Oğurluq etdiyinə görə tutulan S.Əmirovun daha iki evdən pul və qızıl-zinət əşyaları oğurlaması da müəyyən olunub

13.10.2022

Suraxanı RPİ 30-cu Polis Şöbəsinin əməkdaşları tərəfindən oğurluq etdiyinə görə tutulan S.Əmirovun ətrafında aparılan tədbirlərlə onun daha iki evdən 1100 manat pul və 2500 manat dəyərində qızıl-zinət əşyaları oğurlaması da müəyyən olunub. 

Salyan rayonunda bir fermadan 4 baş inəyi və “Kanqal” cinsli iti oğurlamaqda şübhəli bilinən H.Mehdiyev saxlanılıb

13.10.2022

Salyan Rayon Polis Şöbəsi əməkdaşlarının keçirdikləri əməliyyat tədbiri nəticəsində Qardili kəndi ərazisindəki bir fermadan 4 baş inəyi və “Kanqal” cinsli iti oğurlamaqda şübhəli bilinən çoban, Ağsu rayon sakini H.Mehdiyev saxlanılıb. Araşdırma aparılır. 

Xaçmaz rayonu ərazisindəki evlərin birindən pul oğurlamaqda şübhəli bilinən Quba rayon sakini Ə.Hüseynov saxlanılıb

13.10.2022

Xaçmaz Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 1400 manat pul oğurlamaqda şübhəli bilinən Quba rayon sakini, əvvəllər məhkum olunmuş Ə.Hüseynov saxlanılıb. Araşdırma aparılır.

İmişli rayonunun Allahmədətli kəndindəki evlərdən birinin həyətindən 8 baş qoyunu oğurlamaqda şübhəli bilinən şəxslər Qaradağ rayonu ərazisində saxlanılıblar

13.10.2022

İmişli Rayon Polis Şöbəsinə oktyabrın 13-nə keçən gecə Allahmədətli kəndindəki evlərdən birinin həyətindən 8 baş qoyunun oğurlanması barədə müraciət daxil olub.İmişli RPŞ və Baş Dövlət Yol Polisi İdarəsi əməkdaşlarının birgə keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini İ.Süleymanov, Kürdəmir rayon sakini E.Hacıyev, İmişli şəhər sakini E.Abdullayev və Ağsu rayon sakini F.Abdullayev Qaradağ rayonu ərazisində paytaxt sakini S.Ələkbərovun idarə etdiyi “VAZ-2106” markalı avtomobillə saxlanılıblar.Araşdırma aparılır. 

Kürdəmir rayonunun Ərəbqubalı kəndində keçirilən toy məclisində xuliqanlıq zəminində müğənnini və onun sürücüsünü döyməkdə şübhəli bilinən şəxslər saxlanılıblar

13.10.2022

Kürdəmir Rayon Polis Şöbəsinə oktyabrın 12-də saat 22 radələrində Ərəbqubalı kəndində keçirilən toy məclisində 2 nəfərin xuliqanlıq zəminində müğənnini və onun sürücüsünü döymələri barədə məlumat daxil olub. Polis əməkdaşları tərəfindən müvafiq tədbirlər həyata keçirilib. Bu əməli törətməkdə şübhəli bilinən kənd sakinləri E.Şirinov və Q.Şirinov müəyyən olunaraq saxlanılıblar. Araşdırma aparılır.

Masallı rayonunun Şıxlar kənd sakini Z.Alışovdan heroin götürülüb

13.10.2022

Masallı RPŞ əməkdaşlarının keçirdikləri əməliyyat tədbiri nəticəsində saxlanılan Şıxlar kənd sakini Z.Alışovdan 2 qramdan artıq, yaşadığı evə baxış zamanı isə 147 qramdan çox heroin aşkar olunaraq götürülüb.

Şirvan şəhəri ərazisindəki mağazaların birindən oğurluq etməkdə şübhəli bilinən A.Xeyirxəbərov və E.Zeynalov saxlanılıblar

13.10.2022

Şirvan Şəhər Polis Şöbəsi əməkdaşlarının keçirdikləri əməliyyat tədbiri nəticəsində şəhər ərazisindəki mağazaların birindən 4330 manat dəyərində 11 ədəd mobil telefon, 1 ədəd planşet, 3 ədəd səsgücləndirici, 2 ədəd smart saat və 3 ədəd qulaqcıq oğurlamaqda şübhəli bilinən Altay Xeyirxəbərov və Elbrus Zeynalov müəyyən olunaraq saxlanılıblar. Araşdırma aparılır.

Astara şəhəri ərazisində “VAZ-2107” markalı avtomobili yolun kənarındakı ağaca çırpılıb

13.10.2022

Oktyabrın 13-də saat 22 radələrində Astara şəhəri ərazisində Ərçivan qəsəbə sakini İ.Əliyev idarə etdiyi “VAZ-2107” markalı avtomobili yolun kənarındakı ağaca vurub. Nəticədə sürücü və sərnişini İmaməli Hüseynov xəstəxanaya yerləşdirilib, İ.Hüseynov orada ölüb.  Astara Rayon Polis Şöbəsində araşdırma aparılır.

Gün ərzində ölkə ərazisində qeydə alınan 54 cinayətin açılması təmin olunub

12.10.2022

Oktyabrın  12-də ölkə ərazisində qeydə alınan 54, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.

Yevlax rayon sakini Vüqar Əsədovu bıçaqla vuraraq qəsdən öldürməkdə şübhəli bilinən qardaşı E.Əsədov tutularaq istintaqa təhvil verilib

12.10.2022

Yevlax Rayon Polis Şöbəsinə oktyabrın 12-də saat 20 radələrində rayon sakini Vüqar Əsədovun öldürülməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Aparılan araşdırmalarla rayon sakini, əvvəllər məhkum olunmuş E.Əsədovun yaşadığı evin həyətində münaqişə zəminində qardaşı Vüqarı bıçaqla vuraraq qəsdən öldürməsinə əsaslı şübhələr müəyyən edilib.Polis əməkdaşlarının keçirdikləri əməliyyat tədbirləri nəticəsində E.Əsədov şübhəli şəxs qismində tutularaq istintaqa təhvil verilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.