Vətəndaş Anar Əliyev DİN-in “Facebook” səhifəsinə ünvanladığı mesajında müraciəti ilə bağlı Sabunçu Rayon Polis İdarəsinin 13-cü Polis Bölməsində yüksək hörmətlə qarşılandığını və müraciətinin müsbət həll olunduğunu qeyd edir. O, göstərilən köməkliyə görə DİN rəhbərliyinə və Sabunçu Rayon Polis İdarəsinin əməkdaşlarına təşəkkürünü bildirir.

Bakı şəhər sakini Müşfiq İsrafilov Daxili İşlər Nazirliyinə ünvanladığı məktubunda müraciətinə operativ reaksiya verildiyini qeyd edir. O, Yasamal Rayon Polis İdarəsinin 26-cı Polis Bölməsinə dəvət edildiyini, nəzakətlə qarşılanaraq dinlənildiyini və müraciətinə obyektiv baxıldığını qeyd edir. 
Müşfiq İsrafilov vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.

Bakı şəhər sakini Abbas Bayramov məktubunda üzləşdiyi mənimsəmə faktı ilə bağlı Daxili İşlər Nazirliyinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.

Vətəndaş Ceyhun Həsənov DİN-in “Instagram” səhifəsinə təşəkkür mesajı yazıb: “15.05.2024-cü il tarixində baş vermiş yol-nəqliyyat hadisəsi ilə əlaqədar onu bildirirəm ki, məsələ ilə bağlı Nərimanov Rayon Polis İdarəsində aparılan araşdırmada iştirak etdim və razı qaldım. Bu səbəbdən Nərimanov Rayon Polis İdarəsinin əməkdaşlarına minnətdarlığımı bildirirəm”.

Bakı şəhər sakini İlqar Sadıqov məktubunda müraciəti ilə əlaqədar Metropolitendə Polis İdarəsində araşdırma aparıldığını, müvafiq tədbirlər görülməklə qısa müddətdə müsbət həll olunduğunu qeyd edir. O, müraciətinə diqqətlə yanaşılmasına və göstərilən köməkliyə görə Metropolitendə Polis İdarəsinin əməkdaşlarına təşəkkürünü bildirir. 

Ağcabədi rayon sakini Rəşad Cəfərov məktubunda Ağcabədi rayonunda yerləşən Baş Dövlət Yol Polisi İdarəsinin Qeydiyyat-imtahan və Texniki baxış şöbəsində vətəndaşların rahatlığı üçün yaradılan şəraitə və göstərilən xidmətə görə DİN rəhbərliyinə və həmin şöbənin əməkdaşlarına təşəkkürünü bildirir.

Abşeron rayon sakini Rahim Eyyubov DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətə operativ reaksiya verilməsinə, polis orqanında obyektiv araşdırma aparılaraq qısa müddətdə müsbət həll olunmasına görə DİN rəhbərliyinə və Azərbaycan polisinə təşəkkürünü bildirir.   

Bakı şəhər sakini Vüqar Bəkirov DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətə operativ reaksiya verildiyini, araşdırma aparılaraq qısa müddətdə müsbət həll olunduğunu qeyd edərək DİN rəhbərliyinə və Azərbaycan polisinə təşəkkürünü bildirir.   

Vətəndaş Günay İman DİN-in “Facebook” səhifəsinə təşəkkür mesajı göndərib. O, xarici ölkədə əməliyyat olunaraq qayıdan bir yeniyetməyə hava limanında polis əməkdaşları tərəfindən köməklik göstərildiyini, onu qucaqlarında avtomobilədək apardıqlarını yazır.  
G.İman hər zaman köməyə hazır olduqlarına, humanistliklərinə, göstərdikləri diqqətə və qayğıya görə Azərbaycan polisinə, o cümlədən  Hava Nəqliyyatında Polis İdarəsinin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır.