Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
İçərisində 600 manatı olan cüzdanı oğurlamaqda şübhəli bilinən Sabirabad rayonunun Yolçubəyli kənd sakini A.Hüseynov saxlanılıb
20.10.2022
Sabirabad Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon sakini Ş.Əhmədovun içərisində 600 manatı olan cüzdanını oğurlamaqda şübhəli bilinən Yolçubəyli kənd sakini, əvvəllər məhkum olunmuş A.Hüseynov saxlanılıb. Araşdırma aparılır.
Tərtər şəhəri ərazisində yol-nəqliyyat hadisəsi
Oktyabrın 20-də saat 12 radələrində Tərtər şəhəri ərazisində Səhləbad kənd sakinləri P.Sabirzadənin idarə etdiyi “KİA” və T.Cabbarovun idarə etdiyi “Toyota Pirus” markalı avtomobillər toqquşub, sonradan “Toyota Pirus” markalı avtomobil yolun kənarında dayanmış rayon sakini R.Səmədova məxsus “Mercedes” markalı mikroavtobusa dəyib. Nəticədə T.Cabbarovun sərnişini Xəyal Rüstəmzadə hadisə yerində ölüb, avtomobillərdə olan 8 nəfər müxtəlif dərəcəli xəsarətlərlə xəstəxanaya yerləşdiriliblər. Tərtər Rayon Polis Şöbəsində araşdırma aparılır.
Gəncə şəhəri ərazisində yol-nəqliyyat hadisəsi
Oktyabrın 20-də saat 18 radələrində Gəncə şəhəri ərazisində şəhər sakini R.Şəfiyev idarə etdiyi “Toyota” markalı avtomobillə yolu keçən həmyerlisi Sevda Məmmədovanı vurub. Nəticədə xəstəxanaya yerləşdirilən piyada orada ölüb.Gəncə Şəhər Baş Polis İdarəsində araşdırma aparılır.
Gün ərzində ölkə ərazisində qeydə alınan 54 cinayətin açılması təmin olunub
19.10.2022
Oktyabrın 19-da ölkə ərazisində qeydə alınan 54, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.
Oğurluq etməkdə şübhəli bilinən Bərdə rayon sakini A.Məmmədova və Bakı şəhər sakini S.Süleymanova müəyyən olunaraq saxlanılıblar
Binəqədi RPİ-nin 7-ci Polis Bölməsinə M.Ə.Rəsulzadə qəsəbəsindəki evlərin birindən 3000 manat pul və 1415 manat dəyərində məişət əşyalarının oğurlanması barədə müraciət daxil olub. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bərdə rayon sakini A.Məmmədova və Bakı şəhər sakini, əvvəllər məhkum olunmuş S.Süleymanova müəyyən olunaraq saxlanılıblar. Araşdırma aparılır.
Oğurluq etməkdə şübhəli bilinən Ağsu rayon sakini A.Nəsirov müəyyən olunaraq saxlanılıb
Sabunçu RPİ-nin 14-cü Polis Bölməsinə Maştağa qəsəbəsindəki evlərin birindən 2000 manat dəyərində lazer aparatı, məişət əşyaları və elektrik naqili, həyətdəki “Hyundai” markalı avtomobildən isə 1000 manat və 1300 ABŞ dollarının oğurlanması barədə müraciət daxil olub.Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Ağsu rayon sakini A.Nəsirov müəyyən olunaraq saxlanılıb. Araşdırma aparılır.
Oğurluq etməkdə şübhəli bilinən Bakı şəhər sakinləri E.Babayev, A.Kuliyev və Göyçay rayon sakini H.Salmanov müəyyən olunaraq saxlanılıblar
Yasamal RPİ-nin 26-cı Polis Bölməsinə M.Müşfiq küçəsində yerləşən su şirkətinin ofisindən 8450 manat dəyərində 5 ədəd su süzgəcinin oğurlanması barədə müraciət daxil olub.Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakinləri E.Babayev, A.Kuliyev və Göyçay rayon sakini H.Salmanov müəyyən olunaraq saxlanılıblar. Araşdırma aparılır.
3 ədəd velosiped oğurlamaqda və dələduzluq etməkdə şübhəli bilinən Bakı şəhər sakini H.Ələsgərov müəyyən olunaraq saxlanılıb
Binəqədi RPİ 43-cü Polis Bölməsi əməkdaşlarının keçirdikləri əməliyyat tədbiri nəticəsində Binəqədi qəsəbəsindəki həyətlərin birindən 3 ədəd velosiped oğurlamaqda və Bakı şəhər sakini olan bir qadını aldadaraq hesabına 90 manat pul ödətdirməklə dələduzluq etməkdə şübhəli bilinən Bakı şəhər sakini H.Ələsgərov müəyyən olunaraq saxlanılıb. Araşdırma aparılır.
Ümumi çəkisi 8 kiloqram 645 qram olan narkotik vasitə və 2200 ədəd yüksək təsiredici xüsusiyyətə malik həb götürülərək qanunsuz dövriyyədən çıxarılıb
Biləsuvar Rayon Polis Şöbəsi və Dövlət Sərhəd Xidməti əməkdaşlarının birgə keçirdikləri əməliyyat tədbiri nəticəsində ümumi çəkisi 8 kiloqram 645 qram olan narkotik vasitə və 2200 ədəd yüksək təsiredici xüsusiyyətə malik həb götürülərək qanunsuz dövriyyədən çıxarılıb. Belə ki, əməliyyat tədbiri nəticəsində saxlanılan Neftçala rayon sakini F.Hüseynovdan 5 kiloqram 710 qram tiryək, 1 kiloqram 965 qram metamfetamin, 470 qram heroin, 500 qram marixuana və 2200 ədəd metadon həbi aşkar olunaraq götürülüb. Faktla bağlı araşdırma aparılır.
Yevlax şəhər sakini R.Əliyevdən 2 kiloqram 205 qram marixuana aşkar olunaraq götürülüb
Yevlax RPŞ əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş R.Əliyevdən 2 kiloqram 205 qram marixuana aşkar olunaraq götürülüb.
