Türkiyə Respublikasının vətəndaşı Mert Muhammet və sosial şəbəkə istifadəçisi Mehdi Qurbanov üzləşdikləri dələduzluqla bağlı etdikləri müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində onlara göstərdikləri köməkliyə görə Nərimanov RPİ 16-cı Polis Şöbəsinin əməkdaşlarına təşəkkürlərini ifadə edirlər. 

Bakı şəhər sakini Nadir Abdurəhmanov ictimai asayişin, təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Pirallahı RPİ-nin əməkdaşlarına minnətdarlığını bildirir.

Sosial şəbəkə istifadəçisi Nicat Gözəlov etdiyi müraciətə operativ baxılaraq probleminin müsbət həll olunmasında göstərdikləri köməkliyə görə Sabunçu RPİ 13-cü Polis Bölməsinin əməkdaşlarına təşəkkürünü ifadə edir.

Sosial şəbəkə istifadəçisi Pərvin Mahmudov yol-nəqliyyat hadisəsi ilə üzləşdiyini, polisin obyektiv və operativ araşdırma apardığını yazır. Buna görə Nərimanov RPİ-nin əməkdaşlarına minnətdarlığını bildirir. 

Abşeron rayon sakini Aygün Məmmədxanova vətəndaş müraciətlərinə həssas yanaşılmasına, operativ reaksiya verilməsinə, həmçinin nəzakətli davranışa görə Səbail RPİ 9-cu Polis Bölməsinin əməkdaşlarına təşəkkürünü yazır.

Vətəndaş Aygün Babayeva etdiyi müraciətə operativ baxılaraq onu narahat edən məsələnin müsbət həll olunmasında göstərdikləri köməkliyə görə Nərimanov RPİ-nin rəhbərliyinə minnətdarlığını ifadə edir.

Bakı şəhər sakini Yasəmən Məmmədzadə üzləşdiyi problemlə bağlı etdiyi müraciətə operativ baxılmasına, eyni zamanda səmimi qəbula görə Yasamal RPİ 26-cı Polis Bölməsinin əməkdaşlarına təşəkkürünü bildirir. 

Zərdab rayon sakini Coşqun Abdullayev etdiyi müraciətə operativ baxılaraq probleminin müsbət həll olunmasında göstərdikləri köməkliyə görə Zərdab RPŞ-nin şəxsi heyətinə minnətdarlığını yazır.

Vətəndaş Kamal Qazıyev səhvən tanımadığı şəxsə 2000 avro göndərdiyini, pulunun geri qaytarılması ilə bağlı köməkliyin göstərilməsi məqsədilə polisə müraciət etdiyini yazır. Bildirir ki, qısa zamanda polisin əməyi nəticəsində pulu geri qaytarılmışdır. Buna görə Nərimanov RPİ 16-cı Polis Şöbəsinin əməkdaşlarına təşəkkürünü ifadə edir.