Bakıda iş adamından hədə-qorxu ilə 100 min manat tələb edən və onun avtomobilini qəsdən yandıran şəxslər saxlanılıblar

21.06.2023

Paytaxtın Sabunçu rayonunda yerləşən restoranlardan birinin sahibindən hədə-qorxu ilə pul tələb edən dəstə üzvləri saxlanılıblar. Sabunçu Rayon Polis İdarəsinin 13-cü Polis Bölməsinin əməkdaşları tərəfindən həyata keçirilən əməliyyat-axtarış tədbirləri nəticəsində Ceyhun Abdullayev, Nurlan Mamedov və Ruslan Abdullayev tutulublar. Araşdırma zamanı müəyyən edilib ki, Ceyhun Abdullayevin tapşırığı ilə Nurlan Mamedov xarici ölkələrdən birində qeydiyyatdan keçən mobil telefon nömrəsi ilə zərərçəkənə zəng vurub özünü “Maqa” kimi təqdim edərək ondan 100 min manat tələb edib. Zərərçəkən qeyd edilən qanunsuz tələbi yerinə yetirmədiyi üçün onlar dəstənin digər üzvü Ruslan Abdullayevlə sövdələşərək iş adamının “Lexsus” markalı avtomobilinin onun yaşadığı Bakıxanov qəsəbəsində evinin qarşısında üzərinə alışdırıcı maddə tökərək yandırılmasını təşkil ediblər. Saxlanılan şəxslər barəsində 13-cu Polis Bölməsində toplanan materiallar Sabunçu Rayon Polis İdarəsinə göndərilib, araşdırmalar davam etdirilir. 

Gün ərzində ölkə ərazisində qeydə alınan 56 cinayətin açılması təmin olunub

20.06.2023

İyunun 20-də ölkə ərazisində qeydə alınan 56, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

İmişli şəhəri ərazisində “Mercedes” və “VAZ-2106” markalı avtomobillər toqquşub

20.06.2023

İyunun 20-də saat 16 radələrində İmişli şəhəri ərazisində şəhər sakinləri Z.Hüseynovun idarə etdiyi “Mercedes” və C.Cəfərovun idarə etdiyi “VAZ-2106” markalı avtomobillər toqquşub. Nəticədə C.Cəfərovun sərnişini olan həyat yoldaşı xəstəxanada ölüb.İmişli Rayon Polis Şöbəsində araşdırma aparılır.

Bakı şəhər sakini O.Quliyevdən 3,5 kiloqram heroin aşkar edilərək götürülüb

20.06.2023

Xəzər Rayon Polis İdarəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini, əvvəllər məhkum olunmuş O.Quliyevdən 3,5 kiloqram heroin aşkar edilərək götürülüb. Araşdırma aparılır.

Bakı şəhər sakini E.Nurullayevdən 1,5 kiloqramdan artıq marixuana aşkar edilərək götürülüb

20.06.2023

Pirallahı Rayon Polis İdarəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini E.Nurullayevdən 1,5 kiloqramdan artıq marixuana aşkar edilərək götürülüb. Araşdırma aparılır.

Sumqayıt şəhəri ərazisindəki bir şirkətdən və bir həyətyanı sahədən oğurluq etməkdə şübhəli bilinən B.Nəsirov saxlanılıb

20.06.2023

Sumqayıt ŞPİ 2-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində müxtəlif vaxtlarda şirkətlərdən birinə məxsus 6 ədəd metal boru, bir həyətyanı sahədən isə velosiped, elektrik sobası və məişət əşyaları oğurlamaqda şübhəli bilinən H.Z.Tağıyev qəsəbə sakini, əvvəllər məhkum olunmuş B.Nəsirov müəyyən edilərək saxlanılıb. Araşdırma aparılır.

Xaçmaz rayonunun Qaraqurtlu kəndi ərazisində silah-sursat tapılıb

20.06.2023

Xaçmaz Rayon Polis Şöbəsinin əməkdaşları tərəfindən Qaraqurtlu kəndi ərazisində nömrəsi silinmiş “AK-74” markalı avtomat silah və 440 ədəd patron tapılıb.

Bərdə rayonunun Xamtorpaq kəndindəki evlərin birindən pul oğurlamaqda şübhəli bilinən Laçın rayon sakini E.Behbudov saxlanılıb

20.06.2023

İyunun 3-dən 15-dək olan müddətdə Bərdə rayonunun Xamtorpaq kəndindəki evlərin birindən 1700 manatın qeyri-aşkar şəraitdə oğurlanması barədə polisə məlumat daxil olub.Bərdə Rayon Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Laçın rayon sakini E.Behbudov müəyyən edilərək saxlanılıb. Araşdırma aparılır.

Tovuz rayonunun Abulbəyli kəndi ərazisində bir nəfərin 1000 manatını oğurlamaqda şübhəli bilinən rayon sakini V.Qasımov saxlanılıb

20.06.2023

Tovuz Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 11-də Abulbəyli kəndi ərazisində bir nəfərin 1000 manatını oğurlamaqda şübhəli bilinən rayon sakini, əvvəllər məhkum olunmuş V.Qasımov müəyyən olunaraq saxlanılıb. Araşdırma aparılır.

Nərimanov rayonunda “Rza” və “Milad” adlı iranlı narkotacirin şəbəkəsinə daxil olan daha 4 nəfər saxlanılıb

20.06.2023

Nərimanov  Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı növbəti əməliyyatlar həyata keçirilib. Tədbir zamanı əvvəllər məhkum olunmuş paytaxt sakini Elmar Məmişov saxlanılıb. Onun üzərində axtarış aparılan zaman 5 kiloqrama yaxın narkotik vasitə heroin aşkar edilib. İdarə əməkdaşları tərəfindən həyata keçirilən daha bir əməliyyat zamanı isə paytaxt ərazisində narkotik vasitələrin satışını təşkil edən dəstə üzvləri - Niyazi Quliyev, Nazim Novruzov və Ziya Zakirov da tutularaq istintaqa təqdim ediliblər. Bu şəxslərdən isə ümumilikdə 2 kiloqram narkotik vasitə heroin aşkar olunub. Saxlanılan şəxslər narkotik vasitələri sosial şəbəkələrdə tanışı olduqları şəxsiyyətləri istintaqla araşdırılan “Rza” və “Milad” adlı İran vətəndaşlarından maddi gəlir qarşılığında satmaq məqsədi ilə əldə etdiklərini və narkokuryerliyə cəlb olunduqlarını bildiriblər.Bu şəxslər barəsində İdarənin İdarənin İstintaq Şöbəsində cinayət işləri başlanılıb. araşdırmalar davam etdirilir.