Bakı şəhər sakini Cavid Kərimli fotoaparatının bir şəxs tərəfindən sındırıldığı ilə bağlı etdiyi müraciətə Binəqədi Rayon Polis İdarəsinin 5-ci Polis Bölməsinin əməkdaşları tərəfindən çevik reaksiya göstərildiyinə və məsələnin araşdırılıb qısa müddət ərzində ona dəymiş ziyanın tam ödətdirilməsinə görə DİN rəhbərliyinə minnətdarlığını bildirir.

Bakı şəhər sakini İbrahim Şeyx avtomobilinin oğurlanması ilə bağlı etdiyi müraciətə Səbail Rayon Polis İdarəsinin 39-cu Polis Bölməsinin əməkdaşları tərəfindən operativ yanaşıldığına və avtomobilinin qısa müddət ərzində tapılaraq ona təhvil verildiyinə görə DİO əməkdaşlarına minnətdarlığını bildirir.

Bakı şəhər sakini Gündüz Hüseynli oyun meydançasında yıxılan 4 yaşlı övladının xəstəxanaya çatdırılmasında köməklik göstərdiyinə, xidməti vəzifələrini və peşə fəaliyyətini layiqincə yerinə yetirdiyinə görə Baş Şəhər Baş Polis İdarəsinin Dövlət Yol Polis İdarəsinin Yol Patrul Xidmətinin əməkdaşlarına dərin təşəkkürünü bildirir.

Bakı şəhər sakini Raqif Binnətov məktubunda yol hərəkətinin təşkili ilə bağlı müraciətinə operativ baxılaraq qısa müddətdə müsbət həll edildiyini bildirir. O, avtomobil yollarında təhlükəsizliyin etibarlı təmin olunmasına, yol polisi əməkdaşlarının məktəblərdə və yollarda apardıqları maarifləndirmə tədbirlərinə diqqət çəkir, onların təhsil müəssisələrinin qarşısında məktəblilərin təhlükəsizliyi üçün gördükləri tədbirlərin təqdirəlayiq olduğunu qeyd edərək DİN rəhbərliyinə və Bakı ŞBPİ-nin Dövlət Yol Polisi İdarəsinin əməkdaşlarına təşəkkürünü bildirir.

Saatlı rayon sakini Araz İbrahimov DİN-nə ünvanladığı məktubunda müraciətinə operativ reaksiya verildiyinə və məsələnin müsbət şəkildə həll olunduğuna görə DİN rəhbərliyinə və Saatlı Rayon Polis Şöbəsinin əməkdaşlarına təşəkkürünü bildirir.

“roma_qof” adlı sosial şəbəkə istifadəçisi üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Azərbaycan Polisinə və şəxsi heyətinə minnətdarlığını bildirir.

Vətən müharibəsi iştirakçısı, Bakı şəhər sakini Yadulla Həsənzadə DİO-da xidmətə qəbul olunması ilə əlaqədar müraciətinə dərhal cavab verildiyinə, sıra baxışında seçilib Azərbaycan Polisinin sıralarına qatıldığına görə DİN rəhbərliyinə təşəkkürünü bildirir.

Erhan Can adlı facebook istifadəçisi üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Gəncə ŞBPİ-nin rəhbərliyinə və əməkdaşlarına minnətdarlığını bildirir.

Abşeron rayon sakini Kamil Xaliqverdiyev Daxili İşlər Nazirliyinə ünvanladığı məktubunda rayon ərazisində narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, müvafiq tədbirlərin həyata keçirildiyini qeyd edir. O, müraciətinə obyektiv baxıldığına, həmçinin bununla bağlı həyata keçirilən tədbirlərə görə DİN rəhbərliyinə minnətdarlığını bildirir.