Vətəndaş Murad Qaflanov DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciəti ilə əlaqədar Sumqayıt ŞPİ-nin Dövlət Yol Polisi Şöbəsinə dəvət edildiyini, hüquq və vəzifələrinin ona izah olunduğunu, qanuni izah verilərək məsələyə aydınlıq gətirildiyini qeyd edir. 
M.Qaflanov müraciətinə diqqətlə yanaşılmasına və operativ reaksiyaya görə DİN rəhbərliyinə təşəkkürünü bildirir. 

Lənkəran rayon sakini, şəhid anası Səadət Tağıyeva Daxili İşlər Nazirliyinə ünvanladığı məktubunda Dünya Azərbaycanlılarının Həmrəyliyi Günü və Yeni il münasibəti ilə DİN rəhbərliyini və şəxsi heyəti təbrik edir, çətin və şərəfli xidmətlərində uğurlar arzulayır.

Bakı şəhər sakini Nərmin Məmmədova DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı müraciətinə operativ baxıldığına, Nəsimi RPİ 22-ci Polis Şöbəsinə dəvət olunaraq dinlənildiyinə və müvafiq araşdırmalara başlanıldığına görə DİN rəhbərliyinə minnətdarlığını bildirir.

Şəmkir rayon sakini Asim İsmayılov Daxili İşlər Nazirliyinə ünvanladığı məktubunda Dünya Azərbaycanlılarının Həmrəyliyi Günü və Yeni il münasibəti ilə Azərbaycan polisini təbrik edir, çətin və şərəfli xidmətlərində onlara uğurlar arzulayır.

Ağcabədi rayon sakini Zamiq Abbasov rayon ərazisində narkotik vasitələrin qanunsuz dövriyyəsinə qarşı aparılan qətiyyətli tədbirlərə görə DİN rəhbərliyinə və Ağcabədi Rayon Polis Şöbəsinin əməkdaşlarına minnətdarlığını bildirir.

Bir qrup Beyləqan rayon sakini müraciətlərinin müsbət həll edilməsinə görə DİN rəhbərliyinə və Beyləqan Rayon Polis Şöbəsinin əməkdaşlarına minnətdarlıqlarını bildirirlər. 

Tərtər rayon sakini Natiq İsmayılov məktubunda ötən il respublikanın daxili işlər naziri tərəfindən Bərdə şəhərində keçirilən vətəndaş qəbulunda iştirak etdiyini, müraciətinin dinlənilərək müvafiq araşdırmalara başlanıldığını qeyd edir. O, müraciətinə həssas yanaşılmasına görə DİN rəhbərliyinə minnətdarlığını bildirir.

Əməkdar artist Əkbər Əlizadə “Instagram” sosial şəbəkəsindəki hesabında “polisazerbaycan” səhifəsini tag edərək video paylaşıb. O, Dünya Azərbaycanlılarının Həmrəyliyi Günü və Yeni il münasibəti ilə Azərbaycan polisini təbrik edir, çətin və şərəfli xidmətlərində onlara uğurlar arzulayır.

Vətəndaş Rəşad Cabbarov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Naftalan şəhər Polis Şöbəsinin rəhbərliyinə təşəkkürünü bildirir.