Gəncə şəhər sakinləri Elnarə Muradova, Nüşabə Məmmədova, Nailə Musayeva və Ruhiyə Həsənova üzləşdikləri problemlə bağlı müraciətlərinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Gəncə ŞBPİ-nin kollektivinə təşəkkür edirlər.

Vətəndaş Rafiq İsgəndərov müraciətinə operativ baxılmasına və müsbət həllini tapmasında göstərdikləri köməkliyə görə Naftalan Şəhər Polis Şöbəsinin rəhbərliyinə minnətdarlığını bildirir.

Vətəndaş Taleh Mehdiyev müraciətinin müsbət həll edilməsinə görə DİN rəhbərliyinə təşəkkür edir.

Bakı şəhər sakini, şəhid anası olan Əfruz Qarayeva daxili işlər orqanlarında gənc əməkdaşlara, o cümlədən Şəhid ailələrinə, qazilərə, Vətən müharibəsi iştirakçılarına göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə təşəkkürünü bildirir. 

Sumqayıt şəhər sakini Elxan Ramazanov və bir qrup şəhər sakini DİN-ə təşəkkür məktubu yazıblar. Onlar polis əməkdaşlarının gecəli gündüzlü xidməti, ayıq-sayıqlığı sayəsində rayonda asayişin etibarlı qorunmasını və təhlükəsizliyin yüksək səviyyədə təmin edildiyini qeyd edərək DİN rəhbərliyinə və Sumqayıt Şəhər Polis İdarəsinin əməkdaşlarına təşəkkürlərini bildirirlər.

Vətəndaş Qismət Məmmədov DİN-ə təşəkkür məktubu yazıb. O, üzləşdiyi dələduzluqla bağlı müraciətinə göstərilən operativliyə və obyektivliyə, həmçinin ona dəymiş maddi zərərin tam ödətdirilməsinin təmin olunmasına görə Ordubad Rayon Polis Şöbəsinin əməkdaşlarına təşəkkürünü bildirir.

Vətəndaş Vasif Alməmmədov DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll olunmasına görə DİN rəhbərliyinə təşəkkürünü bildirir.

Vətəndaş Ayaz Vəliyev DİN-in “Instagram” səhifəsinə təşəkkür mesajı yazıb. O, xidməti vəzifələrini layiqincə yerinə yetirən Pirallahı Rayon Polis İdarəsinin əməkdaşlarına təşəkkürünü bildirir.

Vətəndaş Pərviz İsayev DİN-in “Instagram” səhifəsinə təşəkkür mesajı yazıb. O baş vermiş yol-nəqliyyat hadisəsi ilə əlaqədar aparılan obyektiv araşdırmalara, həmçinin göstərilən diqqət və köməkliyə görə Nərimanov Rayon Polis İdarəsinin əməkdaşlarına təşəkkürünü bildirir.