Gəncə şəhər sakini Cavid İsmayıllı göndərdiyi məktubunda bildirir ki, ona məxsus 500 manat dəyərində “Samsung” markalı mobil telefonun oğurlanması ilə bağlı müraciətindən sonra Nizami (Gəncə) RPİ əməkdaşlarının hətaya keçirdikləri operativ əməliyyat-axtarış tədbirləri nəticəsində hadisəni törətmiş şəxs saxlanılaraq məsuliyyətə cəlb edilib. Vətəndaş buna görə DİN rəhbərliyinə təşəkkür edir.

Daha bir Gəncə şəhər sakini Elgün İsazadə isə göndərdiyi minnətdarlıq məktubunda ona məxsus mağazadan oğurluq etmiş şəxsin Kəpəz RPİ əməkdaşlarının səyi nəticəsində qısa müddət ərzində saxlanılaraq istintaqa təhvil verildiyini yazır.

Nərimanov rayon sakini Firəngiz Rəhimova göndərdiyi məktubunda Yasamal Rayon Mühafiə İdarəsinin əməkdaşlarının, xüsusən, Ramil İsmayılovun ona qarşı xoş rəftarından və insansevərliyindən razılığını bildirir, buna görə DİN rəhbərliyinə təşəkkür edir.

Suraxanı rayon sakini Rauf Mehdiyev göndərdiyi məktubunda bildirir ki, ailəsi ilə birlikdə Qusarda yerləşən “Şahdağ” istirahət mərkəzinə gedərkən yolda avtomobilində nasazlıq yaranıb. Çətin vəziyyətdə qalan vətəndaşların köməyinə Qusar RPŞ-nin Şahdağ Polis Bölməsinin əməkdaşları çatıblar. Yaranmış nasazlıq polis əməkdaşlarının səyi nəticəsində aradan qaldırılıb. R.Mehdiyev buna görə Şahdağ PB əməkdaşlarına minnətdarlığını bildirir.

Astara rayon Şahağac kəndi Ağsaqqallar Şurasının sədri Şaməddin Əsədov və kənd sakini Vasif Həsənov ziyalılar adından göndərdikləri məktublarında RPŞ əməkdaşlarının narkotik vasitələrin qanunsuz dövriyyəsinə qarşı apardıqları uğurlu mübarizədən məmnun qaldıqlarını bildirir və buna görə DİN rəhbərliyinə təşəkkür edirlər.

Gəncə şəhər sakini Nuridə Musayeva göndərdiyi məktubunda yazır ki, ailə problemi ilə bağlı Gəncə Şəhər Baş Polis İdarəsinə ərizə ilə müraciət edib. Polis əməkdaşları tərəfindən vətəndaşın şikayətinə baxılıb və məsələ qısa müddət ərzində həll edilib. N.Musayeva buna görə Gəncə şəhər BPİ-nin əməkdaşlarına minnətdarlığını bildirir.

Şirvan şəhər sakini Tural Qanbayev göndərdiyi teleqramda polisin cinayətkarlığa qarşı mübarizədəki rolunu yüksək qiymətləndirir və buna görə DİN rəhbərliyinə təşəkkür edir.

Sabunçu rayon sakini Araz Aslanov DİN-ə ünvanladığı məktubunda yazır ki, ötən ay ailəsi ilə birlikdə dəniz kənarından qayıdarkən idarə etdiyi avtomobil quma batıb. Dərhal ərazidə xidmət aparan Əlahiddə Çevik Polis Alayının əməkdaşları, polis serjantları Ramil Qasımov və Firuz Niyazov vətəndaşların köməyinə çataraq, nəqliyyat vasitəsini qumdan çıxartmağa nail olublar. A.Aslanov bu iki polis əməkdaşının timsalında bütün daxili işlər orqanları əməkdaşlarına öz dərin minnətdarlığını bildirir.

Bakı şəhər sakini Fərid Əzizov göndərdiyi məktubunda cinayətkarlığa qarşı mübarizədə, ictimai asayişin və təhlükəsizliyin təmin edilməsində polisin rolunu yüksək qiymətləndirir, daxili işlər orqanlarının fəaliyyətindən razı qaldığını vurğulayır.

Bakı şəhər sakini, Qarabağ müharibəsi veteranı, ikinci qrup əlil, ehtiyatda olan polkovnik-leytenant Seyidağa Mövsümov DİN-ə ünvanladığı məktubunda Xəzər RPİ-nin Qeydiyyat və Şəxsiyyət Vəsiqəsi şöbəsinin rəisi, polis polkovnik-leytenantı Feyruz İmanova və polis baş leytenantı Arzuman Arzumanlıya müraciətinə bu qədər həssas yanaşamalarına, ona göstərdikləri diqqətə və səmimi münasibətə görə təşəkkürünü bildirir.