Lənkəran şəhər sakini Emil Kərimov DİN rəhbərliyinə ünvanladığı təşəkkür məktubunda oğurlanan velosipedinin qısa zamanda tapılaraq ona qaytarılmasına görə Lənkəran ŞRPŞ-nin əməkdaşlarına minnətdarlığını bildirir.

Cəlilabad rayonunun Göytəpə şəhər sakini Elnur Məmmədov DİN rəhbərliyinə ünvanladığı təşəkkür məktubunda yollarda rahat və təhlükəsiz hərəkətin təmin olunmasına görə Cəlilabad RPŞ-nin dövlət yol polisi bölməsinin əməkdaşlarına minnətdarlığını bildirir.

Lənkəran rayon sakini Kitabə Hüseynova öz təşəkkür məktubunda ona məxsus olan 1 baş iribuynuzlu heyvanın itməsi ilə bağlı polisə müraciət etdikdən qısa zaman sonra həmin heyvanın tapılaraq ona təhvil verildiyini bildirir və polis əməkdaşlarına öz minnətdarlığını bildirir.

Masallı rayon sakini Ruhəngiz Əzizova DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiklərinə görə Masallı RPŞ-nin rəhbərliyinə minnətdarlığını ifadə edir.

Astara rayon sakini Aslan Məmmədov DİN rəhbərliyinə ünvanladığı təşəkkür məktubunda vətəndaş müraciətlərinə həssaslıqla yanaşılmasına, verilən operativ reaksiyaya və xidməti vəzifələrinin öhdəsindən layiqincə gəldiklərinə görə Astara Rayon Polis Şöbəsinin rəhbəliyinə öz minnətdarlığını bildirir.

Yardımlı rayon sakini olan bir qrup şəxs DİN rəhbəliyinə ünvanladıqları təşəkkür məktubunda dələduzluq yolu ilə pullarını mənimsəyən şəxsin məsuliyyətə cəlb olunmasına və onlara dəyən maddi ziyanın ödənilməsinin təmin edilməsinə görə Yardımlı Rayon Polis Şöbəsinin əməkdaşlarına minnətdarlıqlarını bildirirlər.

Cəlilabad rayon sakini Ədalət Abasov DİN rəhbəliyinə ünvanladığı təşəkkür məktubunda qohumuna məxsus mağazadan oğurluq edən şəxslərin polis əməkdaşları tərəfindən müəyyən edilərək saxlanılmasına və dəymiş maddi ziyanın tam şəkildə ödənilməsinin təmin edilməsinə minnətdarlığını ifadə edir.

Cəlilabad rayon sakini Vüqar Quliyev öz təşəkkür məktubunda vətəndaş müraciətlərinə həssaslıqla yanaşılmasına və nəzakətli davranışa görə Cəlilabad RPŞ-nin rəhbərliyinə minnətdarlığını bildirir.

Sabirabad rayon sakini Həmid İskəndərov məktubunda müraciətinin müsbət həll olunmasına görə DİN rəhbərliyinə və Sabirabad RPŞ-nin əməkdaşlarına təşəkkürünü bildirir.