Sosioloq, şair Əhməd Qəşəmoğlu “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, qardaşının üzləşdiyi problem ilə bağlı müraciətə dərhal reaksiya verildiyinə və həyata keçirilən operativ tədbirlərə görə DİN-in Mətbuat Xidmətinin və Abşeron Rayon Polis İdarəsinin əməkdaşlarına minnətdarlığını bildirir.

Bakı şəhər sakini Adnan Sadıxov məktubunda Səbail rayonu ərazisində sosial-neqativ halların, o cümlədən sakinlərin rahat yaşayış hüquqlarının pozulmasının qarşısının alınması istiqamətində həyata keçirilən qətiyyətli tədbirlərə görə DİN rəhbərliyinə və Səbail Rayon Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır. 

Bakı şəhər sakini Samirə Əliyeva üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Pirallahı RPŞ İstintaq qrupunun rəhbərliyinə və əməkdaşlarına minnətdarlığını bildirir.

Bakı şəhər sakini Vüqar Seyidov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Sabunçu RPİ İstintaq Şöbəsinin rəhbərliyinə və əməkdaşlarına təşəkkürünü ifadə edir.

Sosial şəbəkə istifadəçisi Zeynəb Kərimova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Sabunçu RPİ-nin rəhbərliyinə və əməkdaşlarına minnətdarlığını yazır.

Sumqayıt şəhər sakini Qalib Namazov sosial şəbəkə hesabında tanımadığı şəxs tərəfindən təhqirlərə məruz qalması ilə bağlı etdiyi müraciətə obyektiv baxılaraq qısa zaman kəsiyində həll olunmasında göstərdikləri köməkliyə görə Sumqayıt ŞPİ-nin rəhbərliyinə və şəxsi heyətinə təşəkkürünü bildirir. 

Beyləqan rayon 2-ci Şahsevən kənd sakini Məzahir Əliyev ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə minnətdarlığını ifadə edir.

Bir qrup vətəndaş məktublarında DİN-ə ünvanladığı müraciətlərinə operativ baxıldığını, obyektiv araşdırma aparılaraq qısa müddətdə müsbət həll olunduğunu qeyd edirlər. Müraciətlərinə həssas yanaşılmasına və obyektivliyə görə Azərbaycan Polisinə təşəkkürlərini bildirirlər.

Xırdalan şəhər sakini Eltəkin Mehdiyev məktubunda üzləşdiyi problemlə bağlı müraciətinə çevik baxıldığını, Baş Cinayət Axtarışı İdarəsi tərəfindən müvafiq araşdırma aparılaraq müraciətinin qısa müddətdə müsbət həll edildiyini bildirir. O, obyektiv araşdırmalara və operativliyə görə Baş Cinayət Axtarışı İdarəsinin əməkdaşlarına təşəkkürünü bildirir.