Masallı rayon sakini Sarıbala Babayev öz məktubunda şəhid ailələri və qazilərə göstərilən yüksək diqqətə və qayğıya görə  DİN rəhbərliyinə təşəkkürünü bildirir.

Cəlilabad rayon sakini Bəhruz Əliyev və Astara rayon sakini Samir Əliyev öz məktublarında DİN rəhbərliyi tərəfindən bölgələrdə keçirilən vətəndaş qəbulları zamanı vətəndaşların diqqətlə və həssaslıqla dinlənilməsinə, müraciətlərin operativ həlli istiqamətində tapşırıqların verilməsinə və göstərilən köməyə görə öz təşəkkürlərini ifadə edirlər.

Astara rayon sakini Xanməmməd Kazımov məktubunda cinayətkarlığa, o cümlədən narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə görə rayon polis şöbəsinin əməkdaşlarına təşəkkürünü bildirir.

Sumqayıt şəhər sakini Sinur Ağazadə məktubunda müraciətinin Sumqayıt Şəhər Polis İdarəsində obyektiv araşdırılmasına və onu narahat edən məsələnin müsbət həllini tapmasına görə təşəkkürünü bildirir.

Şahbuz rayon sakini Kirman Məmmədov üzləşdiyi problemlə əlaqədar etdiyi müraciətinin araşdırılmasına və məsələnin müsbət həll olunmasına görə rayon polis şöbəsinin əməkdaşlarına təşəkkürünü bildirir.

Qaradağ rayon sakini Fidan Əliyeva onu narahat edən məsələ ilə bağlı qanunamüvafiq qaydada tədbirlərin görülməsinə və müraciətinin müsbət həllini tapmasına görə Salyan Rayon Polis Şöbəsinin əməkdalarına təşəkkürünü bildirir.

Bakı şəhər sakini Elçin Çobanzadə xidməti vəzifələrinin və peşə fəaliyyətinin öhdəsindən layiqincə gəldiklərinə görə Bakı Şəhər Baş Polis İdarəsinin Dövlət Yol Polisi İdarəsinin əməkdaşlarına təşəkkürünü bildirir.

Bakı şəhər sakini Tehran Mahmudov DİN-in “Instagram” səhifəsinə yazdığı mesajında müraciətinin operativ qaydada və obyektiv araşdırılmasına görə Pirallahı Rayon Polis İdarəsinin əməkdaşlarına təşəkkürünü bildirir.

Vətəndaş Kamilə Hüseynli DİN-in “Instagram” səhifəsinə yazdığı mesajında yüksək peşəkarlığa və yorulmaz fəaliyyətə görə Azərbaycan polisinə təşəkkürünü bildirir.