Bakı şəhər sakini R.Məmmədovdan 4 kiloqram 357 qram marixuana götürülüb

10.03.2023

Suraxanı RPİ 33-cü Polis Bölməsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini R.Məmmədovdan 4 kiloqram 357 qram marixuana götürülüb. Araşdırmalarla onun rayon ərazisində bir avtomobildən içərisində pul, sənədlər, bank kartı olan cüzdanı oğurlaması da məlum olub. Araşdırma aparılır.  

Bir qrup Neftçala rayon sakinindən narkotik vasitələr aşkar olunaraq götürülüb

10.03.2023

Neftçala Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbirləri nəticəsində saxlanılan rayon sakinləri, əvvəllər məhkum olunmuşlar - V.Alışdan 107 qramdan artıq heroin, A.Süleymanovdan 2 kiloqram 225 qram, A.Mahmudovdan isə 2 kiloqram 970 qram marixuana aşkar olunaraq götürülüb. 

Xəzər rayonunun Şüvəlan qəsəbəsi ərazisində sürücüyə qarşı quldurluq etməkdə şübhəli bilinən Bakı şəhər sakini T.Qasımov saxlanılıb

10.03.2023

Martın 4-də saat 23 radələrində Xəzər rayonunun Şüvəlan qəsəbəsi ərazisində “Toyota Prius” markalı bir avtomobildə sürücünün sərnişini tərəfindən bıçaqla hədələnərək quldurluq yolu ilə pulunun talanması barədə polisə məlumat daxil olub.Xəzər RPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində quldurluq əməlində şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş T.Qasımov müəyyən olunaraq saxlanılıb. Araşdırma aparılır.

Sumqayıt şəhər sakini Q.Cəfərovun pulunu soyğunçuluq yolu ilə talamaqda şübhəli bilinən şəhər sakini Z.Kazımov saxlanılıb

10.03.2023

Martın 7-də Sumqayıt şəhəri ərazisində şəhər sakini Q.Cəfərovun 327 manatının soyğunçuluq yolu ilə talanması barədə polisə məlumat daxil olub.  Sumqayıt ŞPİ 1-ci Polis Bölməsi əməkdaşlarının keçirdikləri əməliyyat tədbiri nəticəsində soyğunçuluq əməlində şübhəli bilinən şəhər sakini, əvvəllər dəfələrlə məhkum olunmuş Z.Kazımov müəyyən olunaraq saxlanılıb. Araşdırma aparılır. 

Naftalan şəhərində 3 vətəndaşın bank hesablarından pullarını oğurlamaqda şübhəli bilinən Goranboy rayon sakini A.Əhmədli saxlanılıb

10.03.2023

Naftalan Şəhər Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbirləri nəticəsində 3 vətəndaşın bank hesablarından ümumilikdə 1500 manat pullarını oğurlamaqda şübhəli bilinən Goranboy rayon sakini A.Əhmədli müəyyən olunaraq saxlanılıb. Araşdırmalarla onun daha 3 nəfərin bank hesablarından 3080 manat pul vəsaitlərini oğurlaması da məlum olub. Araşdırmalar aparılır. 

Ağdaş rayonu ərazisindəki orta məktəblərin birindən oğurluq etməkdə şübhəli bilinən rayon sakini R.Yusifov saxlanılıb

10.03.2023

Ağdaş Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki orta məktəblərin birindən 15 ədəd noutbuk və 1 ədəd proyektor oğurlamaqda şübhəli bilinən rayon sakini R.Yusifov müəyyən olunaraq saxlanılıb. Araşdırma aparılır. 

Ağdaş rayonu ərazisindəki elektrik şəbəkəsinə məxsus metal dayağı oğurlamaqda şübhəli bilinən rayon sakini E.Güləliyev saxlanılıb

10.03.2023

Ağdaş Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki elektrik şəbəkəsinə  məxsus 5 tonluq metal dayağı oğurlamaqda şübhəli bilinən rayon sakini E.Güləliyev müəyyən olunaraq  saxlanılıb. Araşdırma aparılır.

Beyləqan rayonunun Eyvazlılar kəndi ərazisindəki bazarda pul oğurlamaqda şübhəli bilinən Yevlax rayon sakini N.Bəkirov saxlanılıb

10.03.2023

Beyləqan Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Eyvazlılar kəndi ərazisində yerləşən mal-qara bazarında Ağcabədi rayon sakini R.Kərimovun 2589 manat pulunu oğurlamaqda şübhəli bilinən Yevlax rayon sakini, əvvəllər məhkum olunmuş N.Bəkirov müəyyən olunaraq saxlanılıb. Araşdırma aparılır. 

Astara rayonu ərazisindəki mağazaların birindən pul oğurlamaqda şübhəli bilinən Lənkəran şəhər sakini E.Mirzəzadə saxlanılıb

10.03.2023

Astara Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki mağazaların birindən 1651 manat pul oğurlamaqda şübhəli bilinən Lənkəran şəhər sakini, əvvəllər məhkum olunmuş E.Mirzəzadə saxlanılıb. Şəxsi axtarış zamanı ondan heroin aşkar olunaraq götürülüb.

Səbail rayonu ərazisindən R.Cəfərova məxsus motosikleti qaçırmaqda şübhəli bilinən Bakı şəhər sakini A.Qorişniy saxlanılıb

10.03.2023

Səbail RPİ-nin 8-ci Polis Bölməsinə martın 2-nə keçən gecə rayon ərazisindən R.Cəfərova məxsus motosikletin qaçırılması barədə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakini A.Qorişniy motosikletlə saxlanılıb. Araşdırma aparılır.