Bakı şəhər sakini Ehtiram Qurbanlı məktubunda xidməti vəzifələrini layiqincə yerinə yetirən Nərimanov RPİ-nin və 18-ci Polis Şöbəsinin əməkdaşlarına təşəkkürünü bildirir, çətin və şərəfli işlərində uğurlar arzulayır.

Naxçıvan Muxtar Respublikası Şahbuz rayonunun Şahbuzkənd kənd sakini Heydər Qurbanov məktubunda üzləşdiyi problemlə bağlı müraciəti ilə əlaqədar obyektiv araşdırma aparılaraq qısa müddətdə müraciətinin müsbət həll olunduğunu qeyd edir, göstərilən operativliyə və obyektivliyə görə Şahbuz Rayon Polis Şöbəsinin əməkdaşlarına təşəkkürünü bildirir.

Vətəndaş Cəfərqulu Cəbrayılov teleqramında müraciəti üzrə Suraxanı Rayon Polis İdarəsinə dəvət edildiyini, nəzakətlə qarşılanaraq dinlənildiyini və müraciətinin qısa müddətdə müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməkliyə görə Suraxanı RPİ-nin əməkdaşlarına təşəkkür edir.

Şahbuz rayon sakini Azər Fərzəliyev məktubunda üzləşdiyi problemlə bağlı müraciəti ilə əlaqədar Şahbuz Rayon Polis Şöbəsində obyektiv araşdırma aparılaraq müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilmiş tədbirlərə görə Şahbuz RPŞ-nin əməkdaşlarına təşəkkür edir.

Vətəndaş Gülnaz Məmmədova teleqramında müraciəti üzrə Suraxanı Rayon Polis İdarəsinə dəvət edildiyini, nəzakətlə qarşılanaraq dinlənildiyini və müraciətinin qısa müddətdə müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməkliyə görə Suraxanı RPİ-nin əməkdaşlarına təşəkkür edir.

Vətəndaş Şəlalə Əbilova teleqramında daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN rəhbərliyinə minnətdarlığını ifadə edir.

Vətəndaş Sərhat Bican DİN-in “Instagram” səhifəsinə təşəkkür mesajı ünvanlayıb: “Ərizə ilə Xətai Rayon Polis İdarəsinin 37-ci Polis Şöbəsinə müraciət etmişdim. Müraciətimə dərhal reaksiya verildi və mənə köməklik göstərildi. Buna görə DİN-in və Xətai RPİ-nin rəhbərliyinə, müraciətimin həllində köməklik göstərən polis əməkdaşlarına minnətdarlığımı bildirirəm. Yaşasın, Azərbaycan polisi!”.

Vətəndaş Mirsüleyman Qasımov DİN-in “Instagram” səhifəsinə təşəkkür mesajı ünvanlayıb: 18.10.25-ci il tarixində paytaxtın Səbail rayonu ərazisində özümə məxsus mobil telefonumu itirmişdim. Səbail Rayon Polis İdarəsinin 9-cu Polis Bölməsinin əməkdaşları tərəfindən telefonum tez bir zamanda tapılaraq mənə təhvil verildi. 9-cu Polis Bölməsinin rəhbərliyinə və şəxsi heyətinə dərin təşəkkürlərimi bildirirəm. Yaşasın, Azərbaycan polisi!”.

Vətəndaş Seyid Süleymanov DİN-in “Instagram” səhifəsinə təşəkkür mesajı ünvanlayıb: “13.10.2025-ci il tarixində paytaxtın Nərimanov rayonu ərazisində yolu keçmək istəyərkən avtomobil tərəfindən vuruldum. Hadisə ilə bağlı Nərimanov Rayon Polis İdarəsinin Təhqiqat Şöbəsində araşdırma aparıldı, dəymiş zərər ödənildi. Göstərilən diqqət və qayğıya görə Azərbaycan polisinə dərin minnətdarlığımı bildirir, xidmətlərində uğurlar arzulayıram”.