Sabirabad rayon sakini Seymur Qəhramanov Daxili İşlər Nazirliyinə ünvanladığı məktubunda müraciətinə dərhal reaksiya verildiyinə, göstərilən köməkliyə və həyata keçirilən operativ tədbirlərə görə DİN rəhbərliyinə təşəkkürünü bildirir.

Vətəndaş Hikmət Sadiqov DİN-in “Instagram” səhifəsinə təşəkkür mesajı yazıb. O, işlədiyi marketdə baş vermiş oğurluq hadisəsi ilə bağlı Abşeron Rayon Polis İdarəsinə etdiyi müraciətinə dərhal reaksiya verildiyini, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını, cinayət əməlini törədən şəxsin saxlanıldığını və dəymiş maddi ziyanın ödətdirildiyini qeyd edir.
H.Sadiqov həyata keçirilən operativ tədbirlərə görə həmin marketin kollektivi adından DİN rəhbərliyinə və Abşeron Rayon Polis İdarəsinin əməkdaşlarına  təşəkkürünü bildirir.

Vətəndaş İlqar Quluyev “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, Gəncə şəhərində baş vermiş oğurluq hadisəsi ilə bağlı paylaşaraq ictimailəşdirdiyi posta dərhal reaksiya verildiyini, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və cinayət əməlini törədən şəxsin saxlanıldığını qeyd edərək DİN rəhbərliyinə və Azərbaycan polisinə minnətdarlığını bildirir.

Abşeron rayon sakini Orxan Abiyev Daxili İşlər Nazirliyinə ünvanladığı məktubunda ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində uğurlar arzulayırlar.

Şirvan şəhər sakini Əbülfət Məmmədov Daxili İşlər Nazirliyinə ünvanladığı məktubunda müraciətinə Bakı şəhər Baş Polis İdarəsində operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.

Sosial şəbəkə istifadəçisi Şəmistan Abdullazadə üzləşdiyi kibercinayətkarlıqla bağlı etdiyi müraciətə operativ reaksiya verilərək ona göstərdikləri köməkliyə görə Pirallahı RPİ-nin əməkdaşlarına minnətdarlığını bildirir. 

Vətəndaş Sevinc Quliyeva işlədiyi yerdə köməksiz vəziyyətə düşdüyü üçün polisə müraciət etdiyini və bu çətin vəziyyətdən polisin dəstəyi ilə çıxdığını yazır. Buna görə Pirallahı RPİ-nin əməkdaşlarına təşəkkürünü ifadə edir. 

Sosial şəbəkə istifadəçisi Rauf Çərkəsov etdiyi müraciətə operativ baxılaraq dəyən ziyanın ödətdirilməsində ona göstərdikləri köməkliyə görə Pirallahı RPİ-nin əməkdaşlarına minnətdarlığını yazır. 

Sumqayıt şəhər sakini Elşad Babayev ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə təşəkkürünü bildirir.