Bakı şəhər sakini R.Ələsgərovun bank hesabından 600 manatını oğurlamaqda şübhəli bilinən R.Quliyeva saxlanılıb

11.11.2022

Bakı Şəhər Baş Polis İdarəsinin Cinayət Axtarışı İdarəsi və Binəqədi RPİ 6-cı Polis Bölməsi əməkdaşlarının birgə keçirdikləri əməliyyat tədbirləri nəticəsində Bakı şəhər sakini R.Ələsgərovun bank hesabından 600 manatını oğurlamaqda şübhəli bilinən  paytaxt sakini R.Quliyeva müəyyən olunaraq saxlanılıb. Araşdırma aparılır. 

Səbail rayonunun Z.Əliyeva küçəsində “BMW” markalı bir avtomobildən cüzdan oğurlamaqda şübhəli bilinən R.Məmmədov saxlanılıb

11.11.2022

Səbail RPİ 9-cu Polis Bölməsi əməkdaşlarının keçirdikləri əməliyyat tədbiri nəticəsində noyabrın 10-da Z.Əliyeva küçəsində “BMW” markalı bir avtomobildən içərisində 300 manat və sənəd olan cüzdanı oğurlamaqda şübhəli bilinən Gəncə şəhər sakini R.Məmmədov saxlanılıb. Araşdırma aparılır. 

Bakı şəhər sakini Ə.Mahmudovdan 450 qram marixuana götürülüb

11.11.2022

Suraxanı RPİ 33-cü Polis Bölməsi əməkdaşlarının keçirdikləri əməliyyat tədbiri nəticəsində saxlanılan Bakı şəhər sakini Ə.Mahmudovdan 450 qram marixuana aşkar olunaraq götürülüb.

Xətai rayonu ərazisindəki evlərin birindən 20.000 manat oğurlamaqda şübhəli bilinən A.Hacıyev saxlanılıb

11.11.2022

Xətai RPİ 35-ci Polis Bölməsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 20.000 manat oğurlamaqda şübhəli bilinən  Bakı şəhər sakini, əvvəllər məhkum olunmuş A.Hacıyev müəyyən olunaraq saxlanılıb. Araşdırma aparılır. 

Ağdaş rayonunun Qobuüstü kənd sakinləri E.Şərifovdan və Ə.Osmanovdan qanunsuz saxladıqları ov tüfəngləri götürülüb

11.11.2022

Ağdaş Rayon Polis Şöbəsinin əməkdaşları tərəfindən Qobuüstü kənd sakinləri  E.Şərifovdan və Ə.Osmanovdan qanunsuz saxladıqları  “İJ” markalı 2 ədəd ov tüfəngi götürülüb.

Bakıda mağazadan 31 min manatlıq 13 ədəd “İphone” markalı mobil telefon oğurlayan şəxs mühafizə polisləri tərəfindən saxlanılıb

11.11.2022

Nizami rayonunda Daxili İşlər Nazirliyinin Baş Mühafizə İdarəsi tərəfindən qorunan mobil telefon və məişət əşyalarının satıldığı mağazadan oğurluq edilib. Belə ki, xüsusi texniki mühafizə vasitələri ilə qorunan həmin mağazadan ötən gecə Baş İdarənin Mərkəzləşdirilmiş Mühafizə Mərkəzinə həyəcan siqnalı daxil olub. Dərhal ərazi üzrə Nizami Rayon Mühafizə İdarəsinin əməkdaşları hadisə yerinə yollanıblar. Obyektin giriş qapısının qırıldığını müəyyən edən mühafizə polisləri “isti” izlərlə oğurluqda şübhəli bilinən şəxsi hadisə yerinin yaxınlığında saxlamağa nail olublar. Həmin şəxsin üzərinə baxış zamanı 13 ədəd ümumi dəyəri 31 min manat olan “iphone” markalı mobil telefon aşkar edilib. Mühafizə Polisləri tərəfindən həmin şəxs Nizami Rayon Polis İdarəsinin 24-cü Polis Şöbəsinə təhvil verilib. Şöbədə araşdırma aparılan zaman onun Abşeron rayonunda yaşayan Zakir Fərəcov olduğu məlum olub. Bu şəxsin digər cinayətlərdə əlinin olub-olmadığının müəyyən edilməsi istiqamətində araşdırmalar davam etdirilir.

Gün ərzində ölkə ərazisində qeydə alınan 49 cinayətin açılması təmin olunub

10.11.2022

Noyabrın 10-da ölkə ərazisində qeydə alınan 49, əvvəlki dövrlərdən bağlı qalan 13 cinayətin açılması daxili işlər orqanlarının əməkdaşları tərəfindən təmin olunub.   

Gəncə şəhər sakini Səttar Cəlilov arvadı Hüsniyyə Quliyevaya bıçaqla ağır bədən xəsarətləri yetirməsi, sonradan isə özünü öldürməsinə əsaslı şübhələr müəyyən edilib

10.11.2022

Gəncə Şəhər Baş Polis İdarəsinin 1-ci Polis Şöbəsinə noyabrın 10-da saat 20 radələrində şəhər sakini Hüsniyyə Quliyevanın yaşadığı evdə ağır bədən xəsarətləri alması barədə məlumat daxil olub.Şəhərin polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla Səttar Cəlilovun yaşadığı evdə ailə münaqişəsi zəminində həyat yoldaşı H.Quliyevaya bıçaqla ağır bədən xəsarətləri yetirməsi, sonradan isə özünü öldürməsinə əsaslı şübhələr müəyyən edilib.H.Quliyeva xəstəxanaya yerləşdirilib, vəziyyəti ağırdır.Faktla bağlı cinayət işi başlanılıb. 

Tovuz rayonunun Bozalqanlı kəndi ərazisində yol-nəqliyyat hadisəsi

10.11.2022

Noyabrın 10-da saat 6 radələrində Tovuz rayonunun Bozalqanlı kəndi ərazisində Düz Qırıqlı kənd sakini F.Əliyev idarə etdiyi “KİA” markalı avtomobillə yolu keçən Xatınlı kənd sakini Vəli Hüseynovu vurub. Nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Dələduzluq etmiş Cəlilabad rayon sakini C.Zeynalov tutulmuşdur

10.11.2022

DİN-in Baş İstintaq və Təhqiqat İdarəsinə cari ilin may-sentyabr aylarında Cəlilabad rayon sakini C.Zeynalovun xaricdən kartof gətirəcəyi adı ilə aldadıb həmyerlisi Ş.Hüseynovdan 265.000 manat və Gədəbəy rayon sakini R.Əsgərovdan 647.000 manat pul alması barədə müraciət daxil olub.Faktla əlaqədar Cinayət Məcəlləsinin 178-ci (dələduzluq) maddəsi ilə cinayət işi başlanılıb. Keçirilmiş əməliyyat-axtarış tədbirləri nəticəsində C.Zeynalov tutulub.