ULUSESTV.az xəbərlər portalının baş redaktor müavini Gülxan Aslanov DİN-ə ünvanladığı təşəkkür məktubunda etdiyi müraciətə operativ baxılmasına, onu maraqlandıran  sualların  ətraflı, dolğun cavablandırılmasına görə Bakı Şəhər Baş Polis İdarəsinin Dövlət Yol Polisi İdarəsinin şəxsi heyətinə minnətdarlığını bildirir.

Azərbaycan Yazıçılar Birliyi İdarə Heyətinin üzvü, “Azərbaycan” jurnalı baş redaktorunun müavini, tənqidçi Əsəd Cahangir DİN rəhbərliyinə ünvanladığı məktubunda yazır: “Böyük iftixar hissi ilə, qürurla Daxili İşlər Orqanlarında xidmət edən hər bir polis əməkdaşının təqdir edirəm. Mobil telefonum oğurlanmışdı. Məsələ ilə bağlı Bakı Şəhər Baş Polis İdarəsinin Cinayət Axtarışı İdarəsində qəbul edildim. Orada mənə bildirildi ki, narahat olmayın, telefonunuz tapılacaq. Elə də oldu. Mobil telefonum qısa zaman kəsiyində tapılaraq mənə qaytarıldı. DİN rəhbərliyinin formalaşdırdığı polis təşkilatının vətəndaşa insani yanaşması təkcə sözlə ifadə olunmadı, əməli təsdiqlə sübut olundu. Telefonun tapılma prosesi, axtarışlarda müasir innovasiyaların tətbiqi məni təəccübləndirdi. Azərbaycan Polisinin operativliyinə heyran oldum. Bir yazıçı kimi sevindim. Sıralarında belə peşəkar, savadlı və işini bilən əməkdaşların olmasına görə DİN rəhbərliyinə dərin minnətdarlığımı bildirirəm.” Məktubunda etdiyi müraciətə tez bir zamanda, operativ baxılaraq hüquqlarının təmin edilməsində göstərilən köməkliyə görə Azərbaycan Polisinə minnətdarlıq edir.  

Bakı şəhər sakini, əməkdar elm xadimi, professor Nizaməddin Şəmsizadə DİN-ə ünvanladığı məktubunda etdiyi müraciətə operativ baxılaraq probleminin tez bir zamanda aradan qaldırılmasında göstərilən köməkliyə görə Bakı Şəhər Baş Polis İdarəsinin və Yasamal Rayon Polis İdarəsinin şəxsi heyətinə təşəkkürünü bildirir.

Vətəndaş Rizvan Cəfərov itkin düşən qızının tez bir zamanda tapılaraq evə qaytarılmasında ona göstərdikləri köməkliyə görə Binəqədi RPİ-nin 7-ci Polis Bölməsinin rəhbərliyinə təşəkkürünü bildirir. O, Azərbaycan Polisinin xidməti fəaliyyətini yüksək dəyərləndirir və uğurlar diləyir.

Sumqayıt şəhər sakini P.Quliyeva DİN-in “Facebook” sosial şəbəkəsindəki səhifəsinə təşəkkür mesajı yazıb. O, səhifəyə yazdığı mesajına operativ reaksiya verildiyini və görülmüş tədbirlərlə qısa müddətdə müraciətinin müsbət həll olunduğunu qeyd edərək vətəndaş müraciətlərinə həssas yanaşılmasına görə DİN rəhbərliyinə təşəkkürünü bildirir.

Xaçmaz rayon sakini Leyla Novruzəliyeva üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edilməsinə görə DİN rəhbərliyinə minnətdarlığını bildirir.

Quba rayon sakini Söhrab Niftəliyev müraciətinə operativ baxıldığına, obyektiv araşdırılaraq qısa müddətdə müsbət həll edilməsində göstərilən köməkliyə görə DİN-in rəhbərliyinə minnətdarlığını bildirir.

Qusar rayon sakini Rasim Kərəmov üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edilməsində göstərilən köməkliyə görə DİN rəhbərliyinə və Qusar RPŞ-nin əməkdaşlarına minnətdarlığını bildirir.

Bakı şəhər sakini Elnur Əhmədov DİN-in “İnstagram” səhifəsi vasitəsi ilə etdiyi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə başda DİN rəhbərliyi olmaqla bütün daxili işlər orqanlarının əməkdaşlarına minnətdarlığını bildirir, çətin və şərəfli işlərində uğurlar arzulayır.