Bakı şəhər sakini Rövşən Məhərrəmov DİN rəhbərliyinə ünvanladığı təşəkkür məktubunda etdiyi müraciətə operativ və tez bir zamanda baxıldığına və ona göstərilən köməkliyə görə Bakı şəhər Baş Polis İdarəsinin əməkdaşlarına minnətdarlıq edir.

Sabirabad rayon sakini Məcid İsmayılov DİN rəhbərliyinə ünvanladığı məktubunda polis əməkdaşlarının xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə Sabirabad RPŞ-nin rəhbərliyinə təşəkkürünü bildirir.

Neftçala rayon sakini Malik Rəcəbov qanunun aliliyinin, insan hüquq və azadlıqlarının təmin edilməsində, cinayətkarlıqla mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə, eləcə də fədakarlıq nümayiş etdirdiklərinə görə DİN və Neftçala RPŞ-nin rəhbərliklərinə, eləcə də şəxsi heyətə minnətdarlığını bildirir.

Vətəndaş Lyudmila Popova DİN-ə ünvanladığı məktubunda idarə etdiyi avtomobildə yaranmış nasazlığın aradan qaldırılmasında və nəqliyyat vasitəsinin yolun hərəkət hissəsindən kənara çıxarılmasında göstərdikləri köməkliyə görə ərazidə xidmət aparan Nəsimi RPİ-nin Post-Patrul Xidməti Bölüyünün əməkdaşlarına minnətdarlığını bildirir.

Ağsu rayonunun Qaraqaşlı kənd sakini Ülviyyə Bəndalıyeva DİN-ə ünvanladığı təşəkkür məktubunda xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Ağsu RPŞ-nin əməkdaşlarına təşəkkürünü ifadə edir.

“102”-ci ictimai-siyasi hüquq qəzetinin baş redaktoru Tural Kəlbəcərli DİN rəhbərliyinə ünvanladığı təşəkkür məktubunda koronavirus pandemiyasının Azərbaycanda geniş yayılmasının qarşısının alınması istiqamətində sakinlərlə maarifləndirmə işləri apardıqlarından və karantin qaydalarına ciddi əməl edilməsindən, hərbi vəziyyət və terror aktlarının qarşısının alınmasından məmnunluq ifadə edir.

Bakı şəhər sakini Rübabə Əzimova DİN-ə ünvanladığı məktubunda müraciətinin obyektiv araşdırılaraq müsbət həll olunduğuna görə DİN rəhbərliyinə və Xətai RPİ-nin 36-cı Polis Bölməsinin əməkdaşlarına minnətdarlığını bildirir.

Şirvan şəhər sakini Nüşabə Əsədullayeva DİN rəhbərliyinə ünvanladığı təşəkkür məktubunda müraciətinə tez bir zamanda baxılaraq müsbət həllini tapmasında göstərdikləri köməyə görə Azərbaycan Polisinin fəaliyyətini təqdir edir. O, vətəndaş müraciətlərinə həssaslıqla yanaşılmasını yüksək dəyərləndirir.

Ağcabədi rayon sakini Səddam Zamanov DİN rəhbərliyinə ünvanladığı təşəkkür məktubunda müraciətinə tez bir zamanda baxılaraq ona dəyən ziyanın ödənilməsində göstərdikləri köməyə görə daxili işlər orqanları əməkdaşlarına minnətdarlığını bildirir.