Salyan rayon sakini Rüxsarə Dadaşova DİN-ə ünvanladığı məktubunda azyaşlı oğlunun itkin düşməsi ilə bağlı Rayon Polis Şöbəsinə müraciət etdiyini bildirir. O, polis əməkdaşlarının operativliyi sayəsində övladının qısa müddətdə tapıldığına görə Salyan RPŞ-nin əməkdaşlarına minnətdarlığını ifadə edir.

Bakı şəhər sakini Emin Rafullayev ictimai asayişin etibarlı qorunmasının və narkotiklərin qanunsuz dövriyyəsinə qarşı mübarizə istiqamətində görülən qətiyyətli tədbirlərin təqdirəlayiq olduğunu qeyd edərək DİN rəhbərliyinə və əməkdaşlarına xidmətlərində uğurlar arzulayır.

Gəncə şəhər sakini Anar Dadaşov daxili işlər orqanlarında xidmətə qəbul zamanı yaradılan şəffaflığa görə cənab nazir başda olmaqla DİN əməkdaşlarına təşəkkürünü bildirir.

Bakı şəhər sakini Rəna Təhməzova üzləşdiyi problemlə əlaqədar etdiyi müraciətə həssaslıqla yanaşılaraq tez bir zamanda həll olunmasında göstərdikləri köməkliyə görə Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlığını bildirir.

DİN-in Feysbuk səhifəsinin izləyicisi Mehman Nəbiyev səhifə üzərindən etdiyi müraciətə operativ baxıldığına və məsələnin həll edildiyinə görə Xətai RPİ-nin 35-ci Polis Bölməsinin əməkdaşlarına minnətdarlıq edir.

Samir Zeynalov adlı Feysbuk istifadəçisinin yazdığı statusu diqqətinizə çatdırırıq: “Mayın 8-də bir qrup şəxsin mənə qarşı qeyri-qanuni və qeyri-etik hərəkətlərinə görə "Facebook" üzərindən etdiyim şikayətə qısa müddətdə reaksiya verərək məni şəxsən qəbul edən və bu barədə əsaslı tədbir görən Bakı Şəhər Baş Polis İdarəsinin İstintaq şöbəsinin əməkdaşlarına öz dərin minnətdarlığımı bildirirəm.”

Vali Mammadov adlı Facebook istifadəçisi öz səhifəsində pandemiya ilə mübarizədə polis əməkdaşlarına minnətdarlığını bildirir. O, yazdığı statusunda qeyd edir: “Bu karantin dövründə çox əziyyətli və vacib iş görmüş Azərbaycan Respublikası Daxili İşlər Nazirliyinin əməkdaşlarına minnətdarlığımı bildirmək istərdim. Öz işlərini layiqincə yetirmələri ilə yanaşı həmişə gülərüz və hörmətlə davranırlar. Bütün postlarda vətəndaşlarla düzgün və professional rəftar ediblər. Polisimizi daim belə gülərüz, zarafatçıl görmək istərdim. İşinizdə uğurlar!”

Kapital Bank ASC-nin Xaçmaz rayon filialının direktoru Bəxtiyar Tağıyev Daxili İşlər Nazirliyinə ünvanladığı məktubunda Xaçmaz Rayon Polis Şöbəsinin əməkdaşlarına təşəkkürünü bildirir. Məktubda Bankda karantin günlərində vətəndaşlara xidmət işində ictimai asayişin qorunmasında, nizam-intizam yaradılmasında, qayda-qanunun və sosial məsafənin gözlənilməsində göstərdikləri nümunəvi xidmət sayəsində fəaliyyətin ahəngdar və operativ yerinə yetirildiyi qeyd olunur, polis əməkdaşlarının bu fədakar əməyi minnətdarlıqla qeyd edilərək yüksək qiymətləndirilir, onlara çətin və şərəfli xidmətlərində uğurlar arzulanır.

Lənkəran şəhəri Mamusta kənd sakini Babayevə Reyhanə Mirverdi qızı və 2 nəfər ailə üzvü DİN rəhbərliyin təşəkkür məktubu ünvanlayıb. Məktubda Nəqliyyatda Baş Polis İdarəsinin Su Nəqliyyatında Polis İdarəsinin əməkdaşları tərəfindən yeni növ Koronovirus (Covid 19) pandemiyasının yayılması dövründə onların ailəsinə ərzaq və tibbi ləvazimatlarla yardım edilməsi bildirmiş və polislərin bu alqışa layiq hərəkəti minnətdarlıqla qeyd olunmuşdur.