Samux rayonu ərazisindən yabanı halda bitmiş 3,1 ton çəkidə 4950 ədəd çətənə kolu aşkarlanaraq məhv edilib

15.06.2024

Samux Rayon Polis Şöbəsinin əməkdaşları tərəfindən Ziyadlı kəndi ərazisindən yabanı halda bitmiş 3,1 ton çəkidə 4950 ədəd çətənə kolu aşkarlanaraq məhv edilib.

Ahıl və tənha vətəndaşlara qarşı dələduzluğa cəlb edilən 14 nəfər saxlanılıb

15.06.2024

Yaxın qohumlarının xəstə, müalicəsinə təcili pul lazım olması adı ilə vətəndaşlara, xüsusən yaşlı nəslin nümayəndələrinə kütləvi zənglərin edilməsi və onların pul vəsaitlərinin ələ keçirilməsi faktları polis əməkdaşları tərəfindən araşdırılıb.Müəyyən edilib ki, 08-13 iyun 2024-cü il tarixlərində naməlum şəxslər əvvəlcədən müəyyənləşdirdikləri vətəndaşlarla xaricdən ev telefonu vasitəsi ilə əlaqə saxlayıb onların yaxın qohumlarının başına bədbəxt hadisə gəldiyini bildirərək yardım göstərilməsi üçün pul tələb ediblər. Həmin şəxslər əvvəlcədən “Telegram” sosial şəbəkəsindən sifariş etdikləri kuryerlər vasitəsi ilə pul vəsaitlərini zərərçəkənlərdən alaraq kriptovalyuta hesablarına köçürməklə ələ keçiriblər.Qeyd olunan hüquqazidd əməllər nəticəsində naməlum şəxslər 212.000, 20.000, 4.400, 4.000, 500 dollar, eləcə də 21.530, 10.000, 5.300, 7.700 , 4.570,  4.000, 2.000 manat olmaqla ümumilikdə 10 vətəndaşa 240.900 ABŞ dolları və 55.100 manat maddi ziyan vurublar.Bakı şəhərində polis əməkdaşları tərəfindən keçirilən tədbirlərlə kuryer qismində hadisələrin törədilməsində iştirak edən 14 nəfər saxlanılıb.Faktlarla bağlı Cinayət Məcəlləsinin müvafiq maddələri ilə cinayət işi başlanılıb. Cinayətlərin təşkilatçıları və digər iştirakçılarının dairəsinin müəyyən edilməsi istiqamətində əməliyyat-istintaq tədbirləri davam etdirilir.Qeyd olunanları nəzərə alaraq, diqqətə çatdırırıq ki, belə hallarla bağlı vətəndaşlar diqqətli olsunlar, daxil olan zənglər üzrə verilən məlumatları dəqiqləşdirsinlər, tanımadıqları şəxslərə pul vəsaitlərini verməsinlər.

Milli Qurtuluş Günü və Qurban bayramı ilə əlaqədar polis gücləndirilmiş iş rejimində xidmətini davam etdirir

