“Facebook” istifadəçisi Anar Musayev şəxsi səhifəsində yazaraq DİN-ə ünvanladığı statusa polis əməkdaşları tərəfindən çevik reaksiya verildiyinə və müsbət istiqamətdə həll edildiyinə görə DİN rəhbərliyinə təşəkkür edib.

DİN-in “Facebook” səhifəsinin izləyicisi Ceyhun Rüstəmov şəxsiyyət vəsiqəsində edilən dəyişikliyin sistemdə qeydiyyatdan keçirilməsi ilə bağlı etdiyi müraciətə tez bir zamanda baxıldığına və həll edildiyinə görə DİN rəhbərliyinə minnətdarlıq edir.

Bakı şəhər sakini Könül Mustafayeva DİN-in “İnstagram” səhifəsi vasitəsilə Nazirliyə ünvanladığı müraciətə baxıldığına və obyektiv həll edildiyinə görə minnətdarlıq bildirib. Vətəndaş sonda qeyd edib: “Həqiqətən polislərimiz güvənc yerimizidir”.

Şirvan şəhər sakini Telman Vəliyevin DİN rəhbərliyinə ünvanladığı təşəkkür məktubundan: “Hörmətli cənab Nazir, mənə qarşı törədilən dələduzluq əməli Qaradağ Rayon Polis İdaraəsində araşdırıldı. Qanunun aliliyi rəhbər tutularaq çox ədalətli qaydada müraciətimə baxıldı. Polis əməkdaşlarının dövlət qanunlarının aliliyini rəhbər tutması, hüquqlarımızı təmin etməsi və vətəndaşlara ədalətli xidməti bizdə qürur və fəxr hissi yaratdı.”

Vətəndaşlar Vidadi Sətdarov, Zakir Hüseynov və Fariz Zeynalov üzləşdikləri problemlərlə əlaqədar etdikləri müraciətə obyektiv, eləcə də çevik reaksiya verilərək həll olunmasında göstərdikləri köməkliyə görə Nəsimi RPİ-nin rəhbərliyinə və əməkdaşlarına minnətdarlıqlarını bildirirlər.

khanim_feyzullah adlı instagram istifadəçisi Dilarə Quliyeva DİN-in instagram səhifəsi vasitəsilə bacısının bir nəfər şəxs tərəfindən hədə-qorxuya məruz qalması ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Xətai RPİ-nin rəhbərliyinə və şəxsi heyətinə təşəkkürünü ifadə edir.

Rahim.012 adlı instagram istifadəçisi Rahim Bəhmənli DİN-in instagram səhifəsi vasitəsilə mobil telefonunu itirməsi ilə əlaqədar etdiyi müraciətə həssaslıqla yanaşılaraq qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Nərimanov RPİ-nin 18-ci Polis Şöbəsinin rəhbərliyinə və əməkdaşlarına minnətdarlığını yazır.

Coşqun Abdullayev adlı facebook istifadəçisi Füzuliyə gedərkən səhhəti pişləşən atasını operativ şəkildə ürək klinikasına çatdırılmasında öz köməyinin əsirgəməyən və xidməti vəzifə borclarını nümünəvi yerinə yetirdiklərinə görə Azərbaycan Polisinə təşəkkürünü ifadə edir.

Milli Onkologiya Mərkəzinin baş direktoru Cəmil Əliyev xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Xəzər RMİ-nin əməkdaşlarına ünvanladığı təşəkkür məktubunda razılıq və təşəkkürünü bildirir.