Vətəndaş Tanrıverdi Məmmədov avtomobilində yaranmış nasazlıq səbəbindən yolda çətin duruma düşdüyünü, həmin vəziyyətdən polisin köməkliyi ilə çıxdığını yazır, buna görə Yardımlı RPŞ-nin əməkdaşlarına minnətdarlığını bildirir.

Bakı şəhər sakini Ayşən Abbasova mülki-hüquqi öhdəliklərdən yayınma faktı ilə bağlı müraciətinə operativ baxılaraq müsbət həll olunmasında göstərdikləri köməkliyə görə Nərimanov RPİ 16-cı Polis Şöbəsinin əməkdaşlarına təşəkkürünü ifadə edir.

Sosial şəbəkə istifadəçisi Həsən Şamçıyev yaşadığı binanın həyətində digər binanın sakinləri tərəfindən qeyri-qanuni olaraq dəmir dirəklər çəkildiyini, bu səbəbdən şəxsi avtomobillərini saxlamaqda süni maneə yarandığını, polisin köməkliyi ilə problemin aradan qaldırıldığını qeyd edir və buna görə Nərimanov RPİ 16-cı Polis Şöbəsinin əməkdaşlarına minnətdarlığını yazır. 

Sosial şəbəkə istifadəçisi Rauf Alagözov müraciətinə çevik reaksiya verilərək müsbət həll olunmasında göstərdikləri köməkliyə görə Səbail RPİ 41-ci Polis Bölməsinin əməkdaşlarına təşəkkürünü bildirir.

Vətəndaş Fərid Hacıyev naməlum şəxs tərəfindən ona məxsus qarajın sökülməsi barədə müraciətinə operativ reaksiya verilərək hüquqlarının qorunmasında göstərdikləri köməyə görə Sabunçu RPİ 13-cü Polis Bölməsinin əməkdaşlarına minnətdarlığını ifadə edir.

Bakı şəhər sakini Rövşən Əliyev naməlum şəraitdə itirdiyi pul kisəsinin qısa zaman kəsiyində tapılaraq qaytarılmasında əməyi olan Bakı Şəhər Baş  Polis İdarəsinin əməkdaşlarına təşəkkürünü yazır.

Vətəndaş Vüsalə Əliyeva ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə minnətdarlığını bildirir.

Sosial şəbəkə istifadəçisi Ülkər Əliyeva naməlum şəraitdə itirdiyi bank kartının tez bir zamanda tapılaraq qaytarılmasında göstərdikləri köməyə görə Pirallahı RPİ-nin əməkdaşlarına təşəkkürünü ifadə edir.

Sosial şəbəkə istifadəçisi Elçin Şükürov müraciəti ilə bağlı ona göstərilən köməkliyə görə Nərimanov RPİ 16-cı Polis Şöbəsinin əməkdaşlarına minnətdarlığını yazır.