15.06.2024

Milli Qurtuluş Günü və Qurban bayramı ilə əlaqədar ictimai asayişin, qanunçuluğun və hüquq qaydasının qorunması, xidməti vəzifələrin icrasının yüksək səviyyədə təmin edilməsi məqsədilə DİN-in bütün orqan və hissələrinin şəxsi heyəti gücləndirilmiş iş rejimində xidmətlərini davam etdirir. Kütləvi tədbirlərin, insanların sıx toplaşdığı yerlərdə polis naryadlarının sayı artırılıb, mühüm əhəmiyyətli obyektlərin mühafizəsi ciddi nəzarətdə saxlanılır. Respublika əhəmiyyətli avtomobil yollarında hərəkətin təhlükəsizliyinin təmin edilməsi məqsədilə Dövlət Yol Polisi əməkdaşları profilaktik-maarifləndirmə tədbirləri həyata keçirirlər. Vətəndaşları, o cümlədən bölgələrə səfərə çıxmağa hazırlaşan hərəkət iştirakçılarını qaydalara əməl etməyə çağırırıq. Məlum olduğu kimi, Qurban bayramı günlərində qurbanlıq heyvanların kəsimi və satışının müvafiq norma və qaydalar çərçivəsində təşkili həyata keçiriləcəkdir. Bu bayram günlərində insanların öz xeyirxah əməllərini təhlükəsiz və sağlamlığa zərər vurmayan şəraitdə yerinə yetirməsinin vacibliyi ilə əlaqədar bildiririk ki, xüsusi ayrılmış yerlərdən kənarda heyvan tədarükü, kəsimi və satışına icazə verilməyəcəkdir. Bununla yanaşı vətəndaşlar qarşılaşdıqları hər hansı neqativ hallarla bağlı ərazidə 24 saat xidmət aparan polis naryadlarına, həmçinin DİN-in “102” Zəng Mərkəzinə, Nazirliyin sosial şəbəkələrdəki rəsmi səhifələrinə müraciət edə bilərlər.   Bir daha vətəndaşlarımızı Milli Qurtuluş Günü və Qurban bayramı münasibətilə təbrik edir, xoş istirahətlər arzulayırıq!   Youtube linki - https://www.youtube.com/watch?v=s1vZeo41Kk4    

Gün ərzində ölkə ərazisində qeydə alınan 42 cinayətin açılması təmin olunub

14.06.2024

İyunun 14-də ölkə ərazisində qeydə alınan 39, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub.

Sumqayıt şəhəri ərazisindəki evlərin birindən pul oğurlamaqda şübhəli bilinən R.Məmmədov saxlanılıb

14.06.2024

Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə iyunun 13-də şəhər ərazisindəki evlərin birindən 3000 manat pul oğurlamaqda şübhəli bilinən R.Məmmədov saxlanılıb. Araşdırma aparılır. 

Kürdəmir rayonunda bir həyətdən ev quşlarını oğurlamaqda şübhəli bilinən E.Mayılov saxlanılıb

14.06.2024

Kürdəmir Rayon Polis Şöbəsi əməkdaşlarının keçirdikləri tədbirlərlə Atakişili kəndində bir həyətdən 80 ev quşu oğurlamaqda şübhəli bilinən E.Mayılov saxlanılıb. Araşdırma aparılır. 

Bərdə rayonunun Lənbəran kənd sakini E.Rüstəmova məxsus həyətyanı sahədən 105 ədəd çətənə bitkisi aşkar olunaraq götürülüb

14.06.2024

Bərdə Rayon Polis Şöbəsi əməkdaşlarının keçirdikləri tədbirlərlə Lənbəran kənd sakini E.Rüstəmova məxsus həyətyanı sahədən kultivasiya yolu ilə yetişdirilmiş 105 ədəd çətənə bitkisi aşkar olunaraq götürülüb.Araşdırma aparılır.

Zaqatala rayonunun Car kəndi ərazisində yabanı halda bitmiş çətənə kolları aşkar olunaraq məhv edilib

14.06.2024

Zaqatala Rayon Polis Şöbəsinin əməkdaşları tərəfindən Car kəndi ərazisində yabanı halda bitmiş 3,7 ton çəkidə 7884 ədəd çətənə kolu aşkar olunaraq məhv edilib.

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

14.06.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. İyunun 14-də polis əməkdaşları paytaxt və respublikanın ayrı-ayrı rayonlarında 1 avtomat silahı, 1 patron darağı və 9 ədəd patron təhvil götürüblər. 

Qanunsuz saxlanılan odlu silah-sursat aşkar olunaraq götürülüb

14.06.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. İyunun 14-də polis əməkdaşlarının keçirdikləri əməliyyat tədbirləri ilə qanunsuz saxlanılan 1 avtomat silahı, 1 patron darağı və 30 ədəd patron aşkar edilərək götürülüb.