllər məhkum olunmuş C.Babayev saxlanılıb.

Masallı rayon sakini A.Fəttayevin evindən narkotik vasitələr və elektron tərəzi götürülüb

21.06.2022

Sumqayıt ŞPİ 3-cü PB əməkdaşlarının keçirdikləri əməliyyat tədbirləri nəticəsində Masallı rayon sakini, əvvəllər məhkum olunmuş A.Fəttayev saxlanılıb. Şəxsi axtarış zamanı ondan metamfetamin aşkar edilib.Davam etdirilən tədbirlərlə onun evindən isə 10 qramdan artıq heroin, 71 qramdan artıq marixuana, 9 qrama yaxın metamfetamin, 14 ədəd metadon həbi və elektron tərəzi götürülüb.

Qobustan rayonunun Xilmilli kəndi ərazisində xuliqanlıq zəminində kənd sakini S.Qardaşəliyevə ov tüfəngindən yüngül xəsarət yetirən həmkəndlisi İ.Yusibov saxlanılıb

21.06.2022

İyunun 21-də Qobustan rayonunun Xilmilli kəndi ərazisində kənd sakini İ.Yusibov sərxoş vəziyyətdə xuliqanlıq zəminində həmkəndlisi S.Qardaşəliyevin istiqamətində ov tüfəngindən atəş açaraq ona yüngül xəsarət yetirib.Qobustan RPŞ əməkdaşlarının keçirdikləri əməliyyat tədbirləri nəticəsində İ.Yusibov saxlanılıb, ondan müvafiq sənədləri olan “Churchill” markalı ov tüfəngi götürülüb.

Axtarışda olan L.Zeynalova saxlanılıb

21.06.2022

Lənkəran ŞRPŞ əməkdaşlarının keçirdikləri əməliyyat tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan L.Zeynalova saxlanılıb. Ətrafında aparılan tədbirlərlə onun cari ilin aprel-may ayları ərzində Velədi kəndində 17 nəfəri aldadaraq onlardan ümumilikdə 15900 manat pul alması da müəyyən olunub.

Quba rayonunun Aşağı Atuc kənd sakini M.Sultanovdan qanunsuz saxladığı ov tüfəngi götürülüb

21.06.2022

Quba RPŞ əməkdaşlarının keçirdikləri əməliyyat tədbirləri nəticəsində Aşağı Atuc kənd sakini M.Sultanovdan qanunsuz saxladığı nömrəsi və markası silinmiş ov tüfəngi götürülüb.

Balakən rayonunun Kortala kəndi ərazisində yabanı halda bitmiş çətənə kolları məhv edilib

21.06.2022

Balakən RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Kortala kəndi ərazisində yabanı halda bitmiş 4 ton 200 kiloqram çəkidə 6380 ədəd çətənə kolu aşkar edilərək məhv edilib.

İsmayıllı rayonunun Xanagah kəndi yaxınlığında yabanı halda bitmiş çətənə kolları aşkar edilərək məhv edilib

21.06.2022

İsmayıllı RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Xanagah kəndi yaxınlığında yabanı halda bitmiş 1 ton 295 kiloqram çəkidə 1850 ədəd çətənə kolu aşkar edilərək məhv edilib.