Ümumi çəkisi 10,4 kiloqramdan artıq marixuana və 410 ədəd güclü təsiredici xassəyə malik həb aşkar olunaraq götürülüb 

26.04.2023

Polis əməkdaşlarının aprelin 26-da respublika ərazisində keçirdikləri əməliyyat tədbirləri nəticəsində ümumi çəkisi 10,4 kiloqramdan artıq marixuana və 410 ədəd güclü təsiredici xassəyə malik həb aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Xəzər rayonunun Şüvəlan qəsəbəsindəki evlərin birindən oğurluq etməkdkə şübhəli bilinən A.Əliyev saxlanılıb

26.04.2023

Xəzər RPİ 1-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Şüvəlan qəsəbəsindəki evlərin birinin həyətindəki saxlanc yerindən 7000 manat dəyərində məişət əşyaları, heykəltaraşlıq avadanlıqları və təmir alətləri oğurlamaqda şübhəli bilinən qəsəbə sakini, əvvəllər məhkum olunmuş A.Əliyev müəyyən olunaraq saxlanılıb.Araşdırma aparılır.

Binəqədi rayonu ərazisində 40 nəfərə qarşı dələduzluq etməkdə şübhəli bilinən Z.Məlikzadə saxlanılıb

26.04.2023

Polis əməkdaşlarının daxil olan məlumatlar əsasında keçirdikləri əməliyyat tədbiri nəticəsində müxtəlif vaxtlarda Binəqədi rayonu ərazisində 40 nəfərə qarşı dələduzluq etməkdə şübhəli bilinən, Cinayət Məcəlləsinin 178-ci (dələduzluq) maddəsi ilə axtarışda olan Füzuli rayon sakini, əvvəllər də eyni əmələ görə  məhkum olunmuş Z.Məlikzadə saxlanılıb.Araşdırma aparılır.

Səbail rayonunun Badamdar qəsəbəsindəki evlərin birindən qızıl-zinət əşyalarını oğurlamaqda şübhəli bilinən şəxslər saxlanılıblar

26.04.2023

Səbail rayonunun Badamdar qəsəbəsindəki evlərin birindən 7000 manat dəyərində qızıl-zinət əşyalarının qeyri-aşkar şəraitdə oğurlanması barədə polisə məlumat daxil olub. Səbail RPİ 41-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən həmin evdə işləyən xadimə və həyat yoldaşı müəyyən olunaraq saxlanılıb.Araşdırma aparılır.

Hacıqabul rayonunun Muğan qəsəbəsindəki evlərin birindən 2 ədəd xalça oğurlamaqda şübhəli bilinən İ.Nəhmədov saxlanılıb

26.04.2023

Hacıqabul rayonunun Muğan qəsəbəsindəki evlərin birindən 6000 manat dəyərində 2 ədəd xalçanın oğurlanması barədə polisə məlumat daxil olub. Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən, əvvəllər də eyni əmələ görə məhkum olunmuş İ.Nəhmədov müəyyən olunaraq saxlanılıb.Araşdırma aparılır.

Ağcabədi rayonu ərazisindəki inzibati binaların birindən oğurluq etməkdə şübhəli bilinən rayon sakini N.Hüseynov saxlanılıb

26.04.2023

Ağcabədi Rayon Polis Şöbəsi əməkdaşlarının keçirdikləri əməliyyat tədbiri nəticəsində inzibati binaların birindən 3 ədəd kompüter və 1 ədəd proyektor oğurlamaqda şübhəli bilinən rayon sakini N.Hüseynov müəyyən olunaraq  saxlanılıb.Araşdırma aparılır.

Suraxanı rayonunun Yeni Suraxanı qəsəbəsi ərazisində “Toyota” , “Opel” və “KİA” markalı 3 avtomobil toqquşub

26.04.2023

Aprelin 26-da saat 22 radələrində Yeni Suraxanı qəsəbəsi ərazisində “Toyota” , “Opel” və “KİA” markalı 3 avtomobil toqquşub. Nəticədə “Toyota” markalı avtomobilin sürücüsü, paytaxt sakini B.Məhərrəmli hadisə yerində ölüb, “KİA” markalı avtomobilin sürücüsü isə xəstəxanaya yerləşdirilib.Suraxanı Rayon Polis İdarəsində araşdırma aparılır.

Sumqayıt şəhəri ərazisində “Toyota” markalı avtomobillə Sumqayıt şəhər sakini O.Ələkbərov vurulub

26.04.2023

Aprelin 27-də saat 1 radələrində Sumqayıt şəhəri ərazisində İmişli rayon sakini B.Həsənov idarə etdiyi “Toyota” markalı avtomobillə yolu keçən Sumqayıt şəhər sakini O.Ələkbərovu vurub və nəticədə piyada hadisə yerində ölüb.Sumqayıt Şəhər Polis İdarəsində araşdırma aparılır.

Şəki şəhəri ərazisində “Opel” markalı avtomobil aşıb

26.04.2023

Aprelin 26-da saat 20 radələrində Şəki şəhəri ərazisində Daşüz kənd sakini V.Mülayimov idarə etdiyi “Opel” markalı avtomobili ağaca vuraraq aşırıb və nəticədə hadisə yerində ölüb.Baş İstintaq və Təhqiqat İdarəsində araşdırma aparılır.

Xızı rayonunun Giləzi qəsəbəsi ərazisində “Renault” markalı avtomobillə yolu keçən qəsəbə sakini A.Məmmədov vurulub

26.04.2023

Aprelin 26-da saat 21 radələrində Xızı rayonunun Giləzi qəsəbəsi ərazisində Xaçmaz rayon sakini T.Nuriyev idarə etdiyi “Renault” markalı avtomobillə yolu keçən qəsəbə sakini A.Məmmədovu vurub və nəticədə piyada hadisə yerində ölüb.Baş İstintaq və Təhqiqat İdarəsində araşdırma aparılır.