Xəzər rayonunun Türkan qəsəbəsi ərazisində yerləşən istixanadan 2000 metr qaz borusunu kəsərək oğurlamaqda şübhəli bilinən 9 nəfər müəyyən olunaraq saxlanılıb

23.09.2022

Xəzər RPİ-nin 1-ci Polis Şöbəsinə Türkan qəsəbəsi ərazisində yerləşən, istismarda olmayan bir istixanadan 250.000 manat dəyərində 2000 metr qaz borusunun kəsilərək oğurlanması barədə müraciət daxil olub. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən 9 nəfər müəyyən olunaraq saxlanılıb. Araşdırma aparılır.

Binəqədi rayonu ərazisində bir avtomobildən pul və sənəd oğurlamaqda şübhəli bilinən T.Əliyev saxlanılıb

23.09.2022

Binəqədi RPİ 5-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində rayon ərazisində “KİA” markalı bir avtomobildən 230 manat, 300 ABŞ dolları və sənəd oğurlamaqda şübhəli bilinən Bakı şəhər sakini T.Əliyev saxlanılıb. Araşdırma aparılır.

Gədəbəy rayonundakı Sarıtala yaylağında rayon sakini D.Zeniyevə məxsus 10 baş inəyi oğurlamaqda şübhəli bilinən Tovuz rayon sakini V.Qasımov saxlanılıb

23.09.2022

Gədəbəy Rayon Polis Şöbəsinə Sarıtala yaylağında Samanlıq kənd sakini D.Zeniyevə məxsus 15.000 manat dəyərində 10 baş inəyin oğurlanması barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Tovuz rayon sakini V.Qasımov saxlanılıb. Ətrafında aparılan tədbirlərlə onun sentyabrın 21-də Samanlıq kəndinin otlaq sahəsindən rayon sakinləri S.Yəhyayevə və Ə.Aslanlıya məxsus 6.000 manat dəyərində 6 baş inəyi oğurlaması da müəyyən olunub. Araşdırma aparılır.

İsmayıllı rayon sakini M.Məmmədovun həyətindən 11 baş qoyunu oğurlamaqda şübhəli bilinən rayon sakinləri A.Mirzəyev və S.Səlimov saxlanılıblar

23.09.2022

İsmayıllı Rayon Polis Şöbəsinə sentyabrın 22-də rayon sakini M.Məmmədovun həyətindən 11 baş qoyunun oğurlanması barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən rayon sakinləri A.Mirzəyev və S.Səlimov saxlanılıblar. Araşdırma aparılır. 

Sabunçu rayonunun Maştağa qəsəbəsi ərazisində “KamAZ” markalı yük avtomobili ilə yolu keçən iki piyadanı vurub

23.09.2022

Sentyabrın 23-də saat 14 radələrində Sabunçu rayonunun Maştağa qəsəbəsi ərazisində Cəlilabad rayon sakini F.Eyvazov idarə etdiyi “KamAZ” markalı yük avtomobili ilə yolu keçən Ağdaş rayon sakini Sevgi Rəsulovanı və İmişli rayon sakini Elvin Əzizlini vurub və nəticədə hər iki piyada hadisə yerində ölüb.Sabunçu Rayon Polis İdarəsində araşdırma aparılır. 

Binəqədi rayonunda narkokuryerlik edən taksi sürücüsü və daha bir nəfər saxlanılıb

