Oğurluqda şübhəli bilinən Sumqayıt şəhər sakini F.Pənahov müəyyən edilərək saxlanılıb

21.03.2023

Sumqayıt ŞPİ 2-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisindəki 1 evdən və 1 həyətdən 2 ədəd dəmir lövhə, 6 ədəd dəmir qab, 25 metr rezin su borusu, su qızdırıcısı, dəmir çarpayı və qaz sobası oğurlamaqda şübhəli bilinən şəhər sakini, əvvəllər məhkum olunmuş  F.Pənahov müəyyən edilərək saxlanılıb.

Ağcabədi rayon sakini F.Atakişiyevin idarə etdiyi avtomobilə baxış zamanı oradan nömrəsi silinmiş avtomat silahı, patron darağı və 10 ədəd patron aşkar edilərək götürülüb

21.03.2023

Ağcabədi RPŞ əməkdaşlarının daxil olmuş məlumat əsasında keçirdikləri əməliyyat tədbirləri nəticəsində qanunsuz silah-sursat saxlamaqda şübhəli bilinən rayon sakini F.Atakişiyev saxlanılıb. Onun idarə etdiyi “VAZ-2107” markalı avtomobilə baxış zamanı oradan nömrəsi silinmiş “AK-47” markalı avtomat silahı, patron darağı və 10 ədəd patron aşkar edilərək götürülüb.

Bakı şəhər sakini V.Umudovun idarə etdiyi “Azsamand” markalı avtomobilə baxış zamanı oradan 455 qram marixuana aşkar edilərək götürülüb

21.03.2023

Qobustan RPŞ əməkdaşlarının daxil olmuş məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Bakı şəhər sakini V.Umudov saxlanılıb. Onun idarə etdiyi “Azsamand” markalı avtomobilə baxış zamanı oradan 455 qram marixuana aşkar edilərək götürülüb.

Gün ərzində qeydə alınan 43, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub

20.03.2023

Martın 20-də ölkə ərazisində qeydə alınan 43, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.  

Naftalan şəhərinin Qaşaltı Qaraqoyunlu kəndi ərazisində yol-nəqliyyat hadisəsi

20.03.2023

Martın 20-də saat 10 radələrində Naftalan şəhərinin Qaşaltı Qaraqoyunlu kəndi ərazisində şəhər sakini Cavid Quliyev idarə etdiyi  “VAZ-2107” markalı avtomobili qaz borusuna və yolun kənarındakı yardımçı təsərrüfata vurub. Nəticədə sürücü hadisə yerində ölüb.Naftalan Şəhər Polis Şöbəsi tərəfindən araşdırma aparılır. 

Bakı şəhər sakini S.İbrahimov üzərinə baxış zamanı ondan 1 ədəd nömrəsi silinmiş “Makarov” markalı tapança, 3 ədəd patron və 7 qrama yaxın metamfetamin aşkar olunaraq götürülüb

20.03.2023

Sabunçu RPİ 13-cü Polis Bölməsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində Bakı şəhər sakini əvvəllər məhkum olunmuş S.İbrahimov saxlanılıb. Üzərinə baxış zamanı ondan 1 ədəd nömrəsi silinmiş “Makarov” markalı tapança, 3 ədəd patron və 7 qrama yaxın metamfetamin aşkar olunaraq götürülüb.

Avtomobildən 10000 manat pul oğurlamaqda şübhəli bilinən Bakı şəhər sakini R.Ələsgərov saxlanılıb

20.03.2023

Sabunçu RPİ 14-cü Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisində bir avtomobildən 10000 manat pul oğurlamaqda şübhəli bilinən Bakı şəhər sakini R.Ələsgərov saxlanılıb.Araşdırma aparılır.

Bakı şəhər sakini A.Hüseynovun üzərinə baxış zamanı ondan 1 kiloqramdan artıq heroin aşkar olunaraq götürülüb

20.03.2023

Abşeron RPİ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini əvvəllər məhkum olunmuş A.Hüseynov saxlanılıb. Üzərinə baxış zamanı ondan 1 kiloqramdan artıq heroin aşkar olunaraq götürülüb.Araşdırma aparılır.

Oğurluqda şübhəli bilinən Gəncə şəhər sakin N.Ismayılov saxlanılmışdır

20.03.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində şəhər ərazisində yerləşən marketlərin birindən 300 manat dəyərində olan malları oğurlamaqda şübhəli bilinən Gəncə şəhər sakini əvvəllər məhkum olunmuş N.İsmayılov saxlanılıb. Araşdırma nəticəsində onun şəhər ərazisində bir köşkdən 700 manat dəyərində tütün məmulatı oğurlaması da müəyyən olunub.  Araşdırma aparılır.

Gün ərzində ölkə ərazisində qeydə alınan 44 cinayətin açılması təmin olunub

19.03.2023

Martın 19-da ölkə ərazisində qeydə alınan 44, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.