Sabunçu rayon sakini V.Xudabaxşıyevin Maştağa qəsəbəsindəki həyətindən 22 ədəd çətənə kolu aşkar edilərək götürülüb

19.06.2022

Sabunçu RPİ əməkdaşlarının keçirdikləri əməliyyat tədbirləri nəticəsində V.Xudabaxşıyevin Maştağa qəsəbəsindəki həyətindən kultivasiya yolu ilə yetişdirilmiş 22 ədəd çətənə kolu aşkar edilərək götürülüb.

Sabunçu rayonunun Maştağa qəsəbəsində yaşayan A.Ağamovun həyətindən 18 ədəd çətənə kolu aşkar edilərək götürülüb

19.06.2022

Sabunçu RPİ 14-cü PB əməkdaşlarının keçirdikləri əməliyyat tədbirləri nəticəsində Maştağa qəsəbəsində yaşayan, əvvəllər məhkum olunmuş A.Ağamovun həyətindən kultivasiya yolu ilə yetişdirilmiş 18 ədəd çətənə kolu aşkar edilərək götürülüb.

Quldurluq törətməkdə şübhəli bilinən R.Abdullayev və Ə.Abdinov saxlanılıblar

19.06.2022

Nəsimi RPİ-nin 21-ci Polis Bölməsinə iyunun 15-də S.Əsgərova küçəsində Ucar rayon sakini E.Hüseynovun bıçaqla hədələnib içərisində pul, mobil telefon və əşyaları olan çantasının talanması barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinənlər - Bakı şəhər sakini R.Abdullayev və Abşeron rayon sakini, əvvəllər məhkum olunmuş Ə.Abdinov saxlanılıblar.Araşdırma aparılır.

Sabirabad rayonu ərazisindəki mağazaların birindən oğurluq etməkdə şübhəli bilinən şəxslər saxlanılıblar

19.06.2022

Sabirabad RPŞ əməkdaşlarının keçirdikləri əməliyyat-axtarış tədbirləri nəticəsində martın 17-də rayon ərazisindəki mağazaların birindən 2 ədəd bank kartı, 500 manat pul və 200 manat dəyərində danışıq kartları oğurlamaqda şübhəli bilinən şəhər sakinləri F.Abbasov və əvvəllər məhkum olunmuş R.Xəlilzadə saxlanılıblar.

Şirvan şəhər sakini A.Bədirovun evindən avtomat silahı götürülüb

19.06.2022

Şirvan ŞPŞ əməkdaşlarının keçirdikləri əməliyyat-axtarış tədbirləri nəticəsində A.Bədirovun evinə baxış zamanı oradan “AK-103” markalı avtomat silahı aşkar edilərək götürülüb.

Goranboy rayonunun Eyvazlılar kəndi ərazisində yabanı halda bitmiş çətənə kolları məhv edilib

19.06.2022

Goranboy RPŞ əməkdaşlarının keçirdikləri əməliyyat tədbirləri nəticəsində Eyvazlılar kəndi ərazisində 80 sot sahədə yabanı halda bitmiş 1 ton 480 kiloqram çəkidə 4312 ədəd çətənə kolu aşkar edilərək məhv edilib.

Qubadlı rayonunun Bəxtiyarlı kəndi ərazisində yabanı halda bitmiş 2 ton 32 kiloqram çəkidə çətənə kolları məhv edilib

19.06.2022

Qubadlı RPŞ, DTX-nin Qubadlı rayon şöbəsi, Ekologiya və Təbii Sərvətlər Nazirliyi əməkdaşlarının keçirdikləri birgə tədbirlərlə Bəxtiyarlı kəndi ərazisində yabanı halda bitmiş 2 ton 32 kiloqram çəkidə 7856 ədəd çətənə kolu aşkar edilərək məhv edilib.

Gün ərzində ölkə ərazisində qeydə alınan cinayətlərdən 42-nin açılması təmin olunub

18.06.2022

İyunun 18-də ölkə ərazisində qeydə alınan cinayətlərdən 42-nin, eləcə də əvvəlki dövrlərdən bağlı qalan cinayətlərdən 2-nin açılması daxili işlər orqanlarının əməkdaşları tərəfindən təmin olunub.

Bərdə rayonunda Kürdborakı kənd sakini N.Hüseynov ov tüfəngi ilə həmkəndlisi A.Hüseynovu, sonra isə özünü öldürüb

18.06.2022

Bərdə Rayon Polis Şöbəsinə iyunun 18-də saat 13 radələrində Şatırlı kəndi ərazisində Kürdborakı kənd sakini N.Hüseynovun münaqişə zəminində ov tüfəngindən açdığı atəşlə həmkəndlisi A.Hüseynovu, sonra isə özünü öldürməsi barədə məlumat daxilı olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Hadisə yerindən N.Hüseynovun qanunsuz saxladığı “İJ-16” markalı ov tüfəngi götürülüb.Araşdırma aparılır.

“Şirvanoil” MMC-nin mədən ərazisində olan neft quyusundan 24 metr naqil oğurlamaqda şübhəli bilinən Sabirabad rayon sakini Ə.Əliyusifli saxlanılıb

18.06.2022

Hacıqabul RPŞ əməkdaşlarının keçirdikləri əməliyyat tədbiri nəticəsində “Şirvanoil” MMC-nin mədən ərazisində olan neft quyusundan 24 metr naqil oğurlamaqda şübhəli bilinən Sabirabad rayon sakini Ə.Əliyusifli saxlanılıb. Ətrafında aparılan tədbirlərlə onun iyunun 14-də Ağacanlı kəndindəki mədən ərazisində olan 2 neft quyusundan da metal lövhələri oğurlaması müəyyən olunub. Araşdırma aparılır.