Polis əməkdaşlarının keçirdikləri əməliyyat zamanı Ağstafadan Bakıya sərnişin daşıyan mikroavtobusdan külli miqdarda narkotik vasitə aşkar edildi

16.12.2022

Səbail Rayon Polis İdarəsinin Narkotiklərlə Mübarizə Bölməsinin əməkdaşları tərəfindən həyata keçirilən əməliyyat nəticəsində paytaxt ərazisində narkotik vasitələrin satışını və paylanmasını təşkil edən Şahin Nağıyev saxlanılıb və istintaqa təqdim edilib. Onun sərnişindaşıma fəaliyyəti ilə məşğul olduğu mikroavtobusa baxış zamanı 4 kiloqrama yaxın marixuana aşkar edilib. Şahin Nağıyev ifadəsində narkotikləri Ağstafa rayonunda yaşayan tanışından əldə etdiyini bildirib. Əməliyyat tədbirlərinin davamı olaraq narkotikin əldə olunduğu mənbə - Niyaməddin Nağıyev də saxlanılıb. Sonuncu ifadəsində narkotik tərkibli çətənə kollarını satmaq, həmçinin şəxsi istifadəsi üçün əkdiyini və qurudandan sonra həmyerlisi Şahin Nağıyev vasitəsi ilə Bakı şəhərinə göndərdiyini bildirib. Həmin şəxsdən əlavə olaraq  qulluq edərək yetişdirdiyi çətənə kolları da aşkar olunub.Faktla bağlı Səbail Rayon Polis İdarəsində Cinayət Məcəlləsinin müvafiq maddələri ilə cinayət işi başlanılıb, istintaq tədbirləri davam etdirilir.

Gün ərzində ölkə ərazisində qeydə alınan 50 cinayətin açılması təmin olunub

15.12.2022

Dekabrın 15-də ölkə ərazisində qeydə alınan 50, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 9 kiloqramdan artıq olan narkotik vasitələr və 3800 ədəd yüksək təsiredici xassəyə malik həb götürülərək qanunsuz dövriyyədən çıxarılıb

15.12.2022

Daxili İşlər Nazirliyi və Dövlət Sərhəd Xidməti əməkdaşlarının birgə keçirdikləri əməliyyat tədbiri nəticəsində çəkisi 9 kiloqramdan artıq narkotik vasitələr və 3800 ədəd yüksək təsiredici xassəyə malik həb götürülərək qanunsuz dövriyyədən çıxarılıb.  Belə ki, Salyan rayonu ərazisində keçirilən tədbir nəticəsində saxlanılan Sabirabad rayon sakini R.Əzimzadədən 28 qramdan artıq heroin aşkar olunub. Onun idarə etdiyi “Opel” markalı avtomobilə baxış zamanı isə oradan əlavə 3 kiloqram 65 qram marixuana, 3 kiloqram 905 qram tiryək, 2 kiloqram 115 qram heroin və 3800 ədəd metadon həbi aşkar olunaraq götürülüb.Faktla bağlı araşdırma aparılır. 

Şirvan şəhərinin Çılpaqlı qəsəbəsində quldurluq əməlini törətməkdə şübhəli bilinən şəxslərdən biri saxlanılıb, digərinin isə şəxsiyyəti müəyyən olunub

15.12.2022

Şirvan şəhərinin Çılpaqlı qəsəbəsində 2 nəfərin qəsəbə sakini R.Babayevin 150 manatını quldurluq yolu ilə talamaları barədə polisə məlumat daxil olub.Şirvan Şəhər Polis Şöbəsi əməkdaşlarının keçirdikləri əməliyyat tədbiri nəticəsində quldurluq əməlində şübhəli bilinən şəhər sakini V.Yaqubov saxlanılıb, digər bir nəfərin isə şəxsiyyəti müəyyən olunub.Faktla bağlı cinayət işi başlanılıb.

Səbail rayonu ərazisində bir nəfərin cüzdanını, digərinin isə mobil telefonunu oğurlamaqda şübhəli bilinən şəxslər saxlanılıblar

15.12.2022

Səbail rayonu ərazisində bir nəfərin içərisində pulu və sənədi olan cüzdanının, digərinin isə  mobil telefonunun qeyri-aşkar şəraitdə oğurlanmaları barədə polisə məlumatlar daxil olub. Səbail RPİ 9-cu Polis Bölməsi əməkdaşlarının keçirdikləri əməliyyat tədbiri nəticəsində oğurluq əməllərində şübhəli bilinən Bakı şəhər sakinləri Ş.Rəcəbov və N.Muradov müəyyən olunaraq saxlanılıblar.Araşdırma aparılır. 

Sabunçu rayonu ərazisindəki yanacaqdoldurma məntəqələrindən birinin kassasından pul oğurlamaqda şübhəli bilinən Z.Cəfərov saxlanılıb

15.12.2022

Sabunçu rayonu ərazisindəki yanacaqdoldurma məntəqələrindən birinin kassasından 1632 manatın qeyri-aşkar şəraitdə oğurlanması barədə polisə məlumat daxil olub.Sabunçu RPİ 15-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən həmin məntəqənin operatoru Z.Cəfərov müəyyən olunaraq saxlanılıb. Araşdırma aparılır.

Abşeron rayonu ərazisində bir sıra oğurluq hadisələrini törətməkdə şübhəli bilinən Mehdiabad qəsəbə sakini F.Əhmədov saxlanılıb

15.12.2022

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində rayon ərazisində bir avtomobildən 150 manat pul, 2000 manat dəyərində üzük, maqnitofon, səsgücləndirici, sənəd, qəbiristanlıqdan təmir-tikinti alətləri, metal qapı, 2 evdən pul, samovar, kombi və təmir-tikinti alətləri oğurlamaqda şübhəli bilinən Mehdiabad qəsəbə sakini F.Əhmədov saxlanılıb. Araşdırma aparılır.

İki nəfərin mobil telefonlarını oğurlamaqda şübhəli bilinən İmişli rayon sakini S.İsmayılzadə saxlanılıb

15.12.2022

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində müxtəlif vaxtlarda iki nəfərin mobil telefonlarını oğurlamaqda şübhəli bilinən İmişli rayon sakini, əvvəllər məhkum olunmuş S.İsmayılzadə saxlanılıb. Araşdırma aparılır. 

Goranboy rayonu ərazisindəki evlərin birinin həyətindən 1000 manat dəyərində mis qazan oğurlamaqda şübhəli bilinən şəxslər saxlanılıblar

15.12.2022

Goranboy Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birinin həyətindən 1000 manat dəyərində mis qazan oğurlamaqda şübhəli bilinən əvvəllər məhkum olunmuşlar - rayon sakini E.Əsədov və Gəncə şəhər sakini S.Məmmədov saxlanılıblar. Araşdırma aparılır.

Səbail rayonu Salyan yolu küçəsində “VAZ-2107” markalı avtomobil qarşıda gedən “Volvo” markalı yük avtomobilinə çırpılıb

15.12.2022

Dekabrın 15-də saat 5 radələrində Səbail rayonu Salyan yolu küçəsində V.Behbudov idarə etdiyi “VAZ-2107” markalı avtomobili qarşıda gedən “Volvo” markalı yük avtomobilinə vurub. Nəticədə “VAZ-2107” markalı avtomobilin sürücüsü və sərnişinlərindən S.Osmanlı hadisə yerində ölüb, digər 2 sərnişini isə xəstəxanaya yerləşdirilib. Səbail Rayon Polis İdarəsində araşdırma aparılır.