Şuşa şəhər sakini, şəhid ailəsi və ikinci qrup əlil Lalə Əsədova DİN rəhbərliyinə ünvanladığı məktubunda şəhid ailələrinə polis əməkdaşları tərəfindən yüksək diqqət və qayğı göstərildiyini qeyd edir.

O, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən, şəhid, tənha, aztəminatlı və çoxuşaqlı ailələrə qayğıkeşlik göstərən polis əməkdaşlarına təşəkkürünü bildirir, başda DİN rəhbərliyi olmaqla, Şuşa RPŞ-nin əməkdaşlarına çətin və şərəfli xidmətlərində uğurlar arzulayır.

Bakı şəhər sakini Elnur Əliyev DİN rəhbərliyinə ünvanladığı məktubunda qeydiyyat məsələsi ilə bağlı müraciətinə operativ baxılaraq qısa müddətdə müsbət həll olunduğunu qeyd edərək DİN-in BPQMİ-nin Qeydiyyat və Şəxsiyyət Vəsiqəsi şöbəsinin və Yasamal RPİ-nin Qeydiyyat məsələləri bölməsinin əməkdaşlarına minnətdarlığını bildirir.

Beyləqan rayonunun Dünyamalılar kənd sakini Ədalət Mirzəyev DİN-ə ünvanladığı məktubunda şəhid ailələrinə göstərilən diqqət və qayğıdan razılığını ifadə edərək bildirir ki, oğlu Məhəbbət Mirzəyev 2016-cı il Aprel döyüşlərində mərdliklə döyüşərək şəhid olub. Bu yaxınlarda digər oğlunun daxili işlər orqanlarında xidmət etmək arzusunda olması barədə DİN rəhbərliyinə ünvanladığı məktuba qısa müddətdə müsbət cavab verilib. Buna görə DİN və Baş Mühafizə İdarəsinin Beyləqan RMŞ-nin rəhbərliklərinə öz təşəkkürünü bildirir.

Naxçıvan Muxtar Respublikası Culfa rayonunun Bənəniyar kənd sakini Əsgər Nəsirov DİN rəhbərliyinə ünvanladığı məktubunda Bakı şəhəri Nərimanov rayonu ərazisində itirdiyi pulqabısının tapılaraq ona təhvil verildiyinə görə Nərimanov RPİ-nin 16-cı Polis Bölməsinin əməkdaşlarına minnətdarlığını bildirir.

Qusar şəhər sakini Hacımirzə Ağamirzəyev Daxili İşlər Nazirliyinə ünvanladığı məktubunda xəstə olan övladının müalicə alaraq sağalmasında göstərilən köməkliyə görə DİN və Suraxanı RPİ-nin rəhbərliklərinə minnətdarlığını bildirir.

Salyan rayon sakini Zahid Həsənov üzləşdiyi problemlə bağlı Daxili İşlər Nazirliyinə etdiyi müraciətə operativ reaksiya verildiyinə görə DİN rəhbərliyinə təşəkkürünü bildirir.

Sabirabad rayon sakini Rəşad İsmayılov rayonda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Sabirabad RPŞ-nin rəhbərliyinə və şəxsi heyətinə təşəkkürünü bildirir.

“Şəhid Ailələri Əlillər və Müharibə Veteranlarının Müdafiəsi İctimai Birliyi”nin Gədəbəy rayon şöbəsinin sədri DİN rəhbərliyinə ünvanladığı təşəkkür məktubunda cinayətkarlığa və narkotiklərin qanunsuz dövriyyəsinə qarşı aparılan mübarizəyə, ümumtəhsil məktəblərində keçirilən maarifləndirici tədbirlərə və rayon ərazisində yol hərəkəti təlükəsizliyinin təmin edilməsinə görə Gədəbəy RPŞ-nin rəisi, polisi polkovniki Mehman Həşimovdan razılığını bildirir və minnətdarlığını ifadə edir.

Gəncə şəhər sakini Fuad Əhmədov DİN-ə ünvanladığı məktubunda idarə etdiyi avtomobildə yaranmış nasazlığın aradan qaldırılmasında və səmimi münasibətə görə ərazidə xidmət aparan Xaçmaz RPŞ-nin Xudat Polis Bölməsinin əməkdaşlarına minətdarlığını bildirir.