Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Nəqliyyat vasitəsini qaçırmaqda şübhəli bilinən Yevlax rayon sakini M.Bəkirov avtomobillə birgə saxlanılıb
04.10.2022
Binəqədi RPİ-nin 40-cı Polis Bölməsinə oktyabrın 4-də Hökməli qəsəbəsi ərazisindən qəsəbə sakini İ.Hümbətova məxsus “Ford Transit” markalı avtomobilin qaçırılması barədə məlumat daxil olub.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Yevlax rayon sakini M.Bəkirov Şirvan şəhəri ərazisində avtomobillə birgə saxlanılıb.Binəqədi Rayon Polis İdarəsində araşdırma aparılır.
Nəqliyyat vasitəsini qaçırmaqda şübhəli bilinən Bakı şəhər sakini Q.Əliyeva avtomobillə birgə saxlanılıb
Binəqədi RPİ-nin 6-cı Polis Bölməsinə Biləcəri qəsəbəsi ərazisindən Ş.Məmmədova məxsus “KİA” markalı avtomobilin qaçırılması barədə məlumat daxil olub.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakini Q.Əliyeva Suraxanı rayonunun Bülbülə qəsəbəsi ərazisində avtomobillə birgə saxlanılıb. Araşdırma aparılır.
Kultivasiya yolu ilə yetişdirilmiş 2 ədəd çətənə kolu və 1 kiloqram 550 qram marixuana aşkar olunaraq götürülüb
İmişli RPŞ əməkdaşlarının keçirdikləri əməliyyat tədbiri nəticəsində Murğuzallı kənd sakini R.İmanovun həyətindən kultivasiya yolu ilə yetişdirilmiş 2 ədəd çətənə kolu və 1 kiloqram 550 qram marixuana aşkar olunaraq götürülüb.
Astara rayonunun Şiyəkəran kənd sakini S.Qəhrəmanovdan qanunsuz saxladığı ov tüfəngi götürülüb
Astara RPŞ əməkdaşlarının keçirdikləri əməliyyat tədbiri nəticəsində Şiyəkəran kənd sakini S.Qəhrəmanovdan qanunsuz saxladığı “İJ-18” markalı ov tüfəngi götürülüb.
Səbail rayonunun Salyan şosesində yol-nəqliyyat hadisəsi
Oktyabrın 4-də saat 2 radələrində Səbail rayonunun Salyan şosesində bir qadın müəyyən edilməyən avtomobillə vurulub və o, hadisə yerində ölüb.Səbail RPİ 41-ci Polis Bölməsi və Əlahiddə Çevik Polis Alayı əməkdaşlarının keçirdikləri əməliyyat-axtarış tədbirləri nəticəsində həmin qadının Şirvan şəhər sakini Təhminə Qurbanova olması, yol-nəqliyyat-hadisəsinin isə “Hyundai” markalı avtomobillə törədilməsi müəyyən olunub. Yol qəzasını törədərək hadisə yerindən yayınan həmin avtomobilin sürücüsü, Bakı şəhər sakini A.Əliyev saxlanılıb.Araşdırma aparılır.
Qaradağ rayonunun Sahil qəsəbəsi ərazisində yol-nəqliyyat hadisəsi
Oktyabrın 4-də saat 23 radələrində Qaradağ rayonunun Sahil qəsəbəsi ərazisində Saatlı rayon sakini Y.Məmmdəov idarə etdiyi “Chevrolet” markalı avtomobillə yolu keçən Ağcabədi rayon sakini Elşən Xəlilovu vurub və həmin vaxt arxadan gələn Bakı şəhər sakini E.Rəhimovun idarə etdiyi “Toyota Prius” markalı avtomobil isə “Chevrolet” markalı avtomobilə dəyib. Nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.
Nizami rayonu ərazisində yol-nəqliyyat hadisəsi
Oktyabrın 4-də saat 21 radələrində Nizami rayonu ərazisində yolu keçən Xaçmaz rayon sakini Oqtay Rüstəmov müəyyən edilməyən avtomobillə vurulub və o, hadisə yerində ölüb.Nizami Rayon Polis İdarəsi tərəfindən əməliyyat-axtarış tədbirləri aparılır.
Şəmkir rayonunun Zəyəm qəsəbəsi ərazisində yol-nəqliyyat hadisəsi
Oktyabrın 4-də saat 22 radələrində Şəmkir rayonunun Zəyəm qəsəbəsi ərazisində qəsəbə sakini M.Hacıyev idarə etdiyi “VAZ-2107” markalı avtomobillə yolu keçən Bozalqanlı kənd sakini Rəhman Məhərrəmovu vurub. Nəticədə xəstəxanaya yerləşdirilən piyada orada ölüb.Şəmkir Rayon Polis Şöbəsində araşdırma aparılır.
Gün ərzində ölkə ərazisində qeydə alınan 29 cinayətin açılması təmin olunub
03.10.2022
Oktyabrın 3-də ölkə ərazisində qeydə alınan 29, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.
Sumqayıt şəhər sakini Nadir Rzayevi qətlə yetirməkdə şübhəli bilinən S.Abbasov tutularaq istintaqa təhvil verilib
Sumqayıt ŞPİ-nin 1-ci Polis Bölməsinə cari il avqustun 14-də 81 yaşlı Nadir Rzayevin Sumqayıt şəhərində yaşadığı evdən çıxaraq bir daha geri qayıtmaması barədə müraciət daxil olub.Polis əməkdaşları tərəfindən onun yerinin müəyyən olunub tapılması istiqamətində zəruri əməliyyat-axtarış tədbirlərinə başlanılıb. Oktyabrın 3-də saat 19 radələrində N.Rzayevin üzərində zorakılıq əlamətləri olan meyitinin evinin həyətində basdırılmış vəziyyətdə tapılması ilə əlaqədar şəhərin polis və prokurorluq orqanlarının əməkdaşları tərəfindən müvafiq tədbirlər həyata keçirilib. İstintaq-əməliyyat tədbirləri ilə Sumqayıt şəhər sakini, əvvəllər məhkum olunmuş S.Abbasovun N.Rzayevi qəsdən öldürməsinə əsaslı şübhələr müəyyən olunub. S.Abbasov polis əməkdaşları tərəfindən tutularaq istintaqa təhvil verilib. Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb.
