Vətəndaş Tünzalə Əliyeva DİN-in “Instagram” səhifəsinə təşəkkür mesajı yazıb. O, müraciəti üzrə Nərimanov Rayon Polis İdarəsinin 16-cı Polis Şöbəsində aparılan obyektiv araşdırmanın nəticəsindən razı olduğunu bildirir.
T.Əliyeva vətəndaş müraciətlərinə həssas yanaşılmasına görə DİN rəhbərliyinə, operativlik və obyektivliyə görə Nərimanov RPİ-nin əməkdaşlarına təşəkkür edir.

Vətəndaş Vüqar Əliyev DİN-in “Instagram” səhifəsinə təşəkkür mesajı yazıb. O, xəstəlikdən əziyyət çəkən valideyninin halının pisləşdiyini, ərazidə xidmət aparan polis əməkdaşları tərəfindən onun müvafiq tibb müəssisəsinə qısa müddətdə çatdırılmasına köməklik göstərildiyini qeyd edir.
V.Əliyev göstərilən humanistliyə və qayğıya görə Azərbaycan polisinə minnətdarlığını bildirir.

Jurnalist Rövşən Hüseynov “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, vətəndaşlardan birinin ünvanladığı müraciət ilə əlaqədar Daxili İşlər Nazirliyinə müraciət etdiyini bildirir. 
R.Hüseynov Abşeron Rayon Polis İdarəsi tərəfindən vətəndaş müraciətinə operativ baxıldığını, obyektiv araşdırıldığını və həyata keçirilmiş tədbirlərlə qısa müddətdə müsbət həll olunduğunu qeyd edərək vətəndaş müraciətlərinə həssas yanaşılmasına görə DİN rəhbərliyinə təşəkkür edir.   

Vətəndaş Ülvi Muradov DİN-in “Instagram” səhifəsinə yazdığı mesajında üzləşdiyi problemlə bağlı müraciəti üzrə Abşeron Rayon Polis İdarəsində obyektiv araşdırma aparıldığını və müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Abşeron RPİ-nin əməkdaşlarına təşəkkür edir.

Vətəndaş Razi Abasbəyli “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, səhifə vasitəsilə etdiyi müraciəti ilə əlaqədar Abşeron Rayon Polis İdarəsi Dövlət Yol Polisi Şöbəsinə dəvət olunduğunu, qanuni izah verilərək məsələyə aydınlıq gətirildiyini və müraciətinin müsbət həll olunduğunu qeyd edir.
R.Abasbəyli vətəndaş müraciətlərinə həssas yanaşılmasına görə DİN rəhbərliyinə və xidməti vəzifələrini layiqincə yerinə yetirən Azərbaycan polisinə təşəkkürünü bildirir. 

Naxçıvan şəhər sakini Liya Hacıyeva DİN-in “Instagram” səhifəsinə yazdığı mesajında Naxçıvan Şəhər Polis İdarəsinə etdiyi müraciətinin obyektiv araşdırmalarla müsbət həll olunduğunu və dəymiş maddi ziyanın ödətdirilməsində də köməklik göstərildiyini bildirir. 
O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Naxçıvan RPİ-nin əməkdaşlarına təşəkkür edir.

Babək rayon sakini Gülbuta Meydanova məktubunda üzləşdiyi problemlə bağlı müraciəti üzrə Babək Rayon Polis İdarəsində obyektiv araşdırma aparıldığını və müvafiq tədbirlərin görüldüyünü bildirir.
O, vətəndaş müraciətlərinə, o cümlədən onun müraciətinə həssas yanaşılmasına görə Azərbaycan Respublikası və Naxçıvan MR DİN-in rəhbərliklərinə, həyata keçirilmiş tədbirlər üçün Babək RPİ-nin əməkdaşlarına təşəkkür edir.

Jurnalist Nizami Rəsulov “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, üzləşdiyi problemlə bağlı Daxili İşlər Nazirliyinə etdiyi müraciətinə operativ baxıldığını, müvafiq tədbirlərin həyata keçirildiyini və müsbət həllinin təmin olunduğunu bildirir. 
N.Rəsulov vətəndaş müraciətlərinə həssas yanaşılmasına görə DİN rəhbərliyinə, operativlik, obyektivlik və görülən tədbirlərə görə Abşeron RPİ-nin əməkdaşlarına təşəkkür edir.

Bakı şəhər sakini Aysel Əliyeva Bakı şəhəri ərazisində baş vermiş qəzanın araşdırmasından  tam razı qaldığına görə Nərimanov RPİ-nin rəhbərliyinə və əməkdaşlarına minnətdarlığını bildirir.