Bakı şəhər sakinləri Cahangir Ağayev, Şükür Həsənov, Zahir Allahverdiyev, Samirə Qocayeva və Masallı şəhər sakini Vəli Nurullayev DİN-ə ünvanladıqları təşəkkür məktublarında üzləşdikləri problemlərin vaxtında həllinə çalışan, xoş rəftarı və səmimiyyəti ilə vətəndaşların rəğbətini qazanan, sabitliyi qoruyan, cinayətkarlıqla ciddi mübarizə aparan həmkarlarımıza minnətdarlıqlarını ifadə edirlər.

Qaradağ rayonu Lökbatan qəsəbəsində yaşayan Salmanovlar ailəsi ötən il onlara qarşı quldurluq edən şəxslərin qısa zaman kəsiyində tuulmasına görə Qaradağ RPİ-nin 10-cu Polis Bölməsinin əməkdaşlarına təşəkkürlərini bildirirlər.

Binəqədi rayon sakini Hüseyn Heydərov üzləşdiyi problemin həllində və ona dəymiş ziyanın ödətdirilməsində kömək göstərdiklərinə görə Abşeron RPİ-nin İstintaq Şöbəsinin əməkdaşlarına təşəkkürünü bildirir.

Bərdə rayon sakini Əfrasiyab Allahverdiyev etdiyi müraciətə çevik reaksiya verildiyindən və bu məqsədlə DİN Baş İstintaq və Təhqiqat İdarəsi tərəfindən araşdırılmanın şəffaf şəkildə aparılmasından razılıq edir.

Bakı şəhər sakini Məmmədova Arzu DİN-ə ünvanladığı təşəkkür məktubunda bildirir ki, oğluna şəxsiyyət vəsiqələri almaq üçün Nəsimi RPİ-nin Qeydiyyat və Şəxsiyyət Vəsiqəsi şöbəsinə müraciət edib. Şöbənin əməkdaşları onları qəbul edərək operativ şəkildə bütün tədbirləri həyata keçiriblər. Vətəndaş yazır ki, polis əməkdaşlarının müraciətinə bu qədər həssas yanaşamaları, şöbədə olduqları müddət ərzində göstərilən səmimi münasibət sevincinə səbəb olub.

Cəlilabad rayon sakinləri Ramil Yarıyev və şəhid atası Mirşamil Mürsəlov DİN-ə ünvanladıqları təşəkkür məktubunda ictimai asayişin təmin edilməsində, cinayətkarlığa, narkomaniyaya və digər qanunazidd əməllərə qarşı mübarizədə polisin rolunu yüksək qiymətləndirir və qısa zaman kəsiyində görülən müsbət işlərdən söhbət açırlar.

Qusar rayon Köhnə Xudat Qazmalar kənd sakini Əfqan Əliyev oğlu Rafil Əliyevin işsizlik problemi ilə bağlı müxtəlif orqanlara etdiyi müraciətlərin cavabsız qaldığını yazaraq qeyd edir ki, bu barədə Qusar Rayon Polis Şöbəsinin Şahdağ Polis Bölməsinin rəhbərliyi ilə görüşüb, məlumat verib, oğlunun idman nailiyyətləri olduğunu, lakin işsizlikdən əziyyət çəkdiyini bildirib. Qısa zaman kəsiyində Bölmə tərəfindən onu müraciətinə müsbət cavab verilib və övladını Şahdağ Turizm Mərkəzinə dəvət edərək mühafizəçi kimi işə götürüblər.

Bakı şəhər sakini Orxan Abdullayev “Qobuland” istirahət mərkəzində itirdiyi pulun tapılıb ona qaytarılmasına görə polisə təşəkkür edir.

Bakı şəhər sakini Fuad Hacıyev may ayında naməlum şəxs tərəfindən yoldaşının boynundan boyunbağının oğurlanması ilə bağlı polisə etdiyi müraciətdən sonra hadisəni törədən şəxsin qısa müddət ərzində tapılmasına görə Nəsimi RPİ 19-cu PB-nin əməkdaşlarına təşəkkürünü bildirir.