Lənkəran şəhər sakini Aytac Bağırova müraciətinin obyektiv qaydada araşdırılmasına, vətəndaş məmnuniyyətinin təmin olunmasına və DİN rəhbərliyi tərəfindən bölgələrdə təşkil olunan qəbullar zamanı müraciətlərə həssaslıqla yanaşılması və operativ həlli ilə bağlı göstərişlərin verilməsinə görə təşəkkürünü bildirir.

Lənkəran rayon sakini Röya Nuriyeva DİN-in instagram səhifəsinə ünvanladığı mesajında müraciəti ilə əlaqədar Lənkəran Şəhər Rayon Polis Şöbəsinin rəhbərliyi tərəfindən qəbul edilməsinə, onun narahat edən məsələnin müsbət həllini tapmasına görə təşəkkürünü bildirir.

Neftçala rayon sakini Malik Rəcəbov xidməti vəzifələrini və peşə fəaliyyətlərini layiqincə yerinə yetirdiklərinə görə DİN rəhbərliyinə minnətdarlığını bildirir.

Şirvan şəhər sakini Rahil Məlikov DİN-ə ünvanladığı təşəkkür məktubunda narkotik vasitələrin qanunsuz dövriyyəsinə qarşı apardıqları mübarizəyə, eləcə də xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına təşəkkür edir.

Abşeron rayon sakini Rauf Əkbərov DİN-ə ünvanladığı təşəkkür məktubunda etdiyi müraciətinin müsbət həll olunmasına görə başda DİN rəhbərliyi olmaqla, Binəqədi RPİ-nin rəhbərliyinə və əməkdaşlarına minnətdarlığını bildirir.

Vətəndaş Afərin Kərimov və Rəcəb Əhmədov Daxili İşlər Nazirliyinin “İnstagram” səhifəsinə təşəkkür mesajları yazaraq xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Nərimanov RPİ-nin rəhbərliyinə və əməkdaşlarına təşəkkür edirlər.

Vətəndaş Ayşə Səfərli DİN-in “Instagram” səhifəsinə təşəkkür mesajı ünvanlayıb: “Mən Naxçıvan Şəhər Polis İdarəsinə müraciət etmişdim. Müraciətimə dərhal və diqqətlə baxıldığına, itirdiyim mobil telefonun qısa müddətdə tapılaraq özümə qaytarıldığına görə DİN-in rəhbərliyinə və Naxçıvan Şəhər Polis İdarəsinin əməkdaşlarına səmimi təşəkkürümü bildirirəm. Peşəkar və operativ xidmətlərinə görə Azərbaycan polisinə uğurlar arzulayıram. Yaşasın, Azərbaycan polisi!”.

Vətəndaş Aynur İbrahimova DİN-in “Instagram” səhifəsinə təşəkkür mesajı ünvanlayıb: “05.10.2025-ci il tarixində Naxçıvan Şəhər Polis İdarəsinə ərizə ilə müraciət etmişdim. Naxçıvan ŞPİ-nin əməkdaşları tərəfindən mənim işimə düzgün şəkildə baxıldığına görə DİN-in rəhbərliyinə və Naxçıvan Şəhər Polis İdarəsinin əməkdaşlarına təşəkkürümü bildirirəm. Yaşasın, Azərbaycan polisi!”.

Vətəndaş Aysun Mehmanova DİN-in “Instagram” səhifəsinə təşəkkür mesajı ünvanlayıb: “30.09.2025-ci il tarixində yol-nəqliyyat hadisəsi baş vermişdi. Hadisə ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim. Həmin müddətdə RPİ rəhbərliyi tərəfindən qəbul olundum, mənimlə ciddi şəkildə maraqlandılar və hüquqlarımı ətraflı şəkildə izah etdilər. Polis əməkdaşlarının vətəndaşla bu qədər səmimi və diqqətli davranmasının şahidi olmaq mənim üçün çox xoş oldu. Göstərilən qayğı və peşəkarlığa görə razılığımı bildirirəm. Bu münasibətlə Daxili İşlər Nazirliyinin əməkdaşlarına təşəkkür edirəm”.