Gün ərzində ölkə ərazisində qeydə alınan 64 cinayətin açılması təmin olunub

26.02.2023

Fevralın 26-da ölkə ərazisində qeydə alınan 64, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşlarının respublika ərazisində keçirdikləri əməliyyat tədbirləri nəticəsində narkotik vasitələr qanunsuz dövriyyədən çıxarılıb

26.02.2023

Polis əməkdaşlarının fevralın 25-də və 26-da respublika ərazisində keçirdikləri əməliyyat tədbirləri nəticəsində ümumi çəkisi 12,2 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 490 qramdan artıq heroin, 11,3 kiloqramdan çox marixuana, 40 qramdan artıq metamfetamin,həmçinin 328 ədəd yüksək təsiredici xassəyə malik həblər olub.Bu istiqamətdə qətiyyətli mübarizə tədbirləri davam etdirilir.

Binəqədi qəsəbə ərazisindəki şirkətlərin birindən oğurluq etməkdə şübhəli bilinən Bakı şəhər sakini saxlanılıb

26.02.2023

Binəqədi RPİ 43-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində qəsəbə ərazisindəki şirkətlərin birindən mühərrik naqilləri, 1780 manat dəyərində dəmir tor və pilləkənlər oğurlamaqda şübhəli bilinən Bakı şəhər sakini, əvvəllər məhkum olunmuş E.Qədimov saxlanılıb. Araşdırma aparılır.

Zərdab rayon ərazisində elektrik şəbəkəsindən oğurluq etməkdə şübhəli bilinən şəxslər saxlanılıblar

26.02.2023

Zərdab Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayonun elektrik şəbəkəsinə məxsus transformatorlardan 163 ədəd elektrik açarını oğurlamaqda şübhəli bilinən Sumqayıt şəhər sakini E.Əsədov və Bakı şəhər sakini K.Piriyev müəyyən olunaraq saxlanılıblar. Araşdırma aparılır.

Ağstafa rayonunun Dağ Kəsəmən kəndi ərazisində yol-nəqliyyat hadisəsi baş vermişdir

26.02.2023

Fevralın 26-da saat 23 radələrində Ağstafa rayonunun Dağ Kəsəmən kəndi ərazisində Qazax rayon sakini M.Xəlilovun idarə etdiyi “VAZ-21099” və Bakı şəhər sakini R.Əsədovun idarə etdiyi “MAN” markalı yük avtomobili toqquşub. Nəticədə M.Xəlilov və sərnişini O.Rzayev hadisə yerində ölüblər.Baş İstintaq və Təhqiqat İdarəsi tərəfindən araşdırma aparılır.

Sabunçu rayonunun Pirşağı qəsəbəsi ərazisində yol-nəqliyyat hadisəsi baş verib

26.02.2023

Fevralın 26-da saat 19 radələrində Sabunçu rayonunun Pirşağı qəsəbəsi ərazisində Bakı şəhər sakini M.Əsədov idarə etdiyi “KİA” markalı avtomobillə yolu keçən paytaxt sakini B.Ələsgərovu vurub və nəticədə piyada hadisə yerində ölüb.Sabunçu Rayon Polis İdarəsində araşdırma aparılır.

Gün ərzində ölkə ərazisində qeydə alınan 60 cinayətin açılması təmin olunub

25.02.2023

Fevralın 25-də ölkə ərazisində qeydə alınan 60, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Biləcəri dəmir yolu stansiyası ərazisində saxlanılan Gədəbəy rayon sakini S.Məmmədzadədən marixuana götürülüb

25.02.2023

Nəqliyyatda Baş Polis İdarəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Biləcəri dəmir yolu stansiyası ərazisində saxlanılan Gədəbəy rayon sakini S.Məmmədzadədən 450 qram marixuana aşkar olunaraq götürülüb. Araşdırma aparılır. 

Biləsuvar rayon sakini V.Həsənovun pulunu cibgirlik yolu ilə oğurlamaqda şübhəli bilinən Ə.Qasımov saxlanılıb

25.02.2023

Biləsuvar Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon sakini V.Həsənovun 1230 manatını cibgirlik yolu ilə oğurlamaqda şübhəli bilinən Ə.Qasımov müəyyən olunaraq saxlanılıb. Araşdırma aparılır.

Qaradağ rayonunun Lökbatan qəsəbəsi ərazisində “Opel” markalı avtomobillə yolu keçən  45-50 yaşlı kişi vurulub

25.02.2023

Fevralın 25-də saat 19 radələrində Qaradağ rayonunun Lökbatan qəsəbəsi ərazisində qəsəbə sakini R.Eyyubov idarə etdiyi “Opel” markalı avtomobillə yolu keçən  45-50 yaşlı kişini vurub və nəticədə həmin şəxs hadisə yerində ölüb.Qaradağ Rayon Polis İdarəsində araşdırma aparılır.