Şuşa rayon sakini Elvin Allahverdiyev müraciətinin müsbət həllinə görə Baş Dövlət Yol Polisi İdarəsinin əməkdaşlarına və DİN rəhbərliyinə təşəkkürünü bildirir.

Tərtər rayon sakini Nəzakət Aslanova müraciətində göstərilən diqqət və qayğıya görə DİN rəhbərliyinə  təşəkkür edir.

Kürdəmir rayon sakini Azər Əhmədov DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Kürdəmir RPŞ-nin rəhbərliyinə və əməkdaşlarına təşəkkür edir.

Vətəndaş Rauf Ağayev Daxili İşlər Nazirliyinin “İnstagram” səhifəsinə təşəkkür mesajı yazaraq üzləşdiyi oğurluq faktı ilə bağlı etdiyi müraciətinə operativ reaksiya verilməsinə və müsbət həll olunmasına görə başda DİN rəhbərliyi olmaqla, Saatlı RPŞ-nin rəhbərliyinə və əməkdaşlarına təşəkkür edir.

Paytaxtın Qaradağ rayon sakini Azər Qasımov Daxili İşlər Nazirliyinə təşəkkür məktubu ünvanlayıb. O, rayon ərazisində ictimai asayişin və ictimai təhlükəsizliyin etibarlı təmin olunmasına, sosial neqativ halların aradan qaldırılmasına, cinayətkarlığa, o cümlədən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə və Qaradağ Rayon Polis İdarəsinin əməkdaşlarına özü və digər sakinlər adından minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Vətəndaş Zaur Əhmədov DİN-in “Facebook” səhifəsinə yazdığı mesajında müraciəti üzrə Nizami Rayon Polis İdarəsində obyektiv araşdırma aparıldığını və müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, operativliyə və obyektivliyə görə Nizami RPİ-nin əməkdaşlarına təşəkkür edir.

Vətəndaş Samir Məmmədov DİN-in “Instagram” səhifəsinə yazdığı mesajında üzləşdiyi problemlə bağlı Xətai Rayon Polis İdarəsinin 35-ci Polis Bölməsinə etdiyi müraciətinə operativ baxıldığını, obyektiv araşdırıldığını və qısa müddətdə müsbət həll edildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilmiş tədbirlərə görə Xətai RPİ-nin əməkdaşlarına təşəkkür edir.

Vətəndaş Vüsal Əlicanov məktubunda Xankəndi şəhəri ərazisində ictimai asayişin və ictimai təhlükəsizliyin etibarlı qorunmasına, eləcə də vətəndaş müraciətlərinə həssaslıqla yanaşılmasına görə DİN rəhbərliyinə və Xankəndi Şəhər Polis Şöbəsinin əməkdaşlarına minnətdarlığını bildirir.

Paytaxt sakini Ramin Şükürov məktubunda avtomobilini texniki baxışdan keçirmək üçün Baş Dövlət Yol Polisi İdarəsinin Maştağa qəsəbəsində yerləşən Texniki Müayinə mərkəzinə getdiyini yazır. Orada əməkdaşların xoş rəftar və nəzakətli davranışılarını, ona göstərdikləri diqqət və qayğını qeyd edən R.Şükürov DİN rəhbərliyinə və BDYPİ-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.