Xaçmaz rayonunun Vələmir kəndi ərazisində yol-nəqliyyat hadisəsi

07.07.2023

İyulun 7-də saat 15 radələrində Xaçmaz rayonunun Vələmir kəndi ərazisində Şabran rayon sakini H.Xanbutayev idarə etdiyi “Nissan” markalı avtomobillə yolu atla keçən şəhər sakini B.Bayramovu vurub və nəticədə B.Bayramov hadisə yerində ölüb.Baş İstintaq və Təhqiqat İdarəsində araşdırma aparılır. 

Qobustan şəhəri ərazisində yol-nəqliyyat hadisəsi

07.07.2023

İyulun 7-də saat 22 radələrində Qobustan rayonunun Qobustan şəhəri ərazisində Şamaxı rayon sakini F.Gülməmmədov idarə etdiyi “Opel” markalı avtomobillə yolu keçən şəhər sakini S.Əzizovu vurub. Piyada xəstəxanaya aparılarkən yolda ölüb.Baş İstintaq və Təhqiqat İdarəsində araşdırma aparılır. 

Nəqliyyat vasitəsini qaçırmaqda şübhəli bilinən Şamaxı rayon sakini Z.Səmədov avtomobillə saxlanılıb

07.07.2023

İyulun 6-na keçən gecə Binəqədi rayonunun K.Rəhimov küçəsindən “VAZ-2101” markalı bir avtomobilin qaçırılması barədə Binəqədi RPİ-nin 5-ci Polis Bölməsinə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Şamaxı rayon sakini, əvvəllər məhkum olunmuş Z.Səmədov Yasamal rayonu ərazisində avtomobillə saxlanılıb. Araşdırma aparılır. 

Bakı şəhər sakini S.Sadıqovu qətlə yetirməkdə şübhəli bilinən A.Cəfərov tutularaq istintaqa təhvil veirlib

07.07.2023

İyulun 5-də Binəqədi rayonunun Biləcəri qəsəbəsi 1 May yaşayış sahəsində yol kənarında çürüməyə məruz qalmış insan meyitinin aşkar olunması barədə Binəqədi RPİ-nin 6-cı Polis Bölməsinə məlumat daxil olub. Araşdırmalarla onun Bakı şəhər sakini S.Sadıqov olması məlum olub. Polis və prokurorluq əməkdaşlarının keçirdikləri istintaq-əməliyyat tədbirləri nəticəsində iyunun 25-də saat 1 radələrində A.Cəfərovun münaqişə zəminində onu qəsdən öldürülməsinə əsaslı şübhələr müəyyən edilib.Faktla bağlı cinayət işi başlanıb.Polis əməkdaşlarının keçirdikləri əməliyyat tədbiri nəticəsində Saatlı rayon sakini, əvvəllər məhkum olunmuş A.Cəfərov şübhəli şəxs qismində tutularaq istintaqa təhvil veirlib. 

Oğurluq etdiyinə görə tutulan Z.Suleykinin daha iki evdən oğurluq etməsi də müəyyən olunub

07.07.2023

Səbail RPİ 41-ci Polis Bölməsində aparılan araşdırmalarla oğurluq etdiyinə görə tutulan Z.Suleykinin daha iki evdən 6750 manat dəyərində qızıl, gümüş, məişət əşyaları və 2 ədəd mobil telefon oğurlaması da müəyyən olunub. 

Oğurluq əməlini törətməkdə şübhəli bilinən Sumqayıt şəhər sakini C.Mustafayev müəyyən olunaraq saxlanılıb

07.07.2023

Sumqayıt şəhərinin 4-cü mikrorayon ərazisində yerləşən daşınmaz əmlak agentliklərinin birindən 6 ədəd noutbuk, 4 ədəd mobil telefon və kameranın yaddaş blokunun oğurlanması barədə polisə məlumat daxil olub.Sumqayıt ŞPİ 3-cü Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən şəhər sakini, əvvəllər məhkum olunmuş C.Mustafayev müəyyən olunaraq saxlanılıb.  Araşdırma aparılır. 

Avtoxuliqanlıq hərəkətləri etməklə yol hərəkəti iştirakçılarının həyat və sağlamlıqlarını təhlükəyə atan sürücülər nəqliyyat vasitəsini idarə etmək hüququ 1 il müddətinə məhdudlaşdırılmaqla 15 gün müddətdə inzibati qaydada həbs olunublar

07.07.2023

Baş Dövlət Yol Polis İdarəsi və Astara Rayon Polis Şöbəsi əməkdaşlarının keçirdikləri tədbirlər nəticəsində iyulun 7-də saat 8 radələrində Pensər kəndi ərazisində avtoxuliqanlıq hərəkətləri edərək ictimai qaydanı pozan, magistral yolda təhlükəli manevrlərlə həm özlərinin, həm də digər yol hərəkəti iştirakçılarının həyat və sağlamlıqlarını təhlükəyə atan “VAZ” markalı 5 avtomobil saxlanılıb. Həmin sürücülər barəsində İnzibati Xətalar Məcəlləsinin 511-ci maddəsinə əsasən protokol tərtib olunub. Astara rayon Məhkəməsinin qərarı ilə onların hər biri nəqliyyat vasitəsini idarə etmək hüququ 1 il müddətinə məhdudlaşdırılmaqla 15 gün müddətdə inzibati qaydada həbs olunublar.

DİN Baş Narkotiklərlə Mübarizə İdarəsinin növbəti əməliyyatı zamanı İrandan narkotik vasitə gətirən daha bir nəfər saxlanılıb

07.07.2023

Abşeron rayonu Qobu, Mehdiabad, Masazır, Saray qəsəbələrində polis əməkdaşları tərəfindən təxirəsalınmaz əməliyyat tədbirləri həyata keçirilib

07.07.2023

Abşeron rayonu Qobu, Mehdiabad, Masazır, Saray qəsəbələrində

Gün ərzində ölkə ərazisində qeydə alınan 67 cinayətin açılması təmin olunub

06.07.2023

İyulun 6-da ölkə ərazisində qeydə alınan 67, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.