Lənkəran şəhər sakini Fizuli Əkbərov Vətətən müharibəsi iştirakçısı olan oğlunun daxili işlər orqanlarında xidmətə qəbul edildiyinə görə DİN rəhbərliyinə təşəkkürünü bildirir. O, daxili işlər orqanlarında gənc əməkdaşlara, o cümlədən Şəhid ailələrinə, qazilərə, Vətən müharibəsi iştirakçılarına göstərilən diqqət və qayğının, etimadın təqdirəlayiq olduğunu qeyd edir.

Bakı şəhər sakini Anar Yusifov üzləşdiyi problemlə bağlı Nazirliyin “İnstagram” səhifəsi vasitəsilə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və BDYPİ-nin əməkdaşlarına minnətdarlığını bildirir.

Bakı şəhər sakini Zabit Əhliyarlı müraciətinə operativ baxıldığını, Sumqayıt ŞPİ DYP Şöbəsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir.

Z.Əhliyarlı müraciətinə həssas yanaşıldığına və həyata keçirilən operativ tədbirlərə görə DİN rəhbərliyinə və Sumqayıt ŞPİ-nin əməkdaşlarına təşəkkürünü bildirir.

Sumqayıt şəhərinin 76-cı məhəllə sakinləri adından Daxili İşlər Nazirliyinə ünvanlanmış məktubda sosial neqativ halların, narkotik vasitələrin və psixotrop maddələrin qanunsuz dövriyyəsinin qarşısının alınması ilə bağlı müraciətlərinə operativ reaksiya verildiyinə və həyata keçirilən operativ tədbirlərə görə DİN rəhbərliyinə və Sumqayıt Şəhər Polis İdarəsinin əməkdaşlarına təşəkkür ifadə olunur.

Şəki rayonu Yeni Çələbixan qəsəbə sakini Mehman İbişov DİN rəhbərliyinə ünvanladığı təşəkkür məktubunda müraciətlərinin operativ və obyektiv araşdırılmasına görə, Şəki ŞRPŞ-nin əməkdaşlarına öz minnətdarlığını bildirir.

Neftçala rayon sakini Rüstəm Kazımov DİN-nə ünvanladığı təşəkkür məktubunda xidməti fəaliyyətini layiqincə yerinə yetirdiyinə görə başda DİN rəhbərliyi olmaqla, Azərbaycan polisinə minnətdarlıq edir.

Bakı şəhər sakini Almara Yusifova üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək həll olunmasında, eləcə də ona dəymiş ziyanın ödətdirilməsində göstərdikləri köməkliyə görə Sabunçu RPİ-nin rəhbərliyinə və əməkdaşlarına minnətdarlığını bildirir.

Saatlı rayon Veteranlar Şurasının sədri, təqaüddə olan polis polkovnik-leytenantı Əjdər Hüseynov DİN rəhbərliyinə ünvanladığı təşəkkür məktubunda səhhətində yaranan problemlə bağlı DİN-nin A.Heydərov adına Respublika Hospitalında müalicə olunduğu zaman ona göstərdikləri diqqət və qayğıya görə həkim və tibb personalına minnətdarlığını ifadə edir.

Ağdam rayon sakini Tərlan Əsgərova şikayətinə operativ və obyektiv şəkildə baxılaraq müsbət həllini tapmasında göstərdikləri köməkliyə görə Azərbaycan Polisinə təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.