Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Dələduzluğa görə axtarışda olan 10 nəfər saxlanılaraq istintaqa təhvil verilib
21.06.2024
Polis əməkdaşlarının iyunun 21-də keçirdikləri əməliyyat tədbirləri ilə dələduzluğa görə axtarışda olan 10 nəfər saxlanılaraq istintaqa təhvil verilib.
İtkin düşmüş kimi axtarışda olan 10 nəfər tapılaraq aidiyyəti üzrə təhvil verilib
İyunun 21-də polis əməkdaşlarının keçirdikləri tədbirlərlə itkin düşmüş kimi axtarışda olan 10 nəfər tapılaraq aidiyyəti üzrə təhvil verilib.
Binəqədi rayonu ərazisində bir qadının əl çantasını quldurluq yolu ilə talamaqda şübhəli bilinən qrupun digər üzvü də saxlanılıb
Polis əməkdaşlarının keçirdikləri tədbirlərlə iyunun 18-də axşam saatlarında Binəqədi rayonu ərazisində bir qadının içərisində 5000 manat pulu olan əl çantasını quldurluq yolu ilə talamaqda şübhəli bilinən qrupun digər üzvü Ə.Əjdərov da müəyyən olunaraq saxlanılıb.
Lökbatan qəsəbəsi ərazisində yerləşən marketlərin birindən seyfdən 3075 manat pul oğurlamaqda şübhəli bilinən E.Həsənli saxlanılıb
İyunun 21-i axşam saatlarında Lökbatan qəsəbəsi ərazisində yerləşən marketlərin birindən seyfdən 3075 manat pul oğurlanması barədə polisə məlumat daxil olub.Qaradağ RPİ 10-cu Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən E.Həsənli müəyyən edilərək saxlanılıb.Araşdırma aparılır.
Nərimanov rayonu ərazisində yerləşən 2 marketdən oğurluq etməkdə şübhəli bilinən T.Cəfərov və A.Məmmədov saxlanılıblar
Nərimanov RPİ 18-ci Polis Şöbəsi əməkdaşlarının keçirdikləri tədbirlərlə ayrı-ayrı vaxtlarda rayon ərazisində yerləşən 2 marketdən ümumilikdə 370 manat dəyərində məhsul oğurlamaqda şübhəli bilinən T.Cəfərov və A.Məmmədov müəyyən olunaraq saxlanılıblar.Araşdırma aparılır.
Samux rayonunun Sərkar kəndi ərazisində E.Əhmədovun yetişdirdiyi çətənə kolları və 100 qram marixuana aşkar olunaraq götürülüb
Samux Rayon Polis Şöbəsi əməkdaşlarının keçirdikləri tədbirlərlə əvvəllər məhkum olunmuş E.Əhmədovun Sərkar kəndi ərazisində kultivasiya yolu ilə yetişdirdiyi 12 ədəd çətənə kolu və 100 qram marixuana aşkar olunaraq götürülüb. Araşdırma aparılır.
Füzuli rayonunun Qacar kəndi ərazisində yabanı halda bitmiş çətənə kolları məhv edilib
Füzuli Rayon Polis Şöbəsinin əməkdaşları tərəfindən Qacar kəndi ərazisində yabanı halda bitmiş 3,2 ton çəkidə 6832 ədəd çətənə kolu aşkar olunaraq məhv edilib.
Tovuz rayonunun Abulbəyli kəndinin ərazisində yabanı halda bitmiş çətənə kolları məhv edilib
Tovuz Rayon Polis Şöbəsinin əməkdaşları Abulbəyli kəndinin ərazisində yabanı halda bitmiş 600 ədəd çətənə kolu aşkar edərək məhv ediblər.
Ağsu rayonu ərazisində yabanı halda bitmiş çətənə kolları məhv edilib
Ağsu Rayon Polis Şöbəsinin əməkdaşları rayon ərazisində yabanı halda bitmiş 1,6 ton çəkidə 3127 ədəd çətənə kolunu aşkar edərək məhv ediblər.
Ölkəyə qaçaqmalçılıq yolu ilə 60 kiloqram marixuana gətirən 3 narkokuryer saxlanılıb
DİN Baş Narkotiklərlə Mübarizə İdarəsi tərəfindən paytaxt ərazisində keçirilən növbəti tədbirlər zamanı narkotiklərin qanunsuz dövriyyəsini təşkil edən Tələt Muradov, Şahlar Qasımov və Famil Əliyev saxlanılıblar.Saxlanılanların üzərindən, ev və avtomobilindən 60 kiloqram tərkibi psixotrop maddələrlə zənginləşdirilən marixuana, heroin, metamtefamin, 8780 ədəd metadon həbi və narkotiklərin satışında istifadə olunan elektron tərəzilər aşkarlanıb.Araşdırmalarla müəyyən edilib ki, T.Muradov, Ş.Qasımov və F.Əliyev “Sübhan” və “Razi” adlı şəxsiyyəti istintaqla araşdırılan İran vətəndaşları ilə əlbir olaraq ölkəyə narkotiklərin gətirilməsini təşkil ediblər. Saxlanılan şəxslər qaçaqmalçılıq yolu ilə ölkəyə gətirilən narkotikləri Sumqayıt şəhərində dəniz kənarından əldə etdiklərini bildiriblərHər üç şəxs narkotikləri maddi qazanc əldə etmək məqsədi ilə Bakı şəhərində ayrı-ayrı ünvanlara yerləşdirməli imişlər. T.Muradov, Ş.Qasımov və F.Əliyev ölkə ərazisində narkotiklərin qanunsuz dövriyyəsini təşkil edən əsas şəxslərdən olublar.Faktlarla bağlı cinayət işi başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib. Əməliyyat-istintaq tədbirləri davam etdirilir.
