Abşeron rayon sakini Abasova Sevda müraciətinə həssas yanaşıldığına, özünə və yaxınlarına göstərilən köməkliyə görə DİN rəhbərliyinə minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Bakı şəhər sakini Elxan Vəliyev Daxili İşlər Nazirliyinə ünvanlanmış məktubda pulqabısının itməsi ilə bağlı müraciətinə həssas yanaşıldığına, tapılmasında göstərilən köməkliyə görə Suraxanı Rayon Polis İdarəsinin əməkdaşlarına təşəkkürünü bildirir. 

Əcnəbi vətəndaş Hunenka Luidmila müraciətinə dərhal reaksiya verildiyinə və həyata keçirilən operativ tədbirlərə görə Xətai RPİ-nin əməkdaşlarına təşəkkürünü bildirir.

Abşeron rayon sakini Nəzifə Ələkbərova daxili işlər nazirinin 30 iyul 2025-ci il tarixində Astara rayonunda keçirilən qəbulunda iştirak etdiyini bildirir və müraciətinə həssas yanaşıldığına, göstərilən köməkliyə görə DİN rəhbərliyinə minnətdarlığını ifadə edir.

Vətəndaş Vasif Əhmədov baş verən yol-nəqliyyat hadisəsi ilə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək Nərimanov RPİ-nin əməkdaşlarına minnətdarlığını bildirir.

Naxçıvan şəhər sakini Elcan Vəliyev Daxili İşlər Nazirliyinin sosial şəbəkə səhifəsinə yazdığı mesajında üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Bakı şəhər sakini Seyfəddin Dadaşov Daxili İşlər Nazirliyinə ünvanladığı məktubunda polis əməkdaşları tərəfindən keçirilən operativ tədbirlərlə qısa müddətdə probleminin həll olunduğunu və ona dəymiş maddi ziyanın tam ödətdirildiyini qeyd edir.

Vətəndaş Məmməd İbrahimov DİN-in “Instagram” səhifəsinə yazdığı mesajında üzləşdiyi oğurluqla bağlı Nəsimi Rayon Polis İdarəsinin 22-ci Polis Şöbəsinə etdiyi müraciətinə operativ baxıldığını və qısa müddətdə çantasının tapılaraq ona təhvil verildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Nəsimi RPİ-nin əməkdaşlarına təşəkkür edir

Vətəndaş Vasil Alıyev teleqramında üzləşdiyi problemlə bağlı müraciəti üzrə Sabunçu Rayon Polis İdarəsində obyektiv araşdırma aparıldığını və müsbət həll olunduğunu bildirir. 
O, obyektivliyə və göstərilən köməkliyə görə Sabunçu RPİ-nin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.