Rusiya Federasiyasının vətəndaşı Natalya Kuznetsova DİN-in “Xəzri İstirahət və Sağlamlıq Mərkəzi”ndə yaradılan şəraitdən və göstərilən xidmətdən məmnun qaldığını, Azərbaycanda turzimin günü-gündən inkişaf etdiyini qeyd edir.

Kürdəxanı qəsəbəsi yeni yaşayış massivində müvəqqəti məskunlaşmış Kəlbəcər rayon sakini İlhamə Qasımova pulunun geri qaytarılmasında göstərdikləri köməyə görə Bakı Şəhər Baş Polis İdarəsinin əməkdaşlarına təşəkkürünü bildirir.

Bir qrup Astara sakini DİN-ə ünvanladıqları təşəkkür məktubunda RPŞ-nin DYP Bölməsi əməkdaşlarının xidmətindən məmnun qaldıqlarını, onların fəaliyyəti nəticəsində yollarda hərəkətin yüksək səviyyədə nizamlandığını, avtoxuliqanlara qarşı sərt mübarizə tədbirləri görüldüyünü diqqətə çatdırır və buna görə DİN rəhbərliyinə təşəkkür edirlər.

Gəncə şəhər sakini Hakim Məmmədov ona məxsus avtomobilin naməlum şəxs tərəfindən qaçılması ilə bağlı Gəncə Şəhər Baş Polis İdarəsinin Nizami Rayon Polis İdarəsinə etdiyi müracətə vaxrtında baxıldığına, əməliyyat-axtarış tədbirləri nəticəsində şübhəlinin tutulmasına və əmlakının qaytarılmasına görə həmkarlarımıza təşəkkürünü bildirir.

Bakı şəhər sakinləri Samir Əsgərov, Namiq Əhmədzadə, Lənkəran rayon sakinləri Davud Bağırzadəvə Xaliq Əşrəfov polisin fəaliyyətini yüksək qiymətləndirir, asayiş keşikçilərinə xidmətdə uğurlar arzulayırlar.

Nəsimi rayon sakini Südabə Həsənova etdiyi müraciətə dərhal reaksiya verildiyinə və qısa zaman kəsiyində məsələnin ədalətli həllinə görə yazdığı təşəkkür məktubunda minnətdarlığını ifadə edir.

Bu gün ölkəmizdə sabitliyin təminində, əmin-amanlığın bərqərar olunmasında digər hüquq-mühafizə orqanları ilə yanaşı polisin də əməyini yüksək qiymətləndirən Gədəbəy rayon sakini Cavid Əliyev DİN-ə ünvanladığı məktubunda tarixi ənənələrinə sadiq qalaraq xilaskarlıq missiyası ilə insanların köməyinə tələsən, dadına çatan, hər zaman ayıq-sayıq xidmət aparan polisimizə təşəkkür edir, uğurlar arzulayır.

Bakı şəhər sakini Elçin Mahmudov ona məxsus bağ evindən edilmiş oğurluqla bağlı Sabunçu RPİ 42-ci PB-yə etdiyi müraciətə çevik reaksiya verildiyinə, əməliyyat tədbirlərindən sonra oğrunun tapıldığına, oğurlanmış qızıl-zinət əşyalarının geriyə qaytarıldığına, hər şeyin qanun çərçivəsində öz həllini tapdığına görə həmkarlarımıza təşəkkürünü bildirir.

Azərbaycan Milli Elmlər Akademiyası Arxeologiya və Etnoqrafiya İnstitutunun direktoru, professor Maisə Rəhimova Lerik ərazisindəki arxeoloji qazıntı sahəsindən oğurlanmış 8 ədəd müxtəlif təyinatlı əşyanın etdiyi müraciətdən sonra polislərin səyi nəticəsində tapıldığına və tariximizə, maddi-mənəvi sərvətlərimizə göstərdikləri diqqətə görə Azərbaycan Polisinə təşəkkürünü bildirir.