Oğurluq əməlini törətməkdə şübhəli bilinən Gəncə şəhər sakinləri A.Məmmədov və R.Lepexov saxlanılıb

21.04.2023

Aprelin 21-də Gəncə şəhərinin Yeni Gəncə qəsəbəsi ərazisində yerləşən yaşayış binalarının zirzəmilərindən su borularının oğurlanması barədə polisə məlumat daxil olub.Gəncə ŞBPİ 3-cü Polis Bölməsi əməkdaşlarının keçirdikləri əməliyyat-axtarış tədbirləri ilə oğurluq əməlini törətməkdə şübhəli bilinən şəhər sakinləri, əvvəllər məhkum olunmuşlar A.Məmmədov və R.Lepexov saxlanılıb. 

Oğurluq etdiklərinə görə tutulmuş R.Əzizovun və M.Astanovun törətdikləri digər cinayət əməlləri də müəyyən edilib

21.04.2023

Cəlilabad RPŞ əməkdaşları tərəfindən aprelin 17-də oğurluq etdiklərinə görə tutulmuş R.Əzizovun və M.Astanovun 2021-ci ilin fevral ayında Zopun kəndindən 4 baş inək oğurlamaları, həmçinin M.Astanovun müxtəlif vaxtlarda 3 həyətyanı sahədən ümumilikdə 38 ev quşu oğurlaması da müəyyən olunub. Cəlilabad RPŞ tərəfindən araşdırmalar davam etdilir.

Oğurluqda şübhəli bilinən Şirvan şəhər sakini Ş.Əliyev saxlanılıb

21.04.2023

Şirvan ŞPŞ əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində 3 avtomobildən ümumilikdə 1235 manat pul oğurlamaqda şübhəli bilinən şəhər sakini, əvvəllər məhkum olunmuş Ş.Əliyev saxlanılıb.

Oğurluq əməlini törətməkdə şübhəli bilinən Masallı rayon sakinləri A.Kərimov və A.Cavadov, Sabirabad rayon sakini Ü.Hüseynov müəyyən edilərək saxlanılıb

21.04.2023

Aprelin 17-də Masallı rayonu ərazisindəki mağazaların birindən “KamAZ” markalı avtomobilə aid 1300 manat dəyərində 2 ədəd sürətlər qutusunun oğurlanması barədə polisə məlumat daxil olub. Masallı RPŞ əməkdaşlarının keçirdikləri əməliyyat-axtarış tədbirləri ilə oğurluq əməlini törətməkdə şübhəli bilinən rayon sakinləri, əvvəllər  məhkum olunmuşlar A.Kərimov və A.Cavadov, Sabirabad rayon sakini, əvvəllər məhkum olunmuş Ü.Hüseynov müəyyən edilərək saxlanılıb. 

Gün ərzində ölkə ərazisində qeydə alınan 59 cinayətin açılması təmin olunub

20.04.2023

Aprelin 20-də ölkə ərazisində qeydə alınan 59, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.

Şəmkir şəhəri ərazisindəki restoranların birində Bakı şəhər sakini A.Baxşəliyevin 2000 manat dəyərində qızıl təsbehini oğurlamaqda şübhəli bilinən rayon sakini A.Bəhramlı saxlanılıb

20.04.2023

Şəmkir şəhəri ərazisindəki restoranların birindən Bakı şəhər sakini A.Baxşəliyevin 2000 manat dəyərində qızıl təsbehinin oğurlanması barədə polisə məlumat daxil olub.Şəmkir Rayon Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən rayon sakini A.Bəhramlı müəyyən olunaraq saxlanılıb.Araşdırma aparılır.

Samux rayonunun Qarayeri qəsəbəsindəki evlərin birindən oğurluq etməkdə şübhəli bilinən Gəncə şəhər sakinləri R.Həsənov və C.Xəlilov saxlanılıblar

20.04.2023

Samux Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində aprelin 20-də Qarayeri qəsəbəsindəki evlərin birindən 1400 manat dəyərində məişət əşyaları, 2 ədəd otbiçən və 400 kiloqram metal qırıntılar oğurlamaqda şübhəli bilinən Gəncə şəhər sakinləri əvvəllər məhkum olunmuşlar R.Həsənov və C.Xəlilov müəyyən olunaraq saxlanılıblar.Şəxsi axtarış zamanı onlardan metamfetamin aşkar edilərək götürülüb.

Ağstafa rayon sakini S.Bağırovun avtomobilindən qanunsuz saxladığı ov tüfəngi aşkar edilərək götürülüb

20.04.2023

Ağstafa Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Muğanlı kənd sakini S.Bağırovun “Opel” markalı avtomobilinə baxış zamanı qanunsuz saxladığı “TOZ” markalı ov tüfəngi aşkar edilərək götürülüb.Araşdırma aparılır.

Qusar rayon sakinləri N.Əzizova və M.Məmmədovanın müvafiq icazələri olmadan müxtəlif növ ağacların emalı və satışı ilə məşğul olmaları müəyyən edilib

20.04.2023

Daxili İşlər Nazirliyinin Baş İctimai Təhlükəsizlik İdarəsi əməkdaşlarının əldə olunan məlumat əsasında keçirdikləri əməliyyat tədbirləri nəticəsində aprelin 19-da Qusar rayonunun Güdəzeyxur kənd sakini N.Əzizova və İmamqulukənd kənd sakini M.Məmmədova məxsus torpaq sahələrində müvafiq icazələri olmadan müxtəlif növ ağacların emalı və satışı ilə taxta sexlərinin fəaliyyət göstərməsi müəyyən olunub. Ağacların kəsilməsində istifadə edilən ümumilikdə 4 ədəd dəzgah və 20 kubmetr müxtəlif növ taxta materialları aşkar edilib.Araşdırma aparılır.

Qaradağ rayonu ərazisindəki mağazaların birindən pul və tütün məmulatları oğurlamaqda şübhəli bilinən şəxslər saxlanılıblar

20.04.2023

Qaradağ RPİ 10-cu Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində aprelin 18-də rayon ərazisindəki mağazaların birindən 100 manat pul və tütün məmulatları oğurlamaqda şübhəli bilinən Bakı şəhər sakini İ.Eyvazlı və Abşeron rayon sakini əvvəllər məhkum olunmuş Y.İmanov müəyyən olunaraq saxlanılıblar.Araşdırma aparılır.