Yevlax rayonunun Nərimanabad kəndi ərazisində yol-nəqliyyat hadisəsi

23.02.2023

Sabirabad şəhəri ərazisində yol-nəqliyyat hadisəsi

23.02.2023

Fevralın 23-də saat 21 radələrində Sabirabad şəhəri ərazisində rayon sakinləri N.Cəbrayılzadənin idarə etdiyi “Priora” və T.Zamanovun idarə etdiyi “VAZ-2107” markalı avtomobillər toqquşub. Nəticədə hər iki sürücü xəstəxanaya yerləşdirilib, T.Zamanov orada ölüb.Sabirabad Rayon Polis Şöbəsində araşdırma aparılır.

Gün ərzində ölkə ərazisində qeydə alınan 77 cinayətin açılması təmin olunub

22.02.2023

Fevralın 22-də ölkə ərazisində qeydə alınan 77, əvvəlki dövrlərdən bağlı qalan 12 cinayətin açılması daxili işlər orqanlarının əməkdaşları tərəfindən təmin olunub.   

Polis əməkdaşlarının keçirdikləri əməliyyat tədbirləri nəticəsində marixuana aşkar olunaraq götürülüb

22.02.2023

Polis əməkdaşlarının fevralın 22-də respublika ərazisində keçirdikləri əməliyyat tədbirləri nəticəsində ümumi çəkisi 8,9 kiloqramdan artıq marixuana aşkar olunaraq götürülüb.Bu istiqamətdə qətiyyətli mübarizə tədbirləri davam etdirilir. 

Kürdəmir rayonu ərazisində avtomobili şərxoş idarə edən şəxs saxlanılıb və üzərindən marixuana aşkar edilərək götürülüb

22.02.2023

Fevralın 22-də saat 1 radələrində Kürdəmir rayonu ərazisində “Toyota” markalı avtomobil Baş Dövlət Yol Polisi İdarəsinin əməkdaşları tərəfindən yoxlama nəzarət qaydasında saxlanılıb. Sürücü - Bakı şəhər sakini R.Abidovun avtomobili sərxoş halda idarə etməsi müəyyən olunduğundan barəsində İnzibati Xətalar Məcəlləsinin 333-cü maddəsi ilə inzibati protokol tərtib olunub və o, Kürdəmir Rayon Polis Şöbəsinə təhvil verilib.Polis Şöbəsində şəxsi axtarış zamanı R.Abidovdan marixuana da aşkar olunaraq götürülüb.Araşdırma aparılır.  

Sumqayıt şəhər ərazisində hədə-qorxu ilə pul tələb etmədə şübhəli bilinən şəxs saxlanılıb

22.02.2023

Sumqayıt Şəhər Polis İdarəsinə müraciət edən şəhər sakini olan qadın bir nəfərin onun şəkillərini sosial şəbəkədə yayacağı ilə hədələyərək 300 manatını almasını, sonradan isə yenidən hədələməsini bildirib.Polis əməkdaşlarının keçirdikləri əməliyyat tədbirləri nəticəsində hədə-qorxu ilə tələb etmədə şübhəli bilinən Corat qəsəbə sakini P.Bayramov müəyyən olunaraq saxlanılıb. Sumqayıt Şəhər Polis İdarəsində araşdırma aparılır.

Sumqayıt şəhərində bank hesabından pul oğurlamaqda şübhəli bilinən şəhər sakini saxlanılıb

22.02.2023

Fevralın 20-də Sumqayıt şəhər sakini olan bir nəfərin bank hesabından 1886 manatının oğurlanması barədə polisə məlumat daxil olub. Sumqayıt ŞPİ 4-cü Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən şəhər sakini M.Paşayeva müəyyən olunaraq saxlanılıb. Araşdırma aparılır.

Yük avtomobillərindən akkumulyator oğurlamaqda şübhəli bilinən 2 nəfər saxlanılıb

22.02.2023

Yük avtomobillərindən akkumulyator oğurlamaqda şübhəli bilinən 2 nəfər saxlanılıb Sumqayıt ŞPİ-nin 5-ci Polis Bölməsinə müxtəlif vaxtlarda şəhər ərazisində “Daf”, “MAN”, “KamAZ” markalı 4 yük avtomobilindən 6 ədəd akkumulyatorun oğurlanması barədə məlumatlar daxil olub. Polis əməkdaşlarının keçirdikləri əməliyyat tədbirləri nəticəsində oğurluqları törətməkdə şübhəli bilinən Xırdalan şəhər sakinləri E.Xankişiyev və R.Familli müəyyən olunaraq saxlanılıblar. Araşdırma aparılır.

Abşeron rayonu ərazisində üzərində heroin və metamfetamin gəzdirən şəxs saxlanılıb

22.02.2023

Abşeron Rayon Polis İdarəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Xırdalan şəhər sakini, əvvəllər məhkum olunmuş R.Mehdiyev şübhəli şəxs qismində saxlanılıb. Şəxsi axtarış zamanı ondan heroin və metamfetamin aşkar olunaraq götürülüb. Araşdırmalarla onun fevralın 7-də Xırdalan şəhər sakinləri olan iki qadının bank hesablarından pullarını oğurlaması da müəyyən olunub.

Qazax rayon ərazisindəki evlərin birindən qızıl-zinət əşyaları oğurlamaqda şübhəli bilinən şəxs saxlanılıb

22.02.2023

Qazax Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki evlərin birindən 15000 manat dəyərində qızıl-zinət əşyaları oğurlamaqda şübhəli bilinən rayon sakini R.Qarayev saxlanılıb.  Araşdırma aparılır.