Abşeron rayon sakini Əli Ələkbərov Daxili İşlər Nazirliyinə ünvanladığı məktubunda müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə, Binəqədi Rayon Polis İdarəsinin və 5-ci Polis Bölməsinin əməkdaşlarına minnətdarlığını bildirir.

Bakı şəhər sakini Əlipeyman Əzizzadə DİN-in “Instagram” səhifəsinə ünvanladığı mesajında üzləşdiyi problemlə bağlı müraciətinə operativ və ədalətli baxıldığına görə DİN-in rəhbərliyinə təşəkkürünü bildirir.

Vətəndaş Elnar Babayev DİN-in “Instagram” səhifəsinə təşəkkür mesajı ünvanlayıb: Nərimanov Rayon Polis İdarəsinin 16-cı Polis Şöbəsinə dələduzluğa məruz qalmağımla bağlı müraciət etmişdim. Mənə maddi ziyan vuran şəxs polis əməkdaşları tərəfindən saxlanıldı və zərərim ödətdirildi. Müraciətimə həssaslıqla yanaşılmasına və müsbət həll edilməsinə görə DİN-in rəhbərliyinə, Nərimanov Rayon Polis İdarəsinin və 16-cı Polis Şöbəsinin əməkdaşlarına minnətdarlığımı bildirirəm.Yaşasın, Azərbaycan polisi!”.

Vətəndaş Savalan Hüseynov DİN-in “Instagram” səhifəsinə təşəkkür mesajı ünvanlayıb: “Nəsimi Rayon Polis İdarəsinə pul vəsaitimin ələ keçirilməsi ilə bağlı müraciət etmişdim. Nəsimi Rayon Polis İdarəsinin əməkdaşları tərəfindən müraciətimə reaksiya verildi və mənə dəymiş maddi ziyan tam olaraq ödətdirildi. Buna görə, DİN-in rəhbərliyinə və Nəsimi Rayon Polis İdarəsinin əməkdaşlarına dərin təşəkkürümü bildirirəm”. 

Bakı şəhər sakini Turqut Bəkirli müraciətinin müsbət həll olunmasına görə, DİN rəhbərliyinə minnətdarlığını bildirir.

Bakı şəhər sakini Tünzalə Əzizova müraciətinin müsbət həll olunmasına görə, DİN rəhbərliyinə minnətdarlığını bildirir.

Ağsu rayon sakini Sehun Əlifov müraciətinin müsbət həll olunmasına və dəymiş maddi ziyanın ödətdirilməsinə görə, Ağsu RPŞ-nin əməkdaşlarına minnətdarlığını bildirir.

Şuşa rayon sakini Elvin Allahverdiyev müraciətinin müsbət həllinə görə Baş Dövlət Yol Polisi İdarəsinin əməkdaşlarına və DİN rəhbərliyinə təşəkkürünü bildirir.

Tərtər rayon sakini Nəzakət Aslanova müraciətində göstərilən diqqət və qayğıya görə DİN rəhbərliyinə  təşəkkür edir.