Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Gəncə şəhər sakini E.Rzayevdən 1 kiloqramdan artıq heroin və 385 qram marixuana götürülüb
08.11.2022
Tovuz Rayon Polis Şöbəsi əməkdaşlarının keçirdikləri əməliyyat tədbirləri nəticəsində Gəncə şəhər sakini, əvvəllər məhkum olunmuş E.Rzayev saxlanılıb. Şəxsi axtarış zamanı ondan 1 kiloqram 107 qramdan artıq heroin və 385 qram marixuana aşkar edilərək götürülüb.
Qəbələ rayonunun Məmmədağalı kənd sakinləri P.Ağayevdən və qardaşından silah-sursat götürülüb
Qəbələ Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Məmmədağalı kənd sakinləri P.Ağayevdən qanunsuz saxladığı “İJ-16” markalı ov tüfəngi, 2 ədəd patron və qardaşı Təbrizdən qanunsuz saxladığı “İJ-16” markalı ov tüfəngi və 2 ədəd patron aşkar olunaraq götürülüb.
Gün ərzində ölkə ərazisində qeydə alınan 25 cinayətin açılması təmin olunub
07.11.2022
Noyabrın 7-də ölkə ərazisində qeydə alınan 25, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.
Qaradağ rayonunun Ələt qəsəbəsi ərazisində “Mercedes” markalı avtomobil yol ayırıcısına çırpılaraq aşıb və avtomobildə yanğın baş verib
Noyabrın 7-də saat 13 radələrində Qaradağ rayonunun Ələt qəsəbəsi ərazisində Bakı şəhər sakini S.İmanov idarə etdiyi “Mercedes” markalı avtomobili yol ayırıcısına vuraraq aşırıb və avtomobildə yanğın baş verib. Nəticədə S.İmanovun sərnişini olan atası Fəxrəddin hadisə yerində ölüb, özü və digər sərnişini – həyat yoldaşı Sevinc xəstəxanaya yerləşdirilib.Baş İstintaq və Təhqiqat İdarəsi tərəfindən araşdırma aparılır.
Yevlax rayonunun Səmədabad kəndi ərazisində "BMW" markalı avtomobil yolun kənarındakı kanala aşıb
Noyabrın 7-də saat 7 radələrində Yevlax rayonunun Səmədabad kəndi ərazisində Gəncə şəhər sakini Famil Qasımov idarə etdiyi “BMW” markalı avtomobili yolun kənarındakı kanala aşırıb. Nəticədə sürücü və sərnişinləri Günay Hüseynova və Nuranə Hüseynova hadisə yerində ölüb, digər sərnişini xəstaxanaya yerləşdirilib. Baş İstintaq və Təhqiqat İdarəsi tərəfindən araşdırma aparılır.
Tovuz şəhəri ərazisində “VAZ-21074” markalı avtomobillə “Mercedes” markalı mikroavtobus toqquşub
Noyabrın 7-də saat 7 radələrində Tovuz şəhəri ərazisində Bayramlı kənd sakini B.İsgəndərovun idarə etdiyi “VAZ-21074” markalı avtomobillə Yuxarı Öysüzlü kənd sakini N.Hüseynovun idarə etdiyi “Mercedes” markalı mikroavtobus toqquşub. Nəticədə B.İsgəndərovun sərnişini - həmkəndlisi Asif Alıyev hadisə yerində ölüb, 2 nəfər isə xəstaxanaya yerləşdirilib.Tovuz Rayon Polis Şöbəsində araşdırma aparılır.
İsmayıllı rayonunun Topçu kəndi ərazisində “VAZ-2101” markalı avtomobillə Bakı şəhər sakinləri L.Dadaşova və D.Hacıyeva vurulublar
Noyabrın 7-də saat 22 radələrində İsmayıllı rayonunun Topçu kəndi ərazisində Qurbanəfəndi kənd sakini D.Ələsgərov idarə etdiyi “VAZ-2101” markalı avtomobillə yolu keçən Bakı şəhər sakinləri Ləman Dadaşovanı və D.Hacıyevanı vurub. Nəticədə L.Dadaşova hadisə yerində ölüb, D.Hacıyeva isə xəstəxanaya yerləşdirilib. Baş İstintaq və Təhqiqat İdarəsi tərəfindən araşdırma aparılır.
Şəmkir rayonunun Seyfəli kəndi ərazisində “Ford-Transit” və “İJ-27175” markalı avtomobillər toqquşub
Noyabrın 7-də saat 19 radələrində Şəmkir rayonunun Seyfəli kəndi ərazisində Gəncə şəhər sakini Ə.Ələkbərovun idarə etdiyi “Ford-Transit” və Bakı şəhər sakini Telman Kərimovun idarə etdiyi “İJ-27175” markalı avtomobillər toqquşub. Nəticədə T.Kərimov hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.
Sabunçu rayonu H.Əliyev prospektində “Chevrolet” markalı avtomobillə Tovuz rayon sakini Q.Məmmədova vurulub.
Noyabrın 7-də saat 14 radələrində Sabunçu rayonu H.Əliyev prospektində Bakı şəhər sakini P.Nəsirəddinova idarə etdiyi “Chevrolet” markalı avtomobillə yolu keçən Tovuz rayon sakini Qəriyfə Məmmədovanı vurub zərbədən yerə yıxılan piyadanın üzərindən, paytaxt sakini C.İmanov idarə etdiyi “Hyundai” markalı avtomobillə keçib. Nəticədə Q.Məmmədova hadisə yerində ölüb. Sabunçu Rayon Polis İdarəsində araşdırma aparılır.
Binəqədi rayonu ərazisindəki evlərin birindən pul və qızıl-zinət əşyaları oğurlamaqda şübhəli bilinən V.Vəliyev saxlanılıb
Binəqədi RPİ 6-cı Polis Bölməsi əməkdaşlarının keçirdikləri əməliyyat tədbirləri nəticəsində noyabrın 2-də rayon ərazisindəki evlərin birindən 800 manat pul və 310 manat dəyərində qızıl-zinət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş V.Vəliyev saxlanılıb.Araşdırma aparılır.