23.09.2022

Binəqədi Rayon Polis İdarəsinin əməkdaşları tərəfindən narkotik vasitələrin satışı ilə məşğul olan şəxslərə qarşı əməliyyatlar davam etdirilir. Ötən gün baş tutan sonuncu əməliyyatlar zamanı narkokuryerliklə məşğul olan Kamran Talıbov Binəqədi qəsəbəsi Gülüstan küçəsi ərazisində saxlanılıb. Onun taksi fəaliyyəti ilə məşğul olduğu “Opel” markalı avtomobilin yük yerinə baxış zamanı 3 kiloqram heroin aşkar olunaraq götürülüb. İdarə əməkdaşları tərəfindən həyata keçirilən daha bir əməliyyat zamanı narkotiklərin satışı ilə məşğul olan daha bir nəfər - Səid Məmmədov da tutularaq istintaqa təqdim edilib. Onun üzərində şəxsi axtarış aparılan zaman 3 kiloqramdan artıq heroin aşkar edilib.Qeyd edək ki, Kamran Talıbov və Səid Məmmədov ifadələrində xarici ölkələrdən birində yaşayan narkotacirlərlə əlaqə yaradaraq onların Bakı şəhəri ərazisində maddi qazanc müqabilində narkokuryerlik təklifi ilə razılaşdıqlarını bildiriblər. Kamran Talıbovun həmin narkotacirlərlə əlaqəyə girməsi həyata keçirilən əməliyyat-texniki tədbirlərlə sübuta yetirilib. Xaricdən ölkə ərazisinə narkotik vasitələri qaçaqmalçılıq yolu ilə göndərən qadın və onun oğlu olduğu ehtimal edilən daha bir nəfərin şəxsiyyətinin müəyyənləşdirilməsi və onların yaşadıqları ölkənin hüquq-mühafizə orqanlarının əməkdaşları tərəfindən saxlanılması istiqamətində tədbirlər davam etdirilir.Faktlarla bağlı Binəqədi Rayon Polis İdarəsinin İstintaq Şöbəsində Cinayət İşləri başlanılıb. Kamran Talıbov və Səid Məmmədov barəsində məhkəmənin qərarı ilə həbs qətimkan tədbiri seçilib. Bu şəxslərin daxil olduğu narkoşəbəkənin digər üzvlərinin saxlanılması istiqamətində tədbirlər davam etdirilir. 

Gün ərzində ölkə ərazisində qeydə alınan 68 cinayətin açılması təmin olunub

22.09.2022

Sentyabrın  22-də ölkə ərazisində qeydə alınan 68, əvvəlki dövrlərdən bağlı qalan 15 cinayətin açılması daxili işlər orqanlarının əməkdaşları tərəfindən təmin olunub.

Oğurluq etdiyinə görə tutulan Ə.Bayramovun törətdiyi digər cinayət əməlləri də müəyyən olunub

22.09.2022

Abşeron Rayon Polis İdarəsinin əməkdaşları tərəfindən oğurluq etdiyinə görə tutulan Ə.Bayramovun ətrafında aparılan tədbirlərlə onun daha 2 nəfərin mobil telefonunu və bir nəfərin cibindən 200 manatını oğurlaması da müəyyən olunub. 

3 baş inəyi oğurlamaqda şübhəli bilinən Qax rayon sakini Ü.Abdurahmanov saxlanılıb

22.09.2022

Şəki Şəhər Rayon Polis Şöbəsinə İnçə kənd sakini Y.Feyzullayevə məxsus 3 baş inəyin oğurlanması barədə müraciət daxil olub.Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Qax rayon sakini, əvvəllər məhkum olunmuş Ü.Abdurahmanov saxlanılıb. Araşdırma aparılır.

Narkotik vasitə istifadə etməkdə və qanunsuz olaraq saxlamaqda şübhəli bilinən Hacıqabul rayon sakini N.İbrahimov saxlanılıb

22.09.2022

Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində narkotik vasitə istifadə etməkdə və qanunsuz olaraq saxlamaqda şübhəli bilinən rayon sakini N.İbrahimov saxlanılıb. Şəxsi axtarış zamanı ondan heroin aşkar olunub. Davam etdirilən əməliyyat-axtarış tədbirləri ilə onun yaşadığı evə baxış zamanı isə oradan “AKM” markalı avtomat silahı da götürülüb. Faktla bağlı Hacıqabul Rayon Polis Şöbəsində cinayət işi başlanılıb.