Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Xəzər rayonunun Binə qəsəbəsi ərazisində bir avtomobildən 1000 manat oğurlamaqda şübhəli bilinən qəsəbə sakini Q.Səmədov saxlanılıb
24.08.2022
Xəzər RPİ 3-cü PŞ əməkdaşlarının keçirdikləri əməliyyat-axtarış tədbirləri nəticəsində Binə qəsəbəsi ərazisində bir avtomobildən 1000 manat oğurlamaqda şübhəli bilinən qəsəbə sakini Q.Səmədov saxlanılıb. Araşdırma nəticəsində şəxsin daha bir avtomobildən 50 manat, 100 ABŞ dolları, 310 manat dəyərində mobil telefon, elektron siqaret və qəlyan avadanlığı oğurladığı da müəyyən olunub.
Narkotik vasitələrin qanunsuz dövriyyəsində şübhəli bilinən Tərtər rayon sakini Ş.İngiliszadə və Ağdam rayon sakini X.Hacıyeva saxlanılıb
Binəqədi RPİ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Tərtər rayon sakini Ş.İngiliszadə və Ağdam rayon sakini X.Hacıyeva saxlanılıb. Şəxsi axtarış zamanı onlardan ümumilikdə 50 qramdan artıq heroin və 9 qramdan artıq metamfetamin aşkar olunaraq götürülüb. Onların birgə yaşadıqları evə baxış zamanı isə oradan 1 kiloqramdan artıq heroin və 300 qram metamfetamin aşkar olunaraq götürülüb.
Binəqədi rayonunda bir qadına qarşı quldurluq törətməkdə şübhəli bilinən Bakı şəhər sakini X.Tağıyeva saxlanılıb
Binəqədi RPİ 43-cü PB əməkdaşlarının keçirdikləri əməliyyat tədbirləri nəticəsində bir qadından içərisində 2350 manat pul, 300 manat dəyərində planşet və mobil telefonu olan çantanı quldurluq yolu ilə talamaqda şübhəli bilinən Bakı şəhər sakini, əvvəllər məhkum olunmuş X.Tağıyeva saxlanılıb.
Bakı şəhər sakini V.Muradxanovdan 1 kiloqramdan artıq heroin aşkar olunaraq götürülüb
Nərimanov RPİ 16-cı PB əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş V.Muradxanov saxlanılıb. Şəxsi axtarış zamanı ondan 1 kiloqramdan artıq heroin aşkar olunaraq götürülüb.
Tovuz rayonu ərazisində yerləşən bir evdən 1000 ABŞ dolları oğurlamaqda şübhəli bilinən Q.Mirzəyev saxlanılıb
Tovuz RPŞ əməkdaşlarının keçirdikləri əməliyyat tədbirləri nəticəsində rayon ərazisində yerləşən bir evdən 1000 ABŞ dolları oğurlamaqda şübhəli bilinən Aşağı Öysüzlü kənd sakini Q.Mirzəyev saxlanılıb.
Narkotik vasitələrin qanunsuz dövriyyəsində şübhəli bilinən Göyçay rayon sakini A.Beydullayev saxlanılıb
Göyçay RPŞ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Ləkçıplaq kənd sakini A.Beydullayev saxlanılıb. Ona məxsus həyətyanı sahəyə baxış zamanı oradan kultivasiya yolu ilə yetişdirilmiş 14 ədəd çətənə kolu və 1 kiloqramdan artıq marixuana aşkar olunaraq götürülüb.
Narkotik vasitələrin qanunsuz dövriyyəsində şübhəli bilinən Ağdaş rayon sakini A.Şahbazovun rayon ərazisində yetişdirdiyi çətənə kolları aşkar olunaraq götürülüb
Ağdaş RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində narkotik vasitələrin qanunsuz dövriyyəsində şübhəli bilinən Aral-1 kəndinin ərazisindən kənd sakini A.Şahbazovun tərəfindən kultivasiya yolu ilə yetişdirilmiş 21 ədəd çətənə kolu aşkar olunaraq götürülüb.
Narkotik vasitələrin qanunsuz dövriyyəsində şübhəli bilinən Cəlilabad rayon sakini C.Şirbəyov saxlanılıb
Cəlilabad RPŞ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Abdullu kənd sakini C.Şirbəyov saxlanılıb. Şəxsi axtarış zamanı ondan heroin götürülüb. Cəlilabad RPŞ və DSX-nin əməkdaşları tərəfindən davam etdirilən tədbirlərlə Yardımlı rayonu Zevin kəndinin ərazisində C.Şirbəyov tərəfindən gizlədilmiş 922 qram heroin aşkar olunaraq götürülüb.
Yetkinlik yaşına çatmayanları narkokuryerliyə cəlb etmək istəyən mütəşəkkil dəstənin üzvləri saxlanılıblar
Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən paytaxt və bölgələrdə son 20 gün ərzində keçirilən əməliyyatlar zamanı ölkə ərazisinə qaçaqmalçılıq yolu ilə külli miqdarda narkotik maddələr keçirən, onlayn yolla narkotiklərin satışını təşkil edən narkotik tərkibli bitkilərin kultivasiyası ilə məşğul olan və azyaşlıları narkokuryerliyə cəlb edən mütəşəkkil dəstənin daha 19 nəfər üzvü saxlanılıb. Həmin şəxslərdən ümumilikdə 154 kiloqram narkotik vasitə və psixotrop maddə, 1752 ədəd psixotrop tərkibli həb, 3739 ədəd kultivasiya edilərək yetişdirilən çətənə kolu və 33 ədəd “Makarov” markalı tapançaya aid patronlar aşkar edilib.Daxil olmuş məlumat əsasında Bakı şəhəri və bölgələrdə həyata keçirilən xüsusi əməliyyatlar zamanı Aqil Ağazadə, Əlizadə Baxşıyev və Əzim Əzimov saxlanılıblar. Bu şəxslərdən, idarə etdikləri avtomobillərdən, eləcə də yaşadıqları evlərdən ümumilikdə 103 kiloqram yüksək təsiredici narkotik maddə, o cümlədən 34 kiloqram heroin, 14 kiloqram tiryək, 15 kiloqram metamfetamin, 40 kiloqram marixuana, elektron tərəzilər, narkotik vasitələrin satışından əldə etdikləri pul vəsaitləri və onlayn satış zamanı istifadə olunan plastik kartlar aşkar edilib. Adları çəkilən şəxslərin əsas məqsədi qaçaqmalçılıq yolu ilə ölkəyə gətirilən narkotik vasitələri satmaqla yanaşı, yeni-yeni insanları asan yolla pul qazanmaq adı altında şirnikləndirərək narkokuryerliyə cəlb etmək olub.Qeyd edək ki, Əzim Əzimovun Sabunçu rayonunda yerləşən, suvarma, havalandırma və işqlandırma sistemi ilə təchiz edilən torpaq sahəsindən əlavə olaraq aqrotexniki qaydada qulluq edərək yetişdirdiyi yaş halda çəkisi 2 ton 600 kiloqram olan 3724 ədəd çətənə kolu da aşkar olunub. Keçirilmiş əməliyyat tədbirlərinin davamı olaraq qeyd edilən dövr ərzində narkotiklərin intensiv satışını təşkil edən daha 16 nəfər saxlanılıb. Onlardan 51 kiloqram müxtəlif növ narkotik vasitə və iş üçün əhəmiyyət kəsb edən digər maddi sübutlar aşkar olunub. Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, saxlanılan şəxslərin hər biri barəsində həbs qətimkan tədbiri seçilib.Bir daha vətəndaşları sağlam gələcək naminə narkotiklərdən uzaq durmağa, narkotacirlərin yalan vədlərinə inanmamağa və bu sahədə polis əməkdaşlarına dəstək olmağa çağırırıq.
Gün ərzində ölkə ərazisində qeydə alınan 67 cinayətin açılması təmin olunub
23.08.2022
Avqustun 23-də ölkə ərazisində qeydə alınan 67, əvvəlki dövrlərdən bağlı qalan 15 cinayətin açılması daxili işlər orqanlarının əməkdaşları tərəfindən təmin olunub.
