Sosial şəbəkə istifadəçisi Səxavət Abbasov ünvanladığı təşəkkür məktubunda aparılan araşdırmadan razılıq edir, səmimi qəbula və göstərilən diqqətə görə Nərimanov Rayon Polis İdarəsinin Dövlət Yol Polis Şöbəsinin əməkdaşlarına  minnətdarlığını bildirir.

Sosial şəbəkə istifadəçisi Abdala Mahmudov oğurlanan əşyalarının qısa müddətdə tapılaraq ona qaytarılmasında əməyi olan Nəsimi Rayon Polis İdarəsinin rəhbərliyinə minnətdarlıq edir.

Sosial şəbəkə istifadəçisi Nicat Yusifzadə müraciətinə operativ baxılaraq probleminin müsbət həll olunmasında göstərilən köməkliyə görə Azərbaycan Polisinə təşəkkürünü bildirir.

Sosial şəbəkə istifadəçisi Daşqın Mahmudov ünvanladığı təşəkkür məktubunda gəzinti zamanı səhəttində problem yarandığını qeyd edir və onu mənzilinə təhlükəsiz şəkildə çatdırdıqlarına görə xidmətdə olan Pirallahı RPİ PPX əməkdaşlarına minnətdarlığını bildirir.

Sosial şəbəkə istifadəçisi Gülnar Əliyeva yaşadığı ərazidə yol kənarında halı pisləşərək huşunu itirdiyi zaman ona dərhal kömək göstərib su alaraq yardım edən Pirallahı RPİ-nin kollektivinə göstərdikləri humanist davranışa görə təşəkkürünü bildirir.

Sosial şəbəkə istifadəçisi Səftər Həbibzadə xidməti vəzifələrini və peşə fəaliyyətlərini layiqincə yerinə yetirdiklərinə görə Pirallahı Rayon Polis İdarəsinin Dövlət Yol Polisi Şöbəsinin əməkdaşlarına təşəkkür edir.

Sosial şəbəkə istifadəçisi Elmir Mehdiyev baş vermiş yol-nəqliyyat hadisəsilə bağlı obyektiv araşdırma aparılmasına və göstərilən köməkliyə görə Nərimanov Rayon Polis İdarəsinin rəhbərliyinə  minnətdarlığını bildirir.

Vətəndaş Aida Murshudzada DİN-in “Instagram” səhifəsinə yazdığı mesajında üzləşdiyi yol-nəqliyyat hadisəsi ilə bağlı Nərimanov Rayon Polis İdarəsi Dövlət Yol Polisi Şöbəsi tərəfindən həyata keçirilən operativ tədbirlərə görə təşəkkürünü bildirir, Azərbaycan polisinə çətin və şərəfli xidmətlərində uğurlar arzulayır.

Vətəndaş Cəlal Əliyev DİN-in “Instagram” səhifəsinə yazdığı mesajında üzləşdiyi dələduzluqla bağlı Nərimanov Rayon Polis İdarəsinin 16-cı Polis Şöbəsinə etdiyi müraciətinə operativ baxıldığını, obyektiv araşdırılaraq müsbət həll edildiyini və dəymiş maddi ziyanın da ödətdirilməsində köməklik göstərildiyini bildirir. 
O, vətəndaş müraciətlərinə həssas yanaşılmasına görə DİN rəhbərliyinə, görülmüş tədbirlər üçün Nərimanov RPİ-nin əməkdaşlarına təşəkkür edir.