Sumqayıt şəhər sakini Məryəm Məmmədova Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Sumqayıt Şəhər Polis İdarəsinin əməkdaşlarına təşəkkürünü bildirir.

Bakı şəhər sakini Gülşən Əliyeva DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı səhifə vasitəsilə etdiyi müraciətlə əlaqədar obyektiv araşdırma aparılaraq müvafiq tədbirlərin görüldüyünə və müraciətinin müsbət həll olunduğuna görə DİN rəhbərliyinə təşəkkürünü bildirir.

Bakı şəhər sakini Rasim Abdullayev DİN-in “Instagram” səhifəsinə təşəkkür mesajı yazıb. O, müraciətinə dərhal reaksiya verildiyinə görə Yasamal Rayon Polis İdarəsinin Dövlət Yol Polisi Şöbəsinin əməkdaşlarına təşəkkürünü bildirir.

Sumqayıt şəhər sakini Elsəvər Vəliyev DİN rəhbərliyinə təşəkkür məktubu yazaraq nümunəvi xidmətlərinə görə Sumqayıt Şəhər Polis İdarəsinin əməkdaşlarına minnətdarlığını bildirir.

Sosial şəbəkə istifadəçisi Güllü Tomarlı DİN-in “Facebook” səhifəsinə minnətdarlıq məktubu yazaraq metroda əl çantasını itirdiyini, bu barədə polisə məlumat verdikdən qısa müddət sonra çantasının tapılaraq ona geri qaytarıldığını qeyd edərək, göstərdikləri operativ köməyə görə Azərbaycan Polisinə təşəkkürünü bildirir.

Ağsu rayon sakini Natiq Qurbanov müraciətinin müsbət həll olunmasına görə Ucar RPŞ-nin əməkdaşlarına minnətdarlığını bildirir.

Şamaxı şəhər sakini Vüqar İsmayılov DİN rəhbərliyinə ünvanladığı təşəkkür məktubunda müraciətinin obyektiv araşdırılmasına görə Şamaxı RPŞ-nin əməkdaşlarına minnətdarlığını bildirir.

Bakı şəhər sakini İsmayıl Cabbarov ictimai asayişin və təhlükəsizliyin təmin olunmasında, narkotiklərin, psixotrop maddələrin və onların prekursorlarının qanunsuz dövriyyəsinə qarşı qətiyyətli mübarizədə xidməti vəzifə borclarını layiqincə yerinə yetirdiklərinə görə Səbail RPİ 9-cu Polis Bölməsinin əməkdaşlarına minnətdarlığını bildirir. 

Vətəndaş Adil Mammadyarov üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Nərimanov RPİ 16-cı Polis Şöbəsinin şəxsi heyətinə təşəkkürünü ifadə edir.