Avtomobildən 40.000 ABŞ dolları oğurlamaqda şübhəli bilinən Nardaran qəsəbə sakinləri M.Kazımov və V.Əsgərov müəyyən olunaraq saxlanılıblar

11.10.2022

Sabunçu RPİ-nin 15-ci Polis Bölməsinə Kürdəxanı qəsəbəsi ərazisindəki dayanacaqların birində “KİA” markalı avtomobildən 40.000 ABŞ dollarının oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Nardaran qəsəbə sakinləri M.Kazımov və V.Əsgərov müəyyən olunaraq saxlanılıblar. Araşdırma aparılır.    

Oğurluq etməkdə şübhəli bilinən Astara rayon sakini Z.Kərimov müəyyən olunaraq saxlanılıb

11.10.2022

Nəsimi RPİ-nin 19-cu Polis Şöbəsinə H.Seyidzadə küçəsində “Toyota” markalı bir avtomobildən şüşəni sındırmaq yolu ilə 7300 manat, 600 ABŞ dolları və sürücülük vəsiqəsinin oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Astara rayon sakini, əvvəllər məhkum olunmuş Z.Kərimov müəyyən olunaraq saxlanılıb. Araşdırma aparılır.  

Axtarışda olan T.Şahmarzadə tutulub

11.10.2022

Sabunçu RPİ 15-ci Polis Bölməsi  əməkdaşlarının keçirdikləri əməliyyat tədbiri nəticəsində Cinayət Məcəlləsinin 177-ci maddəsi (oğurluq) ilə axtarışda olan T.Şahmarzadə tutulub. Polis əməkdaşları tərəfindən onun Zabrat qəsəbəsindəki evlərin birindən  100 ABŞ dolları və 4000 manat dəyərində qızıl-zinət əşyaları oğurlaması da müəyyən olunub.

Oğurluq etməkdə şübhəli bilinən Bakı şəhər sakinləri olan 3 azyaşlı saxlanılıb

11.10.2022

Binəqədi RPİ-nin 5-ci Polis Bölməsinə S.S.Axundov küçəsində yerləşən mağazaların birindən 250 manat pul, 3750 manat dəyərində çanta, qol saatı və geyim əşyalarının oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakinləri olan 3 azyaşlı saxlanılıb. Araşdırma aparılır. 

Oğurluqda şübhəli bilinən Astara rayon sakini İ.Qəhrəmanov müəyyən olunaraq saxlanılıb

11.10.2022

Nizami RPİ-nin 24-cü Polis Şöbəsi və Xətai RPİ-nin 36-cı Polis Bölməsi əməkdaşlarının keçirdikləri əməliyyat tədbiri nəticəsində C.Naxçıvanski küçəsindəki mənzillərin birindən 3200 manat pul və 200 manat dəyərində qızıl boyunbağı oğurlamaqda şübhəli bilinən Astara rayon sakini, əvvəllər də oğurluq və quldurluğa görə məhkum olunmuş İ.Qəhrəmanov müəyyən olunaraq saxlanılıb.  Polis əməkdaşları tərəfindən ətrafında aparılan əməliyyat tədbirləri ilə onun Xətai rayonu X.Məmmədov küçəsindəki daha bir mənzildən 6000 manat dəyərində qızıl-zinət əşyaları,  R.Məmmədov küçəsindəki digər mənzildən isə 50 manat, 1000 rubl pul, 450 manat dəyərində mətbəx bıçağı və gümüş əşyalar oğurlaması da müəyyən olunub.

Oğurluq etməkdə şübhəli bilinən Sumqayıt şəhər sakinləri F.Hacıyev, V.Ağayev və qardaşı müəyyən olunaraq saxlanılıblar

11.10.2022

Sumqayıt ŞPİ-nin 4-cü Polis Bölməsinə Betonzavod adlanan ərazidə şirkətlərdən birinin anbarından 3 ədəd qaynaq aparatı, 2 ədəd taxta yonan dəzgah və digər texniki avadanlıqların oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Sumqayıt şəhər sakinləri F.Hacıyev, V.Ağayev və qardaşı müəyyən olunaraq saxlanılıblar. Araşdırma aparılır. 

Oğurluqda şübhəli bilinən Zaqatala rayon sakinləri E.Muradov və qardaşı müəyyən olunaraq saxlanılıblar

11.10.2022

Qax Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 5430 manat və 3000 ABŞ dolları oğurlamaqda şübhəli bilinən Zaqatala rayon sakinləri, əvvəllər məhkum olunmuşlar E.Muradov və qardaşı müəyyən olunaraq saxlanılıblar. Araşdırma aparılır. 

Oğurluq etdiyinə görə tutulan R.Xəlilovun törətdiyi digər cinayət əməli də müəyyən edilib

11.10.2022

Şəki ŞRPŞ-nin əməkdaşları tərəfindən oğurluq etdiyinə görə tutulan R.Xəlilovun ətrafında aparılan əməliyyat tədbirləri ilə onun Şəki şəhər sakini R.Tağıyevlə birgə Şəki Regional Perinatal Mərkəzindən UZİ aparatını oğurlaması da müəyyən olunub. 

Şirvan şəhər sakini Ü.Bəbirovdan qanunsuz saxladığı ov tüfəngi götürülüb

11.10.2022

Hacıqabul RPŞ əməkdaşlarının keçirdikləri əməliyyat tədbiri nəticəsində Şirvan şəhər sakini Ü.Bəbirovdan qanunsuz saxladığı “TOZ-16” markalı ov tüfəngi götürülüb.

Sabirabad rayonunun Həsənli kənd sakini T.İbrahimovun evinə baxış zamanı oradan qanunsuz saxladığı ov tüfəngi, 32 ədəd patron və 1 ədəd patrondaş aşkar olunaraq götürülüb

11.10.2022

Sabirabad RPŞ əməkdaşlarının keçirdikləri əməliyyat tədbiri nəticəsində Həsənli kənd sakini T.İbrahimovun evinə baxış zamanı oradan qanunsuz saxladığı “İJ” markalı ov tüfəngi, 32 ədəd patron və 1 ədəd patrondaş aşkar olunaraq götürülüb.