“Ekologiya Dünyası” qəzetinin baş redaktoru Natiq Qorxmazov DİN rəhbərliyinə ünvanladığı təşəkkür məktubunda yazır ki, 05.06.2021-ci il tarixdə ağır vəziyyətdə olan 9 yaşlı Murad Tosif oğlu Məmmədovu valideynləri Lənkəran rayon Mərkəzi xəstəxanasına apararkən avtomobili Ələt-Astara magistralının 213-cü km-də xarab olub. Onlara yaxınlaşan DYPX-nin əməkdaşları yolda dayanmalarının səbəbilə maraqlanıb. Məsələnin nə yerdə olduğunu bilən polis əməkdaşları dərhal xəstə uşağı və valideynlərini xidməti avtomobilləri ilə xəstəxanaya gətiriblər. 9 yaşlı Muradın xəstəxanaya vaxtında çatdırılmasına, göstərdikləri diqqət və qayğıya görə DİN rəhbərliyi başda olmaqla Lənkəran ŞRPŞ-nin rəhbərliyinə və DYPX-nin əməkdaşlarına qəsəbə sakinləri və öz adından minnətdarlıq edir.

Bakı şəhər sakini Səbuhi Hüseynov ona məxsus mobil telefonun oğurlanması ilə əlaqədar etdiyi müraciətə çevik reaksiya verilməsinə və telefonun tezliklə tapılaraq ona qaytarılmasına görə DİN rəhbərliyinə və Binəqədi PRİ 5-ci Polis Bölməsinin şəxsi heyətinə təşəkkür edir.

Quba rayon sakini Rəşid Məmmədov Daxili İşlər Nazirliyinə ünvanladığı məktubunda rayon ərazisində narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, Quba Rayon Polis Şöbəsinin əməkdaşları tərəfindən müvafiq tədbirlərin həyata keçirildiyini qeyd edir. O, müraciətinə obyektiv baxıldığına, həmçinin bununla bağlı həyata keçirilən tədbirlərə görə DİN rəhbərliyinə minnətdarlığını bildirir.

Sumqayıt şəhər sakini Adil Əkbərov O, şəhər ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Sumqayıt Şəhər Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Avtandil Nəbiyev qarşılaşdığı problemlə bağlı etdiyi müraciətə Səbail Rayon Polis İdarəsinin 9-cu Polis Bölməsinin əməkdaşları tərəfindən obyektiv araşdırıldığına və dəymiş maddi ziyanın ödənilməsində göstərdikləri köməkliyə görə DİN rəhbərliyinə təşəkkür edir.

Vətəndaş Kəmalə Ağazadə Daxili İşlər Nazirliyinə ünvanladığı məktubunda sosial şəbəkədə etdiyi paylaşımdan dərhal sonra Nəsimi Rayon Polis İdarəsinin 19-cu Polis Şöbəsinin əməkdaşları tərəfindən Ümid adlı uşağın tapılaraq sığınacağa yerləşdirildiyini qeyd edir və polis əməkdaşlarının müraciətlərə belə operativ yanaşdıqlarına görə DİN rəhbərliyinə minnətdarlığını bildirir.

Şamaxı rayon sakini Poladxan Səməndərov rayon ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Şamaxı Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Almara Yusifova bir şəxs tərəfindən 6550 AZN pulunun ələ keçirilməsi ilə bağlı etdiyi müraciətinə Sabunçu Rayon Polis İdarəsinin əməkdaşları tərəfindən operativ yanaşıldığına və problemin müsbət istiqamətdə həll olunduğu həmçinin dəymiş ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.

Bakı şəhər sakini Günel Həsənova Daxili İşlər Nazirliyinə ünvanladığı məktubunda Yasamal rayonu ərazisində narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, Yasamal Rayon Polis Şöbəsinin əməkdaşları tərəfindən müvafiq tədbirlərin həyata keçirildiyini qeyd edir. O, müraciətinə obyektiv baxıldığına, həmçinin bununla bağlı həyata keçirilən tədbirlərə görə DİN rəhbərliyinə minnətdarlığını bildirir.