Bir qrup Beyləqan rayon sakini DİN-ə ünvanladığı təşəkkür məktubunda narkotiklərin qanunsuz dövriyyəsində şübhəli bilinən şəxslərin ifşa edilərək məsuliyyətə cəlb edilməsi istiqamətində həyata keçirilən uğurlu əməliyyat tədbirlərinə görə DİN rəhbərliyinə və Beyləqan RPŞ-nin əməkdaşlarına minnətdarlıqlarını ifadə edirlər.

May ayının 29-da Ağcabədi rayon sakini Səfər Əliyev tanışı Rövşən adlı şəxslə birlikdə Haramı düzünə ot yığmağa gedib. İşləyərkən onu sağ əlindən ilan sancıb. Rövşən öz motosikleti ilə Səfəri həkimə çatdırmaq istəsə də, axşam saatları olduğu üçün yolu azaraq, səmti itiriblər. Uzaqdan yanan işığı görüb ora tərəf istiqamət götürüblər. Polis postuna çatanda Füzuli rayonu ərazisindəki Alxanlı kəndində olduqlarını bilblər. Polis əməkdaşlarına vəziyyəti izah elədikdə, onlar dərhal zərərçəkmişi xidməti avtomaşınla xəstəxanaya aparıblar. S.Əliyev deyir: -Yolda gedərkən artıq zəhərin təsirindən yaranan ağrılar güclənmişdi. Polis əməkdaşları tez məni xəstəxanaya çatdırmağa çalışdılar. Tələsik getdiyimizdən yolda qəza baş verdi və polis əməkdaşları xəsarət aldılar. Buna baxmayaraq onlar yaxından keçən avtomaşını saxladaraq məni xəstəxanaya yola saldılar. Sonradan öyrəndim ki, onlar Füzuli Rayon Polis Şöbəsinin əməkdaşları, Gəncalı Qəmbərov və Elmir Pənahlıdır. Mən bu gün polislərimizin fədakarlığı səbəbindən həyatda qaldım. Onlara bir ömür boyu minnətdaram. Polislər mənim həyatımı xilas edərkən öz həyatlarını təhlükəyə atdılar. Mən bu cür polislərlə fəxr edirəm. Xəsarət alan polis qardaşlarıma tez sağalmalarını arzulamaqla onlara özüm və ailəm adından minnətdarlığımı bildirirəm. Polisin bu fədakar fəaliyyətinə görə Daxili İşlər Nazirliyinin rəhbərliyinə təşəkkür edirəm. Hal-hazırda G.Qəmbərovun müalicəsi xəstəxana şəraitində davam etdirilir. Tez bir zamanda ayağa qalxaraq xidməti faəliyyətini qaldığı yerdən davam etdirməsini arzu edirik. E.Pənahlının səhhətində heç bir problem yoxdu, o xidmət başındadır.

Astara rayon sakini İqbal Quliyev DİN rəhbərliyinə ünvanladığı təşəkkür məktubunda Baş Dövlət Yol Polisi İdarəsinin Lənkəran regional qeydiyyat-imtahan və texniki baxış şöbəsinin əməkdaşlarının xidməti vəzifələrini layiqincə yerinə yetirdiyinə görə razılığını ifadə edir.

Lənkəran rayonunun Digah kənd sakini Şahin Məmmədov DİN rəhbərliyinə ünvanladığı təşəkkür məktubunda velosipedini oğurlayan şəxsin müəyyən olunaraq saxlanılmasına və oğurlanan əmlakının ona geri qaytarılmasına görə Lənkəran ŞRPŞ-nin əməkdaşlarının fəaliyyətindən razılığını ifadə edir.

Cəlilabad rayonunun Kazımabad kənd sakini İlqar Ağayev DİN rəhbərliyinə ünvanladığı təşəkkür məktubunda müraciətinin obyektiv araşdırıldığına və məsələyə düzgün hüquqi qiymət verildiyinə görə minnətdarlığını bildirir.

Cəlilabad rayon sakini Malik Qurbanov DİN rəhbərliyinə ünvanladığı təşəkkür məktubunda müraciəti ilə əlaqədar olaraq Cəlilabad RPŞ-nin rəhbərliyi tərəfindən qəbul edilməsinə və məsələnin müsbət həllini tapmasına görə minnətdarlığını bildirir.

Lənkəran rayon sakini Xudaverdi Cavadov DİN rəhbərliyinə ünvanladığı təşəkkür məktubunda vətəndaşların müraciətlərinə həssaslıqla yanaşılmasına, çevik reaksiya verilməsinə, həmçinin yollarda rahat və təhlükəsiz hərəkətin təmini istiqamətində görülən tədbirlərə görə Lənkəran ŞRPŞ-nin rəhbərliyinə və şöbənin dövlət yol polisi bölməsinin əməkdaşlarına minnətdarlığını bildirir.

Masallı rayon sakini Məmmədağa Şiriyev DİN rəhbərliyinə ünvanladığı təşəkkür məktubunda vətəndaşlara qarşı sərgilənən yüksək mədəni davranışa, göstərilən diqqətə görə Baş Dövlət Yol Polisi İdarəsinin Lənkəran regional qeydiyyat-imtahan və texniki baxış şöbəsinin rəhbərliyinə minnətdarlığını bildirir.

Lənkəran rayonunun Zövlə kənd sakini Elgün Cəfərov DİN rəhbərliyinə ünvanladığı təşəkkür məktubunda müraciətlərin obyektiv araşdırılmasına və vətəndaşların qayğılarına həssaslıqla yanaşılmasına görə minnətdarlığını ifadə edir.