Vətəndaş Aygün Məmmədxanova Azərbaycan Polisinin peşəkar xidməti fəaliyyətini təqdir edir, Səbail RPİ 9-cu Polis Bölməsinin əməkdaşlarına təşəkkürünü yazır.

Sosial şəbəkə istifadəçisi Sevinc Bünyatova naməlum şəraitdə itirdiyi pul kisəsinin tez bir zamanda tapılaraq ona təhvil verilməsində göstərdikləri köməkliyə görə Nərimanov RPİ 16-cı Polis Şöbəsinin əməkdaşlarına təşəkkürünü bildirir.

Bakı şəhər sakini Nərmin Bədəlova müraciətinə operativ və obyektiv baxılmasına görə daxili işlər orqanları əməkdaşlarına minnətdarlığını yazır. 

Vətəndaş Əsmər Muradlı üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində probleminin müsbət həll olunmasında göstərdikləri köməkliyə görə Nizami RPİ 25-ci Polis Bölməsinin əməkdaşlarına minnətdarlığını bildirir. 

Sosial şəbəkə istifadəçisi Sahib Mustafayev naməlum avtomobil tərəfindən vurularkən həyatının xilas edilməsində göstərdikləri fədakarlığa görə Nərimanov RPİ-nin əməkdaşlarına təşəkkürünü ifadə edir.

Sosial şəbəkə istifadəçisi Qalib Namazov etdiyi müraciətə operativ baxılaraq onu narahat edən məsələnin müsbət həll olunmasında göstərdikləri köməkliyə görə Azərbaycan Polisinə minnətdarlığını yazır. 

Vətəndaş Tural Məmmədov yol-nəqliyyat hadisəsi ilə üzləşdiyini, polisin obyektiv və operativ araşdırma apardığını yazır və buna görə Nərimanov RPİ-nin əməkdaşlarına təşəkkürünü bildirir. 

Sosial şəbəkə istifadəçisi Sevinc Mehdizadə üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində müsbət həll olunmasında göstərdikləri köməkliyə görə Nərimanov RPİ-nin rəhbərliyinə minnətdarlığını ifadə edir. 

Vətəndaş Nuray Verdizadə üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Nərimanov RPİ 16-cı Polis Şöbəsinin əməkdaşlarına təşəkkürünü yazır